له هغه ورسته چې اسلامي امارت د تېر زېږدیز کال د اګېسټ په ۱۵مه واک ته ورسېد، د خبریالانو په ګډون، یوشمېر کسانو چې افغانستان کې یې ځان خوندي نه باله، له هېواده یې د وتلو هڅې پیل کړې.
افغانستان سره له دې چې څه باندې څلور لسیزې پهکې جګړه روانه ده، خو بیا هم ګڼشمېر وحشي حیوانات او نور الوتونکي مرغان لري. دغو جګړو که څه هم ګڼشمېر حیوانات له هېواده وتلو ته اړ کړي، خو لا هم د بېلابېلو ولایتونو په غرو او دښتو کې موندل کېږي.
شکریه چې خاوند او درې ماشومان یې هم ورسره دي وايي، یو کال مخکې پاکستان ته تللې، خو لا هم بېبرخلیکه پاتې ده. هغه هلته له اروايي ستونزو هم سر ټکوي او وايي: «مخکې مې نورو ته د اروايي وضعیت د کنټرول لارښوونې کولې، خو اوس خپله پرې اخته شوې یم. زړه مې تنګېږي. ځان بېبرخلیکه بولم. فکر کوم هر څه خراب شوي، بېرته به جوړ نه شي.»
اقلیمي بدلون په وروستیو کلونو کې د نړۍ په کچه یوه مهمه ننګونه ګڼل کېږي چې د انسانانو په ګډون یې نور ژوندي حیوانات او په ټوله کې ځمکه له ګواښ سره مخامخ کړې ده. د ا.ا چارواکو نن د اقلیمي بدلون نړیوالې اوونۍ په اړه جوړه شوې غونډه کې د اقلیمي بدلون ناوړه پایلو په اړه اندېښنه وښوده.
افغانستان په داسې حال کې د ملګروملتونو د بشری حقونو شورا کې له څلورو ټاکل شویو څوکیو څخه د یوې ترلاسه کولو لپاره په سیالي کې شو چې د اسیاـ پاسفیک لپاره ځانګړې شوې وې.
که څه هم امنیتي ادارې هېواد کې د سل سلنه امنیت ټینګښت ډاډ ورکوي، خو کابل ښاریان د وسلهوالو غلاوو د زیاتېدو په اړه شکایت کوي.
یوشمېر هغو کسانو چې وسلهوالو غلو لوټلي، سلاموطندار ته ویلي، داسې ورځ نشته چې وسلهوال غله دې په کابل ښار کې څو کسان ونه لوټي.
د زابل د عامې روغتیا ریاست مسوولان وايي، له څه مودې راهیسې په دغه ولایت کې د کورونا ویروس پېښې ډېرې شوي او په وینا یې، هره ورځ یوازې په مرکز کلات ښار کې له ۱۷ تر ۲۵ مثبتې پېښې ثبتېږي.
د بهرنیو چارو وزارت افغانستان کې د ترهګرو موجودیت رد کړی او ویلي یې دي چې دا اندېښنې د ناسمو سرچینو له لارې پیدا شوې دي.
دغه وزارت نن په یوه خبرپاڼه کې لیکلي چې د امریکا او پاکستان په ګډون، یوشمېر هېوادونو د ملګرو ملاتونو عمومي غونډه کې د افغانستان په اړه اندېښنه ښودلې چې ګواکې لا هم هېواد کې د ترهګرۍ ګواښ پر ځای دی.
د عامې روغتیا وزارت په افغانستان کې د شري ناورغي د زیاتوالي په اړه د ملګرو ملتونو له اندېښنو وروسته سلاموطندار ته ویلي چې هېواد کې یې د شري ناروغي د زیاتوالي مخه نیولې او په ډېری سیمو کې یې لپاره د واکسین کمپاین هم پیل شوی دی. ډاکټران
هېواد کې تر سیاسي بدلون وروسته خلک په دې تمه و چې نور به له چاودنو او بریدونو خوندي وي، خو کابل کې وروستیو بریدونو او چاودنو ښاریان لاپسې خپل امنیت ته اندېښمن کړي دي. پرون ماښام د کابل ښار د خیرخانې «صدیقيه» جومات کې چاودنې ۲۱ کسان ووژل او ۳۳ نور یې ټپیان کړل.
په وروستیو ورځو کې اطلاعاتو ته لاسرسی په جدي توګه محدود شوی چې د خبریالانو اندېښنې یې راپارولي دي.
دوه ورځې وړاندې کابل کې د کرېکټ لوبغالي کې چاودنه او نن په پلارمېنه راکېټي برید، هغه څه دي چې اړوندو ادارو یې خبریالانو سره معلومات نه دي شریک کړي.
په تاشکند کې د افغانستان په اړه له نړیوالې غونډې وروسته تېره ورځ د افغانستان په اړه د شانګهای همکاریو سازمان ناسته هم جوړه شوه وه.
ازبکستان کې د افغانستان په اړه د نړیوالې غونډې له پای ته رسېدو سره هممهاله یوشمېر شنونکي دغه ناسته د سیمې او نړۍ امنیت ته د افغانستان له خاورې د ګواښ نه پېښېدو په اړه له ا.ا د ډاډ ترلاسه کولو په معنی بولي. بلخوا د پوهنتون استاد محمود اضطرابي یاده ناسته د اسلامي امارت د مشرانو کړنو ته په کتو ګټوره نه بولي.
یوشمېر کارپوهان د افغانستان په اوسني سرپرست حکومت کې د سایبري او د خلکو د اطلاعاتو امنیت په اړه اندېښمن دي.
د دوی په وینا، اوسنی سرپرست حکومت په انټرنټي سایټونو کې د اطلاعاتو او برښنايي سېټسمونو د امنیت خوندیتوب لپاره منظم او بنسټیزه تګلاره نه لري.
په غور کې د نشهيي توکو د کښت ډېروالي د یاد ولایت اوسېدونکي او مدني فعالان اندېښمن کړي دي. دوی وايي چې د تېرو کلونو په پرتله سږکال د غور کروندګرو پر خپلو ځمکو په ډېره اندازه چرس او تریاک کرلي دي. د غور اوسېدونکي او مدني فعالان زیاتوي چې د دغه ولایت په دولتیار او د فیروز کوه ښار لویدیځو سیمو کې ډېر نشهيي توکي کښت شوي دي.
د ملګروملتونو د بشري حقونو شورا افغانستان کې د بشري حقونو او د ښځو وضعیت په اړه بېړنۍ غونډه کړې او دغه هېواد کې یې د ښځو وضعیت د اندېښنې وړ بللی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
