سږ کال ننګرهار کې د ګنیو په حاصلاتو کې زیاتوالی راغلی

د ننگرهار ولایت په شپږو ولسوالیو کې ګني ګښت کېږي چې ډېره برخه یې په کامې، بټي کوټ او کوز کونړ ولسوالیو کې دي چې د دغه ولایت د کرنې ریاست د مسوولانو په وینا، د تېرو کلونو په پرتله سږکال یې هم په حاصلاتو کې ډېروالی راغلی دی.

ننګرهار کې د درملو او طبي امکاناتو نشتوالي خلک له ستونزو سره مخ کړي

که څه هم د روغتیایي خدمتونو په برخه کې له پخوا راهیسې ستونزې شته، خو تازه د ننګرهار د یو‌شمېر ولسوالیو اوسېدونکي شکایت کوي، هغه کلینیکونه چې د دوی په سیمو کې فعال دي، اوس په کافي اندازه درمل او نورو طبي امکانات نه لري. هغه وویل، د روغتیا برخې ملاتړي بنسټونه دې خپلې همکارۍ زیاتې کړي.

پکتیا؛ د هغو دوو ماشومانو کیسه چې د کورنۍ ۱۲ غړي یې له لاسه ورکړل

پکتيا کې د طالبانو او حکومت ترمنځ د جګړو له امله د ملکيانو ژوند له ستونزو ډک او په ځينو سيمو کې د دواړو لوریو د نښتو له امله ډېری وخت ملکیان خپل ژوند له لاسه ورکوي. د تېرې شنبې ورځې ماښام ناوخته د سيدکرم ولسوالي يوې کورنۍ غوښتل د جګړې له وېرې د ګردېز ښار ته پناه یوسي، خو له دې ناخبره چې مرګ به یې د ژوند پور ورپرې کړي.

وروستیو دوو اوونیو کې د جګړې له امله څه باندې ۵۰۰۰کورنۍ بې‌ځایه شوي

د کډوالو او بېرته راستنېدونکو چارو وزارت د ویاند مرستیال رضا باهر سلام‌وطندار ته وایي چې په دې وروستیو کې د جګړو پراخېدو او د طالبانو له خوا د ولسوالیو او د ځینو ښارونو په سقوط سره، د بې‌ځایه شوو کورنیو شمېر زیات شوی چې یوازې په وروستیو دوو اوونیو کې د جګړو له امله ۵۰۰۰ کورنۍ بې‌ځایه شوي.

سرچینه: کندهار کې طالبانو د استخباراتي شبکو په مرسته سلګونه کسان په نښه کړي

په کندهار ولایت کې یو‌شمېر سرچینې وایي چې وسله‌وال طالبان په دغه ولایت کې تر خپلې ولکې لاندې سیمو کې خلک له خپلو کورونو راباسي او له دولت سره د همکارۍ په تور یې وژني. یادې سرچینې وایي، طالبان په ټولو هغو سیمو کې چې د دوی تر ولکې لاندې دي، استخباراتي شبکې لري او د هغوی په مرسته دغه کسان په نښه کوي.

طالبان: که غني واک پرېږدي، وسله پر ځمکه ږدو

د سولې په خبرو کې د طالبانو د مرکچي پلاوي غړی سهیل شاهین له اسوشیټډپرس خبري اژانس سره په یوې ځانګړې مرکه کې ویلي، دغه ډله به هلته خپله وسله پر ځمکه کېږدي چې په کابل کې د ټولو ښکېلو لوریو له خوا د منلو وړ یو حکومت رامنځ ته شي او د غني حکومت هم له منځه تللی وي. سهیل شاهین وایي، دوی د واک انحصار نه غواړي او ټول باد د هېواد په ابادۍ کې ونډه واخلي.

غزني کې د کبانو د روزنې صنعت ته وده ورکول کېږي

د غزني د کرنې ریاست د مالدارۍ امر فایق احمدي وایي چې په تېرو وختونو کې د دغه ولایت د اوبو په بندونو کې بېلابېل ډ‌وله کبانو شتون درلود چې اوس مهال  د دغو کبانو شمېر د ښکار او وچکالۍ له امله له ورکېدو سره مخ دي. احمدي زیاتوي چې دوی په دې اړه د کرنې ریاست له لارې یوه طرحه د ولسمشر د دویم مرستیال دفتر ته سپارلې چې له مخې یې، دوی کولای شي په غزني کې د کبانو د روزنې صنعت ته وده ورکړي.

مارک میلي: طالبان د لویو ښارونو د نیولو توان نه لري

د امریکا متحده ایالاتونو لوی درستیز مارک میلي وایي، که څه هم طالبانو د افغانستان له ۴۱۹ ولسوالیو څخه ۲۰۰ یې نیولي، خو دغه ډله د ولایتونو د نیولو توان او وس نه لري. د امریکا لوی درستیز دغه څرګندونې پرون د دغه هېواد له دفاع وزیر سره په پنټاګون کې وکړې. نوموړي نوموړي همداراز وویل چې امریکا د افغانستان امنیتي وضعیت څاري او د اړتیا د پېښېدو په صورت کې به د افغانستان له امنیتي او دفاعي ځواکونو څخه ملاتړ کوي.

والي: کابل کې ناستې ځینې کړۍ غواړي کندهار سقوط کړي

په کندهار کې له تېرې څه باندې یوې اوونۍ سختې جګړې او د ګڼو ولسوالیو له سقوط وروسته نن د کندهار والي روح‌الله خانزاده په دغه ولایت کې د یوې خبري ناستې پرمهال وویل، له تېرو  ۱۸ کالو راهیسې دغه ولایت کې امنیتي ادارې په قومونو پوري تړلي وې او لاهم تړلي دي.

ولسي جرګه: صالح له سند پرته د چا د ګواښلو حق نه لري

د ولسي جرګې په نننۍ عمومي غونډه کې یو‌شمېر وکیلانو د ولسمشر د نوموړي مرستیال امرالله صالح له لوري په دغه جرګه کې د بادغیس د خلکو د استازي امیرشاه نایب‌زاده په مرګ ګواښل ناقانونه کړنه وبلله. وکیلانو له صالح غوښتنه وکړه که د خپلې ادعا په اړه اسناد لري، عدلي ارګانونو ته دې وسپاري، څو هغوی په دې اړه پرېکړه و کړي.

بامیان کې د طالبانو رواني جګړه؛ امنیتي ځواکونه له ستونزو سره مخ شوي

د بامیانو ولایت محلي چارواکو نن په دغه ولایت کې د یوې خبري غونډې پرمهال وویل چې له یوې اوونۍ راهیسې د طالبانو د رواني جګړې په پایله کې د دغه ولایت اړوند د شبیر ولسوالي د «باغک» سیمه کې د جګړې د لومړۍ کرښې سرتیري له ستونزو سره مخ شوي او دغې جګړې د بامیان د اوسېدونکو اندېښنې هم زیاتې کړي دي.

تخار کې د طالبانو نوې پرېکړه؛ هره کورنۍ به یوه نجلۍ په نکاح ورکوي

په تخار ولایت کې د وسله‌والو طالبانو له لوري د دغه ولایت د ۱۶ولسوالیو د نیولو په لړ کې نن په کابل کې د دغه ولایت ځوانانو او مدني فعالانو د یوې اعتراضیه غونډې پر مهال وویل چې دغه وضعیت د اندېښنې وړ دی او د طالبانو تر ولکې لاندې سیمو کې خلک له ډېرو ستونزو سره لاس او ګرېوان دي.

طالبان د بادغیس مرکز قلعه‌نو ښار ته ننوتي

د بادغیس والي حسام‌الدین شمس سلام‌وطندار ته ویلي چې د دغه ولایت ټولې ولسوالۍ د وسله‌والو طالبانو لاس ته لوېدلي او طالب جنګیالي د دغه ولایت مرکز قلعه‌نو ښار ته ننوتي دي.  د بادغیس د ولایتي شورا رییس عبدالعزیز بېک هم له سلام‌وطندار سره په خبرو کې ویلي چې د دغه ولایت ټولې ولسوالۍ د طالبانو لاس ته لوېدلي  او اوس دغې ډلې خپل ځانونه د مرکز قلعه‌نو ښار دروازو ته را رسولي دي.