د ښځو لاسي صنایعو درېورځنی نندارتون نن د بلخ په مرکز مزارشریف ښار کې جوړ شو. ۶۰۰ ښځو په دغه نندارتون کې خپل لاسي صنایع نندارې ته ايښي، څو یې لپاره پېرودونکي ومومي.
د ښځو په لاس جوړ شوي څیزونه او د هغوی تولیدات په ۸۰ غرفو کې نندارې ته اېښودل شوي دي.
د خوست د اطلاعاتو او فرهنګ ریاست چارواکي وایي چې په دغه ولایت کې د رڼا په نوم محلي راډیو نن د مالي ستونزو له امله خپل نشرات بند کړل.
په افغانستان کې د ملګرو ملتونو ځانګړې استازولۍ یا یوناما نن ماسپښین پر ټویټر لیکلي چې پر کاج ښوونیز مرکز د پروني برید د قربانیانو کره شمېرو را ټولولو لپاره یې کسان ګومارلي دي.
یوناما ویلي، د پروني برید په اړه وروستۍ شمېرې یې ښيي چې په یاد برید کې ۳۵ کسان وژل شوي او ۸۲ نور ټپیان دي.
هلمند کې د بُست تصدۍ چارواکي وايي چې د ا.ا سرپرست حکومت د بُست دولتي فابریکې لپاره د لس زره ټُنه پنبې یا مالوچو د پېرلو ژمنه کړې ده.
د زابل د عامې روغتیا ریاست مسوولان وايي، له څه مودې راهیسې په دغه ولایت کې د کورونا ویروس پېښې ډېرې شوي او په وینا یې، هره ورځ یوازې په مرکز کلات ښار کې له ۱۷ تر ۲۵ مثبتې پېښې ثبتېږي.
د میدانوردګ د بدني روزنې امریت مسوولان وایي، د دغه ولایت په بهسودو ولسوالي کې د وزلوبې دودیزې سیالي پيل شوي چې یوه میاشت به دوام وکړي.
پروان کې یوشمېر معلولان او د شهیدانو د کورنۍ غړي شکایت کوي چې سږ کال یې خپل حقونه نهدي ورکړل شوي.
د دوی له ډلې یو معلول عبدالسلام چې د جبلسراج ولسوالي اوسېدونکی دی وايي، د شهیدانو او معالولانو ریاست لهخوا ورته ویل شوي چې دې اداره کې د معلولیت امتیازاتو پر شرایطو برابر نه دی.
د هلمند پوهنې ریاست مسوولان وايي چې د دغه ولایت په یوشمېر ولسوالیو کې د جګړو پر مهال د ویجاړو شویو ښوونځیو له ډلې د ۳۶ هغو ودانۍ بیا رغول کېږي.
د هرات د امنیې قومنداني د رسنیو دفتر په یوې خبرپاڼه کې ویلي چې د هرات ښار د لسمې امنیتي حوزې اړوند امنیتي ځواکونو یو کس پر دوو کوچنیو نجونو د جنسي تیري په تور نیولی دی.
تخار کې محلي سرچینو او د تخار پوهنتون یوشمېر محصلانو سلاموطندار ته ویلي چې د اسلامي امارت مسوولانو نن د دغه پوهنتون لپاره نوې لیکدړه چې د «دانشګاه» پر ځای، پرې «پوهنتون» لیکل شوی، بېرته را ځړولې ده.
روزګان کې یوې سرچینې د نوم نه ښودلو په شرط، سلاموطندار ته ویلي چې بېګاه شپه د دغه ولایت په چنارتو ولسوالي کې یوه کس ځانوژنه کړې ده.
د اسلامي امارت د سرپرست حکومت چارواکي وايي چې د تېرې یوې میاشتې راهیسې یې د کابل ښار له بېلابېلو سیمو څخه ۸۴۴۴ سوالګر راټول کړي دي. د ریاستالوزرا د اقتصادي مرستیال دفتر نن یکشنبه د تلې درېیمه پر خپله ټوېټرپاڼه لیکلي چې د راټولو شو سوالګرو څخه ۵۷۷۹ یې ښځه دي چې تر ارزونې وروسته یې ۱۷۵۰ مستحقې او پاتې ۴۰۲۹ یې حرفوي سوالګرې پېژندل شوي دي.
د افغانستان کرېکټ بورډ د کورني کرېکټ څانګې پرون د تلې دویمه د پکتيکا په مرکز ښرنه کې د ۱۸ کلپونو ترمنځ د انټرکلپ رسمي سیالي پیل کړې.
د کابل ښار د دولتي ښوونځیو یوشمېر زدهکوونکي شکایت کوي چې د ښوونکو د کمښت له امله یې درسي بهیر ټکنی شوی دی.
کابل کې د یوه ښوونځي د نهم ټولګي زدهکوونکی احسان سلاموطندار ته وايي چې ښوونځی یې د ښوونکو له کمښت سره مخ دی او یو ښوونکی ورته څو مضمونونو تدریسوي.
سلاموطندار په بېلابېلو ولایتونو کې د اوبو څاګانو ته د ماشومانو د لوېدو پېښې څېړلي چې د دغو څېړنو پربنسټ، د تېرو اتو میاشتو پرمهال د هېواد په شپږو ولایتونو کې د ماشومانو په ګډون ۲۵ کسان څاه ته د لوېدو له امله مړه شوي دي. سلاموطندار موندلې چې په دغو ولایتونو کې ۲۶ پېښې شوي چې ۲۵ کسانو پهکې ژوند بایللی او دوه کسان ژغورل شوي دي.
کاپیسا کې یوې حکومتي سرچینې د نوم نه ښودلو په شرط سلاموطندار ته ویلي، دغه ولایت کې د دوو ښځو په ګډون څلور کسان د نامشروع اړیکو په تور په «دُرو» وهل شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
