«د مسکو غونډه کې د سولې پر انتقالي حکومت بحث کېږي»
د افغانستان د ملي کنګرې ګوند رییس لطیف پدرام نن په کابل کې یوې خبري غونډې ته وویل، ښايي د مسکو په جوړېدونکې غونډه کې به د سولې انتقالي حکومت او د دغه حکومت د رییس پر ټاکلو بحث وشي.
د افغانستان د ملي کنګرې ګوند رییس لطیف پدرام نن په کابل کې یوې خبري غونډې ته وویل، ښايي د مسکو په جوړېدونکې غونډه کې به د سولې انتقالي حکومت او د دغه حکومت د رییس پر ټاکلو بحث وشي.
ټاکل شوې دوه ورځې وروسته د مارچ په ۱۸مه نېټه په مسکو کې د افغان سولې په تړاو د افغان دولت، سیاستوالو او طالب استازو پر ګډون سربېره، د یوشمېر نورو هېوادونو د استازو په ګډون، یوه ستره غونډه جوړه کړي.
خو د چارو یوشمېر شنونکي باور لري چې روسیه د افغانستان په اړه د دې سترې غونډې کوربهتوب ته ځکه مټې را بډوهلي چې د سیمې پر هېوادونو خپل اغېز وساتي او د افغانستان په قضیه کې هم ښکېل پاتې شي.
د بهرنیو چارو وزیر محمدحنیف اتمر نن د ترکیې د بهرنیو چارو وزیر مولود چاووش اوغلو سره په ټیلیفوني خبرو کې هیله څرګنده کړې چې د افغان سولې په اړه د استانبول غونډه به په افغانستان کې اوربند او یوې سیاسي حللارې ته لاره هواره کړي.
د بهرنیو چارو وزارت په یوه خبرپاڼه کې ویلي چې اتمر په دغو ټیلیفوني خبرو کې د افغان سولې په اړه د دې مهمې غونډې د کوربهتوب له کبله د ترکیې ستاینه کړې او هغه یې یوه مهمه ناسته بللې ده.
په افغانستان کې د سولې راتلل او د دې لپاره روان مذاکرات تراوسه لا په خورا پېچلې حالت کې دي او د حکومت او طالبانو له لوري د سولې په برخه کې لا هم د یوه کوچني پرمختګ زېری خلکو ته نه دی ورکړل شوی. همدا څو ورځې مخکې د امریکا د بهرنیو چارو وزیر ولسمشر غني ته لیک ولېږه چې د سولې لپاره په کور دننه له یوشمېر سیاستوالو سره ګډ کار وکړي.
د ولسمشر د ملي امنیت سلاکار حمدالله محب وايي، د افغانستان استازي د مسکو او استانبول په غونډو کې چې د افغان سولې په اړه د روسیې او ترکیې په کوربهتوب جوړېږي، ګډون کوي.
نوموړي چې نن په کابل کې د امنیتي چارواکو په غونډه کې خبرې کولې وویل، د روسیې او ترکیې په غونډو کې د افغان پلاوي پر څرنګوالي او ترکیب خبرې روانې دي او افغان حکومت په دواړو هغو کې ګډون کوي.
د جمعیت اسلامي یوشمېر غړیو نن په پروان کې د کندوز پخواني امنیه قوماندان عبدالرحمان سیدخېلي د لسم تلین په نمانځغونډه کې د وینا پر مهال، د سولې پروسې پر ناروښانتیا نیوکه وکړه.
د دغه ګوند د رهبري شورا غړي محمدیونس قانوني وویل، ناتعریف شوې، ګونګه او لنډمهالې سوله افغانستان له یوې نوې جګړې سره مخامخ کوي.
له څه باندې دوو کلونو وروسته پر ټولنیزو رسنیو د ولسمشر محمداشرف غني او د هغه د پخواني لومړي مرستیال او د اسلامي جنبش ګوند مشر عبدالرشید دوستم د لیدنې تصویرونه لاس پر لاس کېږي.
ویل کېږې چې دا لیدنه وړمه شپه په ولسمشرۍ ماڼۍ یا ارګ کې شوې ده. ځینې سرچینې وايي، ولسمشر ته نږدې کسان هڅه کوي چي د بلخ مخکنی والي عطامحمد نور او د اسلامي جمعیت رییس صلاحالدین رباني هم له ولسمشر سره خوشحاله کړي.
د ولسمشر لومړی مرستیال امرالله صالح وايي، ولسمشر ته د امریکا د بهرنیو چارو وزیر له خوا د را لېږل شوي لیک په اړه یې له امریکايي پلاوي سره مفصلې خبرې کړې دي.
صالح چې د محمدقسیم فهیم په تلینغونډه کې خبرې کولې وویل، امریکايي لوري ته یې ویلي چې له افغانانو د رایې ورکولو حق نه شي اخیستلی او که له طالب ډلې سره د ټاکنو په اړه هوکړې ته ورسېږي، نور مسایل په اسانۍ حل کېدای شي.
ولسمشر محمداشرف غني د سولې پروسې د چټکۍ په اړه د افغان سولې لپاره د امریکا د بهرنیو چارو وزارت د ځانګړي استازي زلمي خلیلزاد له غوښتنې یوه شپه او ورځ وروسته یو ځل بیا ټینګار وکړ چې د ټاکنو له لارې د واک پر لېږد به معامله نه کېږي. ولسمشر دا څرګندونې نن د ملي شورا د اوولسمې دورې د درېیم کاري کال په پرانېستغونډه کې وکړې. هغه وايي، د یوې تلپاتې او رښتینې سولې لپاره چې د افغانستان خپلواکي او د خلکو له لوري د خپل برخلیک ټاکل پهکې په پام کې ونیول شي، قربانۍ ته تیار دی، خو په وینا یې، له اساسي قانون څخه به تېر نه شي. ولسمشر غني له طالبانو هم وغوښتل چې شعارونه پرېږدي، تاوتریخوالی کم کړي او د سولې مخامخ خبرو ته حاضر شي.
په تازهګۍ سره د قطر په دوحې کې د سولې خبرو له درېدو وروسته، افغان سولې لپاره د امریکا د بهرنيو چارو وزارت ځانګړي استازي زلمي خليلزاد د خپلو سفرونو تازه لړۍ پیل کړې ده. سیاسي رهبرانو ته نږدې سرچینې وایي، زلمی خلیلزاد داځل د افغانستان ژغورلو لپاره د نوي مشارکتي حکومت وړاندیز له ځان سره راوړی او دغه وړاندیز یې د حکومت مشرانو، طالبانو، سیاسي ګوندونو او د هېواد مطرحو څېرو سره شریک کړی دی.
ولسمشر محمداشرف غني نن د سرتېري ملي ورځې په مناسبت غونډه کې د وینا پر مهال وویل چې نړیوالې ټولنې ۴۰ کاله افغانان له سولې بېبرخې پرېښي کړي دي.
د سرتېري ملي ورځ نن په ځانګړو مراسمو سره د ولسمشر او ګڼو نورو لوړپوړو چارواکو په ګډون د ملي دفاع وزارت په انګړ کې ونمانځل شوه. دا ورځ د پلازمېنې په ګډون، په ولایتونو کې هم ونمانځل شوه او خلکو خپلو سرتېرو ته د هغوی د سرښندنو ستاینې په موخه ګلان ورکړل.
په قطر کې د دولت او طالب ډلې ترمنځ د سولې خبرو له پیلېدو راهیسې په هېواد، په ځانګړې توګه کابل او ځینو نورو لویو ښارونو کې تاوتریخوالی او هدفي وژنې په بېسارې توګه زیاتې شوې دي.
بلهخوا په دوحه کې د افغان سولې دویم پړاو خبرو کې د کاري اجندا پر سر د ځینو اختلافاتو له کبله له څه باندې یومیاشتني ځنډ وروسته دواړه لوري پرون بېرته سره ناست دي.
د امریکا ولسمشر وايي چې دولت یې په افغانستان کې د جګړې پای ته رسېدو لپاره د روان ډیپلوماټیک بهیر بشپړ ملاتړ کوي.
د امریکا ولسمشر جو بایډن چې پرون په انلاین ډول د مونیخ په امنیتي غونډه کې خبرې کولې وویل، دا چې یو ځل بیا د ترهګرو پر ځالې د افغانستان نه بدلېدو او د امریکا، د متحدانو او د هغو د ګټو پر وړاندې د ګواښ نه موجودیت په اړه د ډاډ ترلاسه کېدو پر موضوع به ودرېږي.
کابل ښار نن سهار د درېوو بېلابېلو چاودنو شاهد و.
د کابل امنیه قومانداني تاییدوي چې په دغو چاودنو کې ۵ کسان وژل شوي او ۲ نور ټپیان دي.
د کابل د امنیې قومانداني ویاند فردوس فرامرز وايي، لومړۍ چاودنه چې نن سهار شاوخوا ۸ بجې د شپږمې امنیتي حوزې اړوند د دارالامان پر سړک پر یوه کرولا ډوله موټر شوې ده. د نوموړي په وینا، په دې چاودنه کې دوه کسان ټپیان شوي او د درملنې لپاره روغتون ته لېږدول شوي دي.
د ناټو سرمنشي ینس سټولټنبرګ له ولسمشر محمداشرف غني سره په ټیلیفوني خبرو کې ویلي چې د دغه سازمان غړي هېوادونه د افغان سولې په برخه کې فعاله ډیپلوماسي کاروي، څو دغه بهیر بریا ته ورسېږي. نوموړي دغه راز ویلي چې ناټو به د ترهګرۍ پر وړاندې مبارزه کې د افغان ځواکونو ملاتړ ته دوام ورکړي.
ولسمشرۍ ماڼۍ د ناټو د غړیو هېوادونو د دفاع وزیرانو د هغې پرېکړې هرکلی کړی چې له مخې به یې، یاد هېوادونه د افغان ځواکونو روزنې، سلا مشورې او تجهیز ته دوام ورکوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون