بغلان کې د کوویډ۱۹ روغتون د کارکوونکو اعتراض

د بغلان ولایت د کووویډ۱۹ روغتون ډاکټرانو او کارکوونکو نن د دغه روغتون ودانۍ مخته لاس په اعتراض پورې کړ. دوی وايي چې له تېرو شپږو میاشتو راهیسې یې خپل معاشونه نه دي ترلاسه کړي او له یوه نامعلوم برخلیک سره مخ دي. دوی ټينګار کوي چې دغه روغتون د درملو او تجهیزاتو له کمښت سره مخ دی او که چېرته ستونزو ته  یې رسېدنه ونه شي، دغه روغتون به وتړل شي.

بغلان کې د ډبرو سکرو د کان ۳۰۰ کارګرو د وسله‌والو له وېرې کار پريښی

د بغلان په تاله‌وبرفک ولسوالي کې د ډبرو سکرو د کان یوشمېر کارګر وايي چې ناپېژنده وسله‌والو یې دوه ورځې وړاندې پر دوو همکارانو برید کړی چې له کبله یې یو وژل شوی او بل پر سر سخت ټپي شوی دی.
د دوی په وینا، یاد کارګر د بامیان ولایت د ورس او دایکندي د شهرستان ولسواليو اوسېدونکي دي.

د کندوز حوزوي روغتون کې د سترګو د عملیاتو لنډمهالی مرکز جوړ شوی

د کندوز حوزوی روغتون چې د هېواد په شمال‌ختیځه حوزه کې د درمنلې تر ټولو لوی مرکز دی چې د ناروغان لپاره ۲۰۰ بستره لري. یاد روغتون په بېلابېلو برخو کې د خلکو لپاره روغتیايي خدمات وړاندې کوي او تازه د قطر د هلال‌احمر بنسټ له لوري پکې په لنډ‌مهالي توګه د سترګو د عملیاتو ځانګړی مرکز جوړ شوی دی.

ناپېژنده وسله‌والو بغلان کې یو ډاکټر د خپلې کورنۍ له شپږو غړو سره وژلی

د بغلان ولایت په پل‌حصار ولسوالي کې باوري محلي سرچینې سلام‌وطندار ته وايي چې بېګاه شپه ناپېژنده وسله‌والو د ظهیرالدین اندرابي په نوم یو ډاکټر له خپلې شپږ کسییزې کورنۍ سره وژلی دی. په دغه پېښه کې د ډاکټر ظهیر الدین مېرمن، دوه پېغلې لورګانې، زوم او دوه ماشومان یې وژل شوي او درې ماشومان یې ټپیان دي.

د بانکونو تړل کېدل؛ خلک خپلو پیسو ته اندېښمن دي

نږدې یوه میاشت کېږي چې طالبانو پر هېواد ولکه خپله کړې چې له امله یې د هېواد په ګڼو ولایتونو له هغې ډلې په بغلان ولایت کې بانکونه تړلي چې دغې چارې د یاد ولایت اوسېدونکي اندېښمن کړي دي. د بغلان اوسېدونکي وایي چې دې ته اندېښمن دي چې پیسې به یې له بانکونو ورکې شي. دین‌محمد چې د بغلان ولایت اوسېدونکی دی، وايي، د دوه میاشتو معاش یې په بانکي حساب کې دی او نه دی بریالی شوی چې خپلې پيسې ترلاسه کړي

یو‌شمېر خبریالان اطلاعاتو ته د لاسرسي قانون له نقض څخه اندېښنه لري

یو‌شمېر خبریالان په هېواد کې اطلاعاتو ته د لاسرسي قانون له نقض څخه اندېښنه لري او وایي، د حکومت په بدلېدو سره رسنۍ هم تر نظر او څار لاندې نیول شوي دي. دوی وایي، طالبانو د رسنیو له مسوولانو سره په خپله لومړۍ ناسته کې دا پرېکړه وکړه چې د رسنیو نشرات باید د اسلامي امارت په چوکاټ کې وي.

عمرخوړلی عبدالمالک چې جګړې ړوند او بیا بې‌کوره کړ

عمرخوړلی عبدالمالک چې څېرې یې له غم او درده ګونځې کړي او جګړې له کندوزه کابل ته را کډه کړی وايي، څه موده وړاندې یې پر کور یو ړوند راکېټ ولګېد چې له کبله یې سترګې ړندې او کور یې هم ویجاړ شو. عبدالمالک اوس له کورنۍ سره د کابل په سرای‌شمالي کې د سړک پر سر اوسېږي او له درد او بې‌وسۍ ډکې شپې او ورځې تېروي.

د جګړې تودې څپې؛ له څلورو ولایتونو ۱۷۰۰۰کورنۍ کابل ته بې‌ځایه شوي

په یو‌شمېر ولایتونو کې د جګړو د ډېروالي له امله سلګونه کورنۍ اړ شوي چې خپلې مېنې پرېږدي او امنو سیمو ته خپل ځانونه ورسوي. د دغو بې‌ځایه شویو ګڼ‌شمېر کورنۍ یې پلازمېنې کابل ته کډه شوي او اوس د دغه ښار په پارکونو او نورو پراخو سیمو کې د شنه اسمان لاندې شپې او ورځې تېروي چې بېړنیو مرستو ته اړتیا لري.

بغلان کې د اسماعیلیانو شورا پر رییس برید؛ څلور ساتونکي وژل شوي او پنځه ټپیان دي

د بغلان د ولایتي شورا غړی سمېع‌الله ناظر وايي، د دغه ولایت د دوشي ولسوالي د «کیله‌ګي ښوونځي» په سیمه کې د ولسي جرګې د پخواني غړي او د اسماعیلیانو د خلکو شورا د عمومي رییس سیدداوود نادري پر موټر د سړک غاړې ماین چاودنه شوې او ورپسې د طالبانو له کمین سره مخ شوی دی.

سند؛ له طالبانو سره د بغلان د امنیه قوماندان «همکاري»

سلام‌وطندار ته په لاس ورغلی یو مکتوب ښيي چې د بغلان امنیه قوماندان «له طالبانو سره د امنیتي ځواکونو پر وړاندې ترهګریزو بریدونو کې» همکاري کړې ده.
په دغه مکتوب کې په نامستقیم ډول لیکل شوي چې په بغلان کې د طالبانو د استخباراتو مسوول «قاري ظاهر» په دغه ولایت کې د ترهګریزو بریدونو لپاره د بغلان له امنیه قوماندان څخه همکاري غوښتې ده.

طالبانو بغلان کې د څرخي پله زندان د ښوونې او روزنې رییس وژلی

د بغلان ولایت په خوست ولسوالي کې یوه محلي سرچینه سلام‌وطندار ته وایي چې بېګاه شپه د دغې ولسوالي په اړوند سیمه کې د وسله‌‌والو طالبانو په یوه کمین کې د څرخي پله د ښوونې او روزنې رییس غلام‌محي الدین پیکان حیدري له دوو محلي قومندانانو سره چې د ولسي پاڅونوالو مسوولیت یې پر غاړه درلود، وژل شوي دي.

د بغلان پر لویو لارو د طالبانو ولکه او د دغه ولایت د اوسېدونکو اندېښنې

وسله‌والو طالبانو په وروستیو څو ورځو کې د بغلان ولایت پر لویو لارو ولکه ټينګه کړې او په دغو لارو کې یې د پلټنې پوستې رامنځ ته کړي چې ورسره یې د دغه ولایت د اوسېدونکو اندېښنې زیاتې کړي دي. د بغلان ولایت اوسېدونکي وایي چې ډېری وخت د جګړو له امله د دغه ولایت لویې لارې تړلې وي او مسافر نه شي کولای په ارامه زړه مسافر وکړي.

بغلان کې د پوځ پر یوه مرکز موټربم برید؛ شپږ سرتېري وژل شوي

په بغلان کې باوري امنیتي سرچینو سلام‌وطندار ته ویلي چې نن سهار شاوخوا دوه بجې د پلخمري ښار په باغ شمال سیمه کې د ملي اردو پر یوې مرکز موټربم برید شوی دی.
د سرچینو په وینا، تر اوسه په دې پېښه کې د ملي اردو شپږ سرتېري وژل شوي او لس نور ټپیان دي.

وسله‌والو بغلان کې د هلو ټرسټ ماین پاکۍ موسسې ۱۲ کارکوونکي وژلي

د مرکزي بغلان ولسوال سیدکمال وردګ د دې خبر د تایید ترڅنګ سلام‌وطندار ته وایي، بېګاه شپه ناپېژنده وسله‌والو په دغه ولسوالي کې د «هلو ټرسټ» په نوم د ماین پاکۍ موسسې پر دفتر برید کړی چې له امله یې د دغې موسسې ۱۲کارکوونکي وژل شوي او ۱۷ټپیان دي.