په بغلان کې ځايي سرچینو سلاموطندار ته ویلي چې څو شېبې وړاندې د دغه ولایت په مرکز پلخمري ښار کې چاودنه شوې ده.
د سلاموطندار پښتو فېسبوکپاڼه وڅارئ
سرچینې د دې چاودنې د کره ځای، موخې او له کبله یې د اوښتې مرګژوبلې په اړه څه نه وايي، خو زیاتوي چې درنه وه او ښايي مرګژوبله ولري.
په همدې حال کې د بغلان د ولایتي روغتون ډاکټران وايي چې تر اوسه د چاودنې له ځایه شپاړلس ټپیان دغه روغتون ته ور وړل شوي دي. د ډاکټرانو په وینا، ور وړل شوي ټپیان ملکیان دي.
که څه هم تر اوسه د دې چاودنې څرنګوالي نهدی روښانه شوی، خو ټپیانو ویلي چې د لاسي بم د چاودنې غږ یې اورېدلی دی.
د بغلان امنیتي مسوولانو تر اوسه په دې اړه څه نهدي ویلي او نه هم کوم چا یه وسلهوالې ډلې یې مسوولیت پر غاړه اخیستی دی.
