د سمنګان محلي مسوولان وايي چې د ۳۲ میلیونه افغانیو په لګښت د سمنګان-بغلان او سمنګان-بلخ لویې لارو د ویجاړو شویو برخو د بیارغونې چارې پیل شوې.
د سمنګان د ټولګټو چارو رییس، رییس اغا وايي چې د یادې پروژې ټول لګښت د ټولګټو وزارت له لوري ورکول کېږي.
د سلاموطندار پښتو فېسبوکپاڼه وڅارئ
د سمنګان د ټولګټو رییس په وینا، یاده پروژه کې به د ۷۶کیلومټره په اندازه د سړک د ویجاړو شویو برخو بیارغونه، د «دلخکي» کلي د ۳۶متره لوړ تناژ تلې کانکرېټ او جوړول او د ۸۱مترو په اندازه د «حضرتسلطان» پُل بیارغونه شامل دي.
په ورته مهال د سمنګان والي عبدالاحد فضلي د رغونې چارو اړوند شرکت څخه غواړي چې دغه پروژې د قرارداد له مخې پلې او باکیفیته توکي دې وکاروي.
په همدې حال کې مسوولان زیاتوي چې یادې پروژې به د درېوو میاشتو په موده بشپړې شي او تمه ښيي چې ورسره به پر یادو لویو لارو د ټرافیکي پېښو په کچه کې کمښت راشي.
