د بغلان د ټرافیکو مدیریت مسوولان وايي چې دغه ولایت کې د ټرافیکي پېښې له کبله شپږ کسان مړه شوي او یو بل کس ټپي دی.
پېښه نن سهشنبه د غويي ۱۲مه د یاد ولایت د مرکز پلخمري ښار اړوند «دشتخواجه الوان» سیمه کې د یوه کرولا ډوله او باروړونکي موټرو ترمنځ رامنځته شوې ده.
د سلاموطندار پښتو فېسبوکپاڼه وڅارئ
د بغلان د ټرافیکو مدیریت همداراز زیاتوي چې پېښه کې ۲۰ څاروي هم لهمنځه تللي دي.
بغلان کې داسې مهال یاده ټرافیکي پېښه رامنځته کېږي چې له کوچني اختر راهیسې د هېواد په بېلابېلو ولایتونو کې لسګونه ټرافیکي پېښې شوي چې پر مهال د یوشمېر کسان مړه او ټپیان شوي هم دي.
په ورته مهال د موټرچلوونکو بېاحتیاطي، د سړکونو خرابوالی او ټرافیکي قوانینو سره نه بلدتیا هغه لاملونه ګڼل کېږي چې له کبله یې ټرافیکي پېښې رامنځته کېږي.
