افغانستان کې د وسله‌والو ډلو د نښه کولو په اړه د امریکا خبرداری

د امریکا د پوځ لوی درستیز جنرال مارک ميلي پرون د دغه هېواد د استازیو جرګې غونډې ته د خبرو پر مهال په افغانستان کې د ترهګرۍ منسجم کېدو څخه اندېښنه څرګنده کړې ده. نوموړي ویلي چې افغانستان تر خپل څار لاندې لري او که چېرته له دغه هېواد څخه د امریکا پر ضد د ګواښ احساس وکړي، د شنډولو لپاره یې د بریدونو بشپړه وړتیا لري.

شنونکي: امریکا او ملګري یې افغانستان کې د روان وضعیت مسوول دي

د امریکا جګپوړو استخباراتي چارواکو پرون د دغه هېواد د سنا جرګې د وسله‌والو خدمتونو د کمېتې غونډې ته د افغانستان او اوکراین د حکومتونو د دوام په اړه خپل ناسم قضاوت تایید کړی دی.

دوی ویلي، باور یې درلود چې د امریکا ملاتړ څخه برخمن افغان حکومت کولای شي، د میاشتو لپاره د اسلامي امارت پر وړاندې مقاومت وکړي.

د امریکا او پاکستان د بهرنیو چارو وزیرانو ترمنځ خبرې؛ شنونکي: امریکا غواړي یوځل بیا افغانستان ته راشي

د امریکا د بهرنیو چارو وزیر انتوني بلینکن له خپل پاکستاني سیال بوتو زرداري سره ټیلیفوني خبرې کړي دي. دواړو خواوو له افغانستان سره پر خپلو ژمنو او په دغه هېواد کې د ترهګرۍ سره پر مبارزې خبرې کړې دي.

امریکا داعش څخه په استفادې د افغانستان د ناامنه کولو په لټه کې ده

افغانستان کې د وروستیو خونړیو بریدونو ته په پام، د ایران د پارلمان رییس محمدباقر قالیباف وايي چې امریکا داعش څخه په استفادې، افغانستان کې وروستیو ترهګریزو بریدونو کې لاس لري. محمدباقر قالیباف ویلي چې اسلامي امارت هم افغانستان کې د امنیت ټینګښت په برخه کې پاتې راغلی دی.

د ملګرو ملتونو کارپوهان: امریکا او اسلامي امارت د افغان ښځو د وضعیت خرابېدو مسوول دي

د ملګرو ملتونو د خپلواکو کارپوهانو یوې ډلې په یوه خبرپاڼه کې ویلي چې امریکا او اسلامي امارت په افغانستان کې د ښځو د ناوړه وضعیت مسوول دي. په خبرپاڼه کې ويل شوي چې د اسلامي امارت جنستي تبعیض او امريکا د افغانستان د شتمنيو په کنګل کولو سره د افغان ښځو وضعیت خراب کړی دی.

د کابل په لوېدیځ کې چاودنو ته غبرګونونه؛ یوناما: عاملان یې باید محاکمه شي

د کابل په لوېدیځه سیمه کې نن درېوو پرله پسې چاودنو پراخ ملي او نړیوال غبرګونونه راوپارول. په افغانستان کې د ملګرو ملتونو ځانګړې استازولۍ یا  یوناما نن د یوې خبرپاڼې په خپرولو سره د کابل په لوېدیځ کې د پرله پسې چاودنو په اړه غبرګون ښودلی او هغه یې غندلې دي. دغه بنسټ   عدالت ته د دغو پېښو د عاملینو د راکاږلو غوښتنه کوي.

امریکا: د نجونو ښوونځیو نه پرانستل به د ا.ا او نړۍ پر اړیکو اغېز وکړي

د امریکا د بهرنیو چارو وزارت له اسلامي امارت څخه غوښتي چې له شپږم ټولګي پورته د نجونو زده‌کوونکو ښوونځي له کوم ځنډ پرته بېرته پرانیزي. د دغې وزارت ویاند نیډ پرایس په یوې غونډه کې خبریالانو ته ویلي چې له شپږم ټولګي پورته د نجونو زده‌کوونکو د ښوونځیو تړل پاتې کېدل، په دغه هېواد کې میلیونونه افغانان ناهیلي کړي دي.

امریکا: د ا.ا واکمنېدو سره افغانستان کې بشري حقونه په جدي توګه نقض شوي

د امریکا د بهرنیو چارو وزارت خپل کلني رپوټ کې ویلي چې واک ته د اسلامي امارت له رسېدو وروسته، افغانستان د بشري حقونو او دیموکراتیکو لاسته راوړنو څخه لرې شوی دی.

د امریکا بهرنیو چارو وزیر انټوني بلنکېن وايي، د اسلامي امارت له واکمنېدو راهیسې، افغانستان بشري بحران سره هم مخ شوی دی.

امریکا د نشه‌يي توکو په اړه د ا.ا د مشر له فرمان څخه هرکلی کړی

امریکا په افغانستان کې د نشه‌يي توکو د کرکېلې مخنیوي په اړه د ا.ا د مشر هبت‌الله اخند‌زاده د فرمان هرکلی کړی او ویلي یې دي چې دغه پرېکړه باید عملي شي. د افغانستان لپاره د امریکا سفارت شاژدافیر یان مک‌کري ویلي، افغانستان کې د نشه‌يي توکو کښت او تولید ناقانونه اعلانول، یو مثبت ګام دی او د عملي کېدو لپاره یې باید ګامونه واخیستل شي.

د پاکستان کورنی کړکېچ؛ شیخ رشید احمد: د عمران‌خان ماتې نه منم

په داسې حال کې چې ټاکل شوې راتلونکې یکشنبه د پاکستان پارلمان د دغه هېواد لومړي وزیر عمران‌خان ته په واک کې د پاتې کېدو او یا هم له واک څخه د ګوښه کېدو لپاره رایې وکاروي، د دغه هېواد د کورنیو چارو وزیر ویلي چې د لومړي وزیر ماتې نه مني او ترڅنګ یې ولاړ دی.

د نړیوالو رسنیو پر نشراتو بندیز؛ امریکا: ښوونه او د بیان ازادي غربي ارزښتونه نه دي

د امریکا د بهرنیو چارو وزارت د اسلامي امارت له لوري په افغانستان کې د نړیوالو رسنیو پر نشراتو د بندیز لګولو په اړه اندېښنه ښودلې او له سرپرست حکومت څخه یې غوښتنه کړې چې د افغانانو پر حقونو برید ودروي.

د نجونو ښوونځیو تړل پاتېدو ته غبرګونونه؛ وېسټ: دا له افغانانو او نړیوالې ټولنې سره  خیانت دی

د نجونو لپاره د متوسطه ښوونځیو او لېسو د تړل پاتېدو په اړه د اسلامي امارت د پرېکړې په اړه د منفي غبرګونونو په دوام، د افغانستان لپاره د امريکا ځانګړي استازي توماس وېسټ دغه پرېکړه له افغانانو او نړيوالې ټولنې سره خيانت بللى دى او ویلي چې دا افغانستان او نړېوالې ټولنې سره د شوي ژمنې خلاف وو.

بایډن له خپل چیني سیال شي جین پېنګ سره ټیلیفوني خبرې کوي

له روسیې سره د چین د مرستو په اړه د اندېښنو پر دوام د امریکا ولسمشر جو بایډن له خپل چیني سیال شي جین پېنګ سره نن ټیلیفوني خبرې کوي.

دواړه مشران داسې مهال خبرې کوي چې امریکا پر چین فشار راوستی، څو پر اوکراین د روسیې د برید د ملاتړ لپاره له مسکو سره مرسته ونه‌کړي.