د ترکمنستان ملي مشر قربانقلي بردي محمدوف ویلي چې هېواد به یې له افغانستان سره په سوداګرۍ کې اسانتیاوې برابرې او د اوسپنې پټلۍ د پراختیا لپاره هڅې وکړي. نوموړي دا څرګندونې د بهرنیو چارو وزارت له سرپرست امیرخان متقي سره په لیدنه کې کړې دي.
د پروان، کاپیسا او پنجشېر یوشمېر اوسېدونکي په دغو ولایتونو کې د ناسالمو ماشومانو د زېږون شمېر ډېروالي په اړه اندېښنه ښيي.
د کاپیسا د تګاب ولسوالي اوسېدونکی عبدالخلیل توحیدیار چې د یوه معلول ماشوم پلار دی وايي، مېرمن یې خپله وه او ښايي د ناسالم ماشوم د زېږون یو لامل همدا وي.
د قطر په پلازمېنې دوحه کې د افغانستان په اړه د ملګرو ملتونو په کوربهتوب دوهورځنۍ غونډه پیل شوه. دا غونډه د ملګرو ملتونو د سرمنشي انټونیو ګوټرېش په مشري پیل شوې چې د ۲۵ هېوادونو استازو او د افغانستان ځینو سیاستوالو او د بشري حقونو فعالانو پهکې ګډون کړی دی.
د تاریخ په اوږدو کې د ښځو هنري هڅې له هېچا پټې نهدي، خو بېلابېلو هېوادونو له هغې ډلې افغانستان کې پوځي-سیاسي تحولاتو تل د ښځو پر فعالیتونو په ځانګړې توګه هنري کارونو سیوری غوړلی چې ځینې مېرمنې یې ناهیلې کړي او اوس دې باور ته رسېدلي چې افغانستان کې نور هنري فعالیتونه ځای نهلري.
نړیوال بانک وايي، د افغانانو د ملاتړ په موخه به د خپلې نوې تګلارې له مخې، په افغانستان کې د برښنا د لېږد یا کاسا۱۰۰۰ پروژې چارې بیا پیل کړي.
نړیوال بانک په یوه خبرپاڼه کې لیکلي چې د دغه بانک اجرایوي مدیرانو پرون پنجشنبه د افغانانو د ملاتړ په موخه یوه نوې تګلاره تصویب کړې ده.
د ځینو راپورونو له مخې، ازبکستان، تاجکستان، ترکمنستان، قزاقستان او قرغېزستان نن چهارشنبه د دلوې میاشتې په ۲۵ مه نېټه د قرغېزستان په پلازمېنې بشکیک کې د افغانستان په اړه غونډه لري.
ځینو رسنیو د قرغېزستان د بهرنیو چارو وزارت له قوله لیکلي چې دې غونډې ته د افغانستان لپاره د اروپايي ټولنې استازی ټوماس نېکولسن او د ملګرو ملتونو استازي هم ور بلل شوي دي.
د ملګرو ملتونو د بشري مرستو د همغږۍ ادارې یا اوچا پرون پر خپلې اېکسپاڼې لیکلي چې افغانستان په سوېلي اسیا کې د کورنیو بېځایه شویو له اړخه لومړی او په نړۍ کې دویم هېواد دی.
د دغه راپور په یوه برخه کې لیکل شوي چې اوس د هرو اوو افغانانو له ډلې یو یې په کور دننه بېځایه شوی او په ټول هېواد کې یې شمېر ۶،۳ میلیونه کسانو ته رسېږي.
د خوړو او درملو ادارې مسوولانو نن چهارشنبه په کابل کې یوې غونډې ته وویل چې د خوړو د خوندیتوب نه موجودیت لا هم په افغانستان کې یوه جدي ننګونه ده.
د خوړو او درملو ادارې سرپرست عبدالباري عمر وايي، اوس په افغانستان کې درې میلیون ماشومان او نږدې یو میلیون ښځې پر خوارځواکۍ اخته دي چې تر ټولو مهم لامل یې په هېواد کې د خوړو نه خوندیتوب دی.
له ۱۳۵۸ کال وروسته په افغانستان کې د پخواني شوروي اتحاد د کلونو خونړۍ جګړې لامل شوې چې افغانستان ټوټه ټوټه شي او د معلوماتو له مخې، د دغو جګړو په پایله کې تر یو میلیون ډېر افغانان او د شوروي ۱۴ پوځیان ووژل شول او میلیونونه نور افغانان پهکې ټپیان شول. خو شنونکي وايي، افغانستان له خپل تېر څخه درس نهدی اخیستی او لا هم تلپاتې ثبات ته نهدی رسېدلی.
د افغانستان لپاره د ایران ځانګړي استازي او سفیر حسن کاظمي قُمي ویلي، که د تماس سیمهييزې ډلې لوري ته پام وشي او د تعامل لوری وڅارل شي، یو باثباته افغانستان به ووینو.
د فبروري ۱۳مه د راډیو نړیواله ورځ ده، خو په افغانستان کې دا ورځ داسې مهال نمانځل کېږي چې دا مهمه او نوموتې رسنۍ د مالي ستونزو او محدوديتونو له امله د خپرونو د کمیت او کیفیت له کمښت سره مخ ده.
په کابل او یوشمېر ولایتونو کې د ځینو راډیوګانو مسوولان وايي، پر رسنیو محدودیتونو او اقتصادي ستونزو هېواد کې د راډیويي خپرونو پر کیفیت او کمیت منفي اغېز کړی دی.
که څه هم ا.ا وايي چې په افغانستان کې یې د داعش ډلې پټنځایونه له منځه وړي، خو دې ډلې اوس هم د افغانستان په اړه د نړیوالو یوه مهمه اندېښنه شمېرل کېږي.
په ننګرهار کې د اقلیمي بدلون نړیوالې غونډې ګډونوالو د دې غونډې په دویمه ورځ د اقلیمي بدلون په اړه خپلې مقالې چې د اقلیمي بدلون پر لاملونو، اغېزو او حللارو ورټولې وې، وړاندې کړې.
د دې غونډې ګډونوالو پر نړیوالو هم غږ وکړ چې له افغانستان سره د اقلیمي بدلون د ناوړه پایلو او اغېزو د مخنیوي لپاره مرستې وکړي.
د افغانستان کرېکټ ملي لوبډله نن د سریلانکا کرېکټ ملي لوبډلې سره د درېوو یو ورځنیو سیالیو د لوبلړۍ دویمه لوبه کوي.
ټاکل شوې چې یاده لوبه نن یکشنبه د فبرورۍ ۱۱مه د کوربه سریلانکا د «پاليکالي کرېکټ نړیوال لوبغالي» کې ترسره شي. افغان لوبډلې د یادې لوبلړۍ په لومړي سیالي کې له سریلانکا لوبډلې د ۴۲ منډو په توپیر له ماتې سره مخ شوه چې ورسره د درېوو یو ورځنیو سیالیو روانه لوبلړۍ کې سریلانکا ۱-۰ مخکې دی.
د بهرنیو چارو وزارت سرپرست امیرخان متقي د افغانستان لپاره د اروپايي ټولنې له ځانګړي استازي ټوماس نېکلاسون سره د لیدنې پر مهال ویلي، له نړۍ سره د مثبتو اړیکو ساتل د ا.ا پالیسي ده.
ټاکل شوې د لوړو زدهکړو وزارت او د چاپېریال ساتنې ملي اداره روانه اوونۍ په ننګرهار پوهنتون کې د اقلیمي بدلون په نوم نړیواله غونډه جوړه کړي.
چارواکي د دې غونډې د جوړولو موخه د کورنیو او بهرنیو پوهنتونونو د استادانو د علمي او څېړنیزو پایلو وړاندې کول او پر افغانستان د اقلیمي بدلون د هراړخیزو اغېزو په اړه بحث او خبرې کول بولي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
