د افغان خبریالانو د خوندیتوب کمېټه په کابل کې د اسلامي امارت له لوري د ښځو د لاریون پر مهال د خبریالانو د وهلو ډبولو پېښې د څېړنې غوښتنه کوي. دا کمېټه وايي چې د ښځو د «بېوزلۍ، وزګارتیا او لوږې» په شعار ورکولو سره لاریون کړی و، خو د اسلامي امارت ځواکونو د دغه لاریون پر مهال خبریالان وهلي ډبولي او کنځلې یې هم ورته کړې دي.
یوشمېر ښځو او مدني فعالانو نن په کابل کې د امر بالمعروف او نهې عنالمنکر وزارت مخې ته په را ټولېدو سره هېواد کې د بېوزلۍ، اقتصادي ستونزو او د ښځو د کار او زدهکړو حق په اړه اعتراض وکړ.
دوی چې د کار، ډوډۍ او زدهکړې په شعارونو ورکولو سره یې لاریون کړی و، د ښځو حقونو ته د پام غوښتنه وکړه.
د ملي دسترخوان پروګرام له دوو زرو ډېرو کارکوونکو نن د ADA, SDO, COAR او WADAN موسسو له لوري د معاشونو د نه ورکړې پر وړاندې اعتراض وکړ.
دوی وايي، سره له دې چې په سختو حالاتو کې یې له خلکو سره د مرستې په موخه له یادو موسسو سره کار کړی، خو له پنځو میاشتو راهیسې یې معاشونه نه دي ورکړل شوي.
نن په کابل کې د پوهنتون یوه استاد په هېواد کې د روان وضعیت له امله له خپلې کورنۍ سره یو ځای په داسې حال کې د ښار واټونو ته راووت چې د اعتراض په توګه یې کفن اغوستی وو.
د نړۍ په بېلابېلو هېوادونو کې زرګونه افغانانو د طالبانو له لوري د افغانستان د نیولو په اعتراض کې د آزادۍ په شعار سړکونو ته راوتلي دي. دغو اعتراض کوونکو په افغانستان کې د پاکستان ښکاره لاسوهنه وغندله او له نړیوالې ټولنې یې غوښتنه وکړه چې افغانستان کې دي د جنایت پر وړاندې خپله چوپتیا ماته کړي.
د طالبانو له لوري د کابینې له اعلان وروسته نن په کابل کې د ښځو د حقونو فعالانو په یوې اعتراضیه غونډه کې وویل چې طالبانو په خپله کابینه کې د ښځو چارو وزارت لغوه کړی دی.
د افغانستان د ورځپاڼو ټولنې نن د یوې خبرپاڼې په خپرولو سره د طالبانو له لوري د خبریالانو نیولو په اړه خپله اندېښنه څرګنده کړې او د نیول شویو خبریالانو د بېرته خوشې کولو غوښتنه یې کړې ده.
نن په کابل کې یوشمېر خبریالانو او مدني فعالانو د یوې اعتراضیه غونډې پرمهال وویل چې د دوی پر وړاندې محدودیتونه ډېر شوي او له نړۍوالې ټولنه څخه یې غوښتنه وکړه چې دوی له افغانستانه وباسي. دغه خبریالان وايي، وروسته له دې چې طالبانو پر هېواد ولکه ټینګه کړې، ځینې خبریالان د طالبانو له لوري وهل شوي دي.
له تیرو دوو ورځو راهیسې د هلمند ولایت په مرکز لښکرګاه ښار کې د افغان امنیتي ځواکونو او وسلهوالو طالبانو له لوري سخته جګړه روانه ده چې بېګاه شپه د یاد ښار اوسېدونکو د هوايي او ځمکنیو بریدونو او ډزو له امله ټوله شپه په ویښه تېره کړې.
د میدان وردګ ولایت سلګونو اوسېدونکو نن د اعتراض په توګه د کابل-کندهار لویه لاره وتړله. لاریونوال وايي، که څه هم د ولایت نوم یې «میدان وردګ» دی، خو یوشمېر ادارې یې بیا هم په دولتي اسنادو کې نه لیکي او خلکو ته یې سرخوږی جوړ کړی دی. لاریونوال خبرداری ورکوي، تر هغه چې د برښنايي پېژندپاڼو ترڅنګ، په ټولو دولتي اسنادو کې د ولایت بشپړ نوم «میدان وردګ» ونه لیکل شي، د کابل-کندهار لویه لاره به تړلې وي.
په تخار ولایت کې د وسلهوالو طالبانو له لوري د دغه ولایت د ۱۶ولسوالیو د نیولو په لړ کې نن په کابل کې د دغه ولایت ځوانانو او مدني فعالانو د یوې اعتراضیه غونډې پر مهال وویل چې دغه وضعیت د اندېښنې وړ دی او د طالبانو تر ولکې لاندې سیمو کې خلک له ډېرو ستونزو سره لاس او ګرېوان دي.
د هرات په اوبه ولسوالي کې د یوه ټپي شوي سرتیري مور د هرات ولایت مقام دروازې ته راغلې او د خپل زوی د ژغورنې
د پکتيا يوشمېر اوسېدونکو د مدني ټولنو او قومي شوراګانو استازیو نن په یوه لاریون کې د کليو بيارغونې او پراختيا سرپرست وزير مجيبالرحمان کريمي او ځايي اداره له خلکو سره پر توپيري چلن تورن کړل.
د پکتيا په مرکز ګردېز کې لسګونو لاريونوالو د مجيبالرحمان کريمي پر ضد لاريون وکړ او له ولسمشر محمداشرف غني څخه يې وغوښتل چې نوموړی له دندې لرې کړي.
نن د یوشمېر ترانسپورټي او باروړونکو شرکتونو مسوولانو په یوې اعتراضیه غونډه کې د ځمکني ټرانسپورټ د انسجام شورا پر لویو لارو کې د اخاذۍ پر اخیستلو تورونه کړه او وویل چې دغه شورا په ناقانونه توګه له موټر چلوونکو څخه پیسې اخلي.
نن د هرات ولایت د ګمرکونو ریاست مخې ته د دغه ولایت د سوداګرۍ او صنایعو خونه، د زعفرانکارانو ټولنې، سوداګرو مېرمنو او د مدني ټولنو یوشمېر غړو په یوې خبري ناسته کې د هېواد په ګمرکونو په ځانګړې توګه د هرات په ګمرک کې د پراخ فساد له امله، خپل اعتراض څرګند کړ.
د کونړ د ناړۍ ولسوالي ښوونکو پرون د دغه ولسوالي په مرکز کې اعتراضیه ناسته کړې او له څو ورځو راهیسې یې په دغه ولسوالي کې د تدریسي بهیر هم درولی دی.
دوی وايي، له یوې خوا ورته له څو میاشتو راهیسې معاشونه نه دي ورکړل شوي او له بل پلوه معاشونو پسې مرکز اسداباد ته ورځي چې د لارې او ناسم امنیتي وضعیت له امله نه شي کولای پر وخت معاشونه ترلاسه کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
