اعتراض - SALAM WATANDAR

د جنبش ګوند پلویانو د فاریاب ولایت د مقام دروازه وتړله

په فاریاب کې د ملي جنبش ګوند یو‌شمېر پلویانو د دغه ولایت د والي په توګه د محمد داوود لغماني ټاکل کېدو په غبرګون کې لاریون کړی او د فاریاب ولایت مقام ودانۍ یې کلابنده کړې ده. دوی نن د میمنې ښار سړکونو ته راووتل او د فاریاب ولایت مقام دروازه یې وتړله.
په فاریاب کې د ملي جنبش ګوند غړی عبدالجلیل اور وایي، د دغه ولایت لپاره د نوي ګومارل شوي والي مخه به نیسي او په وینا یې، د خلکو له لوري د والایانو ګومارنې په تړاو د عبدالرشید دوستم د څرګندونو ملاتړ کوي.

پکتیا کې خلکو د پوهنې ریاست دروازه وتړله

پکتيا کې د درېوو ولسواليو اوسېدونکو د پوهنې رياست مسوولان پر فساد تورن کړل او د اعتراض په توګه یې د دغه ریاست دروازه وتړله. د دوی په وینا، د پوهنې ریاست د مسوولانو ناکارۍ له کبله په ګردې څېړۍ، شواک او وزې ځدراڼ ولسوالیو کې پوهنیز بهیر له سختو ستونزو سره مخامخ دی.

هرات کې د لویو لارو تړل کېدل؛ د خوراکي توکو او تېلو بیې ۳۰ سلنه لوړې شوي

له یوې اوونۍ راهیسې د هغو باروړونکو موټرو مالکانو چې د اسلام‌کلا ګمرک کې د اورلګېدنې له کبله سوځېدلي وو او تاوان یې نه ده ورکړل شوی، د هرات‌–‌اسلام‌کلا او هرات‌–‌تورغونډۍ لویې لارې د ټرافیکو پر مخ تړلي او له خوراکي توکو او تېلو سلګونه ډک موټر په ګمرک او له پولې هغې غاړې ته ولاړ دي.

هرات کې د باروړونکو موټرو د مالکانو اعتراض دویمې ورځې ته وغځېد

د هغو باروړونکو موټرو مالکان چې د هرات د اسلام‌کلا ګمرک په اورلګېدنه کې یې موټر سوځېدلي، د حکومت له لوري ورته د رسېدلي زیان پر نه جبران نیوکې کوي او وايي، سره له دې چې له اورلګېدنې ۵۰ ورځې او هرات ته د حکومت را لیږل شوي پلاوي د راپور له پای ته رسېدو یوه میاشت تېرېږي، خو تر اوسه د باروړونکو موټرو مالکانو ته یوه افغانۍ هم نه ده ورکړل شوې.

د کوکچه برښنا بند نه جوړېدو په اړه د تخاریانو اعتراض

د تخار سلګونو اوسېدونکو نن د دغه ولایت په مرکز تالقان ښار کې «د بدلون لپاره د خلکو خوځښت» په نوم لاریون وکړ او له حکومت څخه یې وغوښتل چې د کوکچه او تنګي ورسج برښنا بندونه او د تخار هوايي ډګر ورغوي.

بغلان کې د وسله‌والو غلاوو پر وړاندې د صرافانو اعتراض

د بغلان یوشمېر صرافانو نن د دغه ولایت په مرکز پلخمري ښار کې د ناامنیو او وسله‌والو غلاوو د ډېروالي پر وړاندې لاریون وکړ.
دغه لاریون له هغه وروسته کېږي چې ناپېژنده‌ وسله‌والو غلو پرون هغه مهال یو صراف ټپي او نږدې څلورنیم میلیونه افغانۍ یې ترې یووړې چې غوښتل یې بانک ته یې یوسي.

د احصایې ملي ادارې د وروستۍ پرېکړې پر وړاندې د پروان د اوسېدونکو غبرګون

د پروان ولایتي شورا، مدني فعالانو او ځوانانو نن په یوه غونډه کې د احصایې او معلوماتو ملي ادارې له لوري د قومونو د نوملړ خپرولو پر وړاندې غبرګون وښود او هغه یې د خلکو د بېلوالي لامل وباله.

د بامیان فرهنګیان: د بودا مجسمې د ورانولو عاملان باید محاکمه شي

د بامیان ولایت سلګونو فرهنګیانو پرون ماښام په یوه اعتراضي لاریون کې د صلصال او شه‌مامه سمڅو په مخ کې د الیکین څراغونو په لېږدولو سره د طالبانو له لوري د بودا مجسمې ورانول وغندل او د دې ډلې د محاکمې غوښتنه یې وکړه.

د نظامي بندیانو د کورنیو اعتراض؛ حکومت دې د دوی بندیان خوشې کړي

د نظامي بندیانو د کورنۍ غړي نن د ننګرهار په ولایتي شورا کې راټول شوي وو او له حکومت نه یې د خپلو بندیانو د

کابل کې معترضان: حکومت د هدفي وژنو دوسيو په اړه څېړنې ځنډوي

د کابل لسګونو اوسېدونکيو نن د ولسي جرګې تالار مخې ته د هدفي وژنو له زياتوالي په اندېښنې په يوه اعتراضيه راټولېدنه کې دولت په کم‌کارۍ تورن کړ او ويې ويل، یو شمېر دیني عالمان، خبریالان او مدني فعالان په مرموزه توګه وژل کېږي او دولت يې د دوسيو څېړلو کې ځنډ کوي.