د غور امنیتي مسوولان وايي چې د دغه ولایت د تیورې ولسوالي په «کچوی نیلي» کلي کې د دوو کورنیو ترمنځ د ماشومانو پر سر د رامنځته شوې شخړې له امله یو کس وژل شوی دی.
د یاد ولایت د امنیې قومنداني ویاند عبدالرحمن بدري سلاموطندار ته ویلي چې شخړه کې محمد نومی کس د عبدالحکیم له لوري وژل شوی دی.
د امنیې قومنداني ویاند زیاتوي چې عبدالحکیم نومي کس خپل ګاونډی له وسلې څخه په استفادې وژلی دی. د غور د امنیې قومنداني ویاند همداراز وايي چې قاتل د امنیتي ځواکونو له لوري نیول شوی او څېړنې ترې روانې دي.
د سلاموطندار پښتو برخه دلته وڅارئ
دغه پېښه په داسې مهال کېږي چې له دې وړاندې هم د هېواد په یوشمېر ولایتونو کې د شخصي او کورنیو ترمنځ د شخړو له امله ځینې کسان وژل شوي او یوشمېر بیا ټپیان شوي هم دي.
