انسان تښتوونکو بېګاه په بلخ کې د رواني ستونزو او عصبي ناروغیو متخصص نادر عالمي وژلی دی. د مزارشریف د حوزوي روغتون رییس غوثالدین غوري وايي چې نادر عالمي بېګاه وژل شوی دی.
نادر عالمي وږي میاشتې په ۲۹مه د مزارشریف ښار په نواباد کې د هغه کور ته له نږدې سیمې تښتولی شوی و.
د سلاموطندار پښتو فېسبوکپاڼه وڅارئ
شاهدان هغه مهال ویلي وو، نادر عالمي د هغو اوو کسانو له لوري چې په یوه هایلکس موټر کې سپاره وو، د امنیتي حوزې د آمر درملنې په پلمه له ځان سره بیولی و.
نادر عالمي د عصبي او اروايي ناروغیو د درملنې په برخه کې د هېواد یو وتلی ډاکټر بلل کېده. هغه د هېواد په شمال کې د عصبي-اروايي ناروغیو د درملنې د لومړني خصوصي روغتون د بنسټ ډبره هم ايښې وه.
