د اسلامي امارت د کورنیو چارو وزارت وايي چې ډېر ژر به د افغانستان د پولو په اوږدو کې ځانګړي پوله ساتي ځواکونه ځای پر ځای کړي.
د باختر دولتي اژانس د رپوټ پر بنسټ، دغه څرګندونې د کورنیو چارو وزارت د پوله ساتو ځواکونو عمومي رییس شیرمحمد شریف د کندهار ولایت سپین بولدک ولسوالي ته پرون د خپل سفر پر مهال کړې دي.
د سلاموطندار پښتو فېسبوکپاڼه وڅارئ
شیرمحمد شریف ویلي چې اسلامي امارت د افغانستان پولو ته ځانګړی پام لري او له خپلو سرحدونو به ساتنه کوي.
د روان کال د زمري په ۲۴ مه واک ته د اسلامي امارت په رسېدو سره په کراتو داسې راپورونه ورکړل شوي چې پاکستاني او ایراني پوځیانو د افغانستان خاورې کې دننه وړاندې راغلي.
طالبانو دغه راپورونه رد کړې دي.