ناپېژنده کسانو په لوګر کې یو ۱۵ کلن ځوان د چاکو په وسیله وژلی
د لوګر د امنیې قومنداني مسوولان وايي چې د دغه ولایت په محمداغې ولسوالي کې یو ۱۵ کلن ځوان د ناپېژنده کسانو لهخوا وژل شوی دی.
د لوګر د امنیې قومنداني مسوولان وايي چې د دغه ولایت په محمداغې ولسوالي کې یو ۱۵ کلن ځوان د ناپېژنده کسانو لهخوا وژل شوی دی.
په سمنګان کې محلي سرچینو سلاموطندار ته ویلي چې ناپېژنده کسانو د دغه ولایت په درهصوف بالا کې یو ډاکټر وژلی دی. دغه ډاکټر نجمالدین سهرابي نومېده او د کب په پنځمه، د جمعې شپه وژل شوی دی.
د بدخشان د اطلاعاتو او کلتور رییس معزالدین احمدي وايي، د ا.ا ځواکونو نن سهار شاوخوا اتهنیمې بجې د دغه ولایت په مرکز فیضاباد ښار کې د کابل بانک دروازه کې یو ځانمرګی بریدګر موخې ته له رسېدو مخکې وژلی دی.
د امریکا «سيبياېس نیوز» رسنۍ راپور ورکړی چې د افغانستان مخکینی ولسمشر محمداشرف غني د هغو مشرانو په نوملړ کې شامل دی چې د امریکا ولسمشر جو بایډن ته یې ارزښتمنې ډالۍ ورکړي دي. د غني مېرمن رولا غني هم د بایډن مېرمنې جېل بایډن ته د ورېښمو یوه غالۍ ډالۍ کړې وه چې ارزښت یې ۱۹۲۰۰ ډالرو ته رسېږي.
پاکستان کې د ترهګریزو بریدونو او افغانستان سره پر ډیورنډ کرښې کې د ترینګلتیا ډېروالي سره هممهاله د دغه هېواد یو لوړپوړی پلاوی د اسلامي امارت چارواکو سره د خبرو لپاره کابل ته راغلی دی. خو د اسلامي امارت ویاند ویلي، دغه لیدنه یوازې پر کرښه د ستونزو او امنیتي اندېښنو په اړه پر خبرو راټوله وه.
د ننګرهار ولایت چارواکو خبر ورکړی چې سبا د کب څلورمه، د پنجشنبې ورځ به د تورخم دروازه بېرته پرانېستل شي.
په همدې حال کې اسلاماباد کې د افغانستان سفارت هم پر خپل ټویټر لیکلي چې سبا به د تورخم دروازه د مسافرو، سوداګرۍ او ټرانزېټ لپاره بېرته پرانېستل شي.
د افغانستان د خپلواکو رسنیو ملاتړی بنسټ «نی» مسوولان وايي، د هلمند محلي چارواکو د له خبریالانو غوښتي چې د دغه ولایت له مسوولانو او اوسېدونکو څخه دې تصویري راپورونه نه جوړوي او نه هم خپروي.
د «نی» مسوول ظریف کریمي وايي چې د دغه محدودیتونو لګول به افغانستان کې د خبریالانو د کار دوام له بېلابېلو جدي ننګونو سره مخ کړي.
د پاکستان د دفاع وزیر خواجه محمداصف په یوه نااعلان شوي سفر نن چهارشنبه د کب درېیمه د یوه لوړپوړي پلاوي په مشري کابل ته راغلی دی.
خواجه محمداصف د ریاستالوزرا اقتصادي مرستیال عبدالغني برادر، د دفاع وزارت سرپرست یعقوب مجاهد او یوشمېر نورو چارواکو سره لیدلي دي.
د لوړو زدهکړو وزارت نن کابل پوهنتون کې د هېواد د تحصیلي نظام د پیاوړتیا په موخه درې ورځني کنفرانس پرانیست.
دغه کنفرانس کې د پوهنتونونو نصاب، د زدهکړې د کیفیت تضمین، علمي څېړنو، انلاین زدهکړو او د لوړو زدهکړو نظام د پیاوړتیا اړوند نورو مواردو په اړه د پوهنتون استادانو شاوخوا ۷۵ مقالې وړاندې کړې.
د غزني اوسېدونکي دغه ولایت کې د جنايي پېښو له زیاتېدو شکایت کوي او اسلامي امارت څخه د امنیت د ټینګښت غوښتنه کوي.
بریالی چې د غزني اوسېدونکی دی، سلاموطندار ته وايي چې نږدې یوه میاشت مخکې وسلهوالو غلو یې زوی وژلی دی. نوموړی زیاتوي چې غلو یې د زوی جسد د غزني ښار څخه لرې یوې سیمه کې غورځولی و.
د تورخم کمیسار محمدصدیق خالد وايي چې دغه لاره یکشنبه شپه د سلواغې ۳۰مه د مسافرو او ټرانزیټ پر مخ تړل شوې او پاکستاني لوري سره خبرې روانې دي. د نوموړي په وینا، پاکستاني لوري پر خپلو کړیو ژمنو عمل نه دی کړی او یاده لاره یې د اسلامي امارت د چارواکو له لارښوونو سره سم تړلې ده.
د مونیخ امنیتي غونډه چې د څلوېښتو هېوادونو ولسمشرانو او د بهرنیو چارو ۹۰ وزیرانو پهکې ګډون کړی، د افغانستان سیاسي وضعیت او د ښځو حقونه یې د بحث مهم موضوعات بلل کېږي. د دې غونډې د ګډونوالو له ډلې د ۱۰ هېوادونو د بهرنیو چارو وزیرانو پر افغان نجونو او ښځو د اسلامي امارت لګېدلي محدودیتونه غندلي دي.
د بهرنیو چارو وزارت د بلغارییې پلازمېنې صوفیا کې په یوې لارۍ موټر کې د ۱۸ افغان پناه غوښتونکو د مړینې له کبله د قربانیانو له کورنیو سره خواخوږي ښودلې ده. د بهرنیو چارو وزارت له ټولو افغانانو غوښتنه کړې چې د ناقانونو او قاچاقي لارو د ټاکلو له امله دې خپل ژوند له ګواښ سره نه مخ کوي.
د بادغیس محلي مسوولان وايي چې یوه ځوان د سلواغې په ۲۹مه، د شنبې په مازدیګر د دغه ولایت د قادس ولسوالي په «قادس خوردک» سیمه کې په تېروتنې ډز کړی او مور یې وژلې ده.
د ا.ا حکومت د پاکستان د خېبرپښتونخوا ایالت اړوند له ترهګرۍ سره د مبارزې ادارې هغه ادعاوې په کله رد کړي چې ګواکې دغه ایالت کې پر پوځيانو شوی ځانمرګی برید په افغانستان کې پلان شوی و. په ورته مهال شنونکي وايي چې واک ته د اسلامي امارت تر رسېدو وروسته سیمه په ځانګړې توګه پاکستان کې وسلهوالې ډلې پیاوړې کړې دي.
د لوګر د مرکز پلعلم ښار یوشمېر هټۍوال د حکومت له لوري د دغه ولایت له هټۍوالو څخه د لوړې مالیې له اخیستلو شکایت کوي.
دوی سلاموطندار ته ویلي چې کاروبار یې خراب دی او د مالیې د ورکړې توان نهلري. یو هټۍوال محمدعمران سلاموطندار ته وايي چې د پخوا په پرتله یې کاروبار خراب شوی او حکومت ته ماليه نشي ورکولای.