د لوګر د کرنې او مالدارۍ ریاست چارواکي وايي چې د دغه ولایت په برهکي برک، څرخ محمداغې او خروار ولسوالیو کې د پرون ورځې بارانونو له امله سېلابونه راوتلي چې پرمهال یې یو کس مړ شوی او خلکو ته یې مالي زیانونه اړولي دي. د دوی په وینا، د دغه ولایت په یادو ولسوالیو کې د سېلابونو له کبله لسګونه کورونه هم نړېدلي دي.
په زابل کې د وچکالۍ او د اوبو د کمښت له امله د ګڼشمېر کروندګرو کښتونه سوځېدلي او محصولات یې لهمنځه تللي دي.
د دغه ولایت اوسېدونکي وايي چې سیمو کې یې د اوبو کچه ټيټه شوې او کارېزونه یې وچ شوي چې له امله یې د ګڼشمېر کروندګرو کښتونه لهمنځه تللي او خلک له ګڼو ستونزو سره لاس او ګرېوان دي.
د جوزجان امنیتي مسوولان وايي چې د یاد ولایت په ولسوالیو او ښار کې د لوی اختر د نمانځنې او د خلکو د لا ښه امنیت په موخه په بېلابېلو سیمو کې امنیتي کمربندونه جوړ کړي دي.
د کندهار او روزګان ولايتونو په یوشمېر ولسوالیو کې د وروستیو اورښتونو له کبله سېلابونه راوتلي چې خلکو ته یې ګڼ مالي او ځاني زیانونه اړولي دي. د دوی په وینا، دغو سېلابونو د خلکو څاروي هم وړي او کورونه او ګڼشمېر هټۍ یې ویجاړې کړې دي. په ورته مهال د کندهار په خانشین ولسوالي کې هم د وروستیو اورښتونو له کبله خلکو ته درانه زیانونه اوښتي دي.
اختر د مسلمانانو لپاره د خوښۍ هغه ورځې دي چې په کال کې دوه ځله راځي، خو د هر کال په تېرېدو سره د اختر خوند او مزه کمرنګه کېږي.
د امربالمعروف او نهېعنالمنکر وزارت د اسلامي امارت ځواکونو پر وړاندې د ۲۱۴ شکایتونو د ثبت خبر ورکړ.
په دې وروستیو کې د پاکستان د مالیې وزارت ویلي چې تر یوه کال پورې به افغانستان څخه د ډبرو سکرو په ګډون ټول صادرات په کالدارو کېږي، خو د اقتصادي چارو کارپوهان دغه کار د افغانستان په زیان ګڼي.
د امریکا متحده ایالتونو ولسمشر جو بایډن د دغه هېواد د مشرانو او سنا جرګو غړو ته یوه لیک کې ویلي، غواړي د «غير ناټو عمده متحد» په توګه د افغانستان دریځ لغوه کړي.
افغانستان ته په ۲۰۱۲ کال کې د امريکا د غير ناټو عمده متحد دریځ ورکړل شوی وو.
د افغانستان ناوړه حالت ورځ تربلې په هېواد کې انساني ناورین لا پسې زیاتوي. خو ښځې د دغه ناورین لومړنۍ قربانیانې دي او هره ورځ د بېلابېلو لاملونو له امله قرباني کېږي.
د شهدانو او معلولینو وزارت مسوولانو نن په کابل کې د یوې خبري ناستې پرمهال وویل چې هېواد کې به د ټولو معلولانو او شهدانو ورثهوو ته د شږو میاشتو حقوق ورکړي.
کابل کې د چین سفیر وانګ یو نن پېښو ته د رسېدو په چارو کې د دولت وزارت له سرپرست سره په یوې ګډه خبري ناسته کې له افغانستان څخه د امریکا په نامسوولانه وتلو نیوکه وکړه. د چین سفیر وویل چې د امریکا په راتلو سره افغانان له ګڼو ستونزو سره مخ شول او اوس چې دغه هېواد له افغانستانه په غیرمسوولانه توګه وتلی، د افغانانو ستونزې دوه برابره شوي دي.
د لوګر محلي چارواکي وایي چې پرون ناوخته د دغه ولایت د برهکي برک ولسوالي چهارقلعه سیمه کې یوه اته کلنه نجلۍ د خپلې ورېندارې له لوري د تبر په وسیله وژل شوې ده.
د انرژۍ او اوبو وزارت اعلان کړی چې د اقلیمي بدلون، د هېواد د هوا پېژندنې ادارې او د نړیوالو باوري سازمانونو د وړاندیونو پربنسټ، د کابل په دریايي حوزه کې د اورښتونو له کبله د سېلابونو د راوتلو وړاندوینه شوې ده.
د بامیان محلي سرچینې سلام وطندار ته تاییدوي چې د دغه ولایت د پوهنې ریاست د تعلیمي څارنې غړی، بشر حیدري چې د دې ادارې د رییس اسلامالدین عثماني له خپلوانو څخه دی تېره شپه د دغه ولایت مرکز «دره سادات» سیمې اړوند «بام سرای» روغتیايي مرکز کې له یوې ځوانې جلۍ سره د زنا په تور بالفعل د اسلامي امارت د استخباراتو لهخوا نیول شوی دی.
که څه هم د اسلامي امارت سرپرست حکومت اطلاعاتو ته د لاسرسي په برخه کې د زمینې برابرولو ډاډ ورکړی، خو خبریالان اطلاعاتو د نه لاسرسي له امله شکایت کوي.
پېښو ته د رسېدو په چارو کې د دولت وزارت مرستیال شرفالدین مسلم وايي، سوېل ختیځو ولایتونو کې د دوه اوونۍ وړاندې زلزلې پرمهال د ویجاړو شویو کورونو بیارغولو لپاره یوه کمېټه رامنځته کوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
