پېښو ته د رسېدو په چارو کې د دولت وزارت مرستیال شرفالدین مسلم وايي، سوېل ختیځو ولایتونو کې د دوه اوونۍ وړاندې زلزلې پرمهال د ویجاړو شویو کورونو بیارغولو لپاره یوه کمېټه رامنځته کوي.
د کابل ښار یوشمیر اوسېدونکي شکایت کوي چې د اسلامي امارت له واکمنېدو نږدې یوولس میاشتې تېرېږي، خو لاهم د بانکونو چارې عادي حالت ته نه دي راګرځېدلي. د پلازمېنې اوسېدونکي زیاتوي چې د خپلو معاشونو ترلاسه کولو لپاره په ورځو ورځو د خصوصي بانکونو مخې ته ولاړ وي، خو بیا هم نهشي کولای معاشونه ترلاسه کړي.
په افغانستان کې د ملګرو ملتونو پراختیايي پروګرام د رسنیو برخې مسوولانو سلاموطندار ته ویلي چې یوه ډله خلک په ختیځو ولایتونو په ځانګړې توګه لغمان او کونړ کې د دغه بنسټ د یوې مخکینۍ پروژې له ټاپې/ مُهر څخه په استفادې خلک تېرباسي او پیسې ترې اخلي.
د لوګر یوشمېر اوسېدونکو سلاموطندار ته ویلي چې په دې وروستیو کې د جنايي پېښو کچه لوړه شوې او هره اوونۍ دغه ولایت کې ګڼې جنايي پېښې ثبتېږي.
د هرات د ۲۰۷ الفاروق قول اردو کې یوه سرچینه چې نه غواړي نوم یې واخیستل شي، سلاموطندار ته ویلي، د ۲۰۷ الفاروق قولاردو پر کارکوونکو په دوو جلا جلا بریدونو کې د یاد قولاردو دوه کارکوونکي وژل شوي او ۱۸ نور ټپیان دي. د سرچینې په وینا، دغه پېښې د هرات ښار په نمبر یک او غیزان سنکر سیمو کې رامنځته شوي دي.
د هرات د امنیې قومنداني ویاند محمودشاه رسولي وايي، ناپېژنده وسلهوالو نن سهار شاوخوا ۷ بجې د هرات ښار څلورمه ناحیه کې د ۲۰۷ الفاروق قول اردو د کارکوونکو پر موتر برید کړی دی.
په کابل کې د افغانستان د علماوو د درې ورځنۍ غونډې له پای ته رسېدو یوه ورځ وروسته یو شمېر سیاستوالو نیوکه کوي چې له شپږم ټولګي پورته د نجونو د ښوونځیو بیا پرانستل د دې غونډې په اجنډا کې نه وه او نه پرې بحث شوی.
کابل کې د افغانستان د دیني علماوو لویه غونډه چې د تېرې پنجشنبې پر ورځ پیل شوې وه، پرون د دې غونډې د ګډونوالو له لوري د یوه یوولس مادهییز پرېکړهلیک په لوستلو سره پای ته ورسېده. خو د چارو یوشمېر کارپوهان وايي چې د علماوو غونډه کې په ډېرو مهمو او حیاتي مسایلو بحث نه دی شوی.
د ماشومانو لپاره د ملګرو ملتونو ملاتړې ادارې یا (یونېسف) په یوه خپور کړي راپور کې ویلي چې اروپايي ټولنې له افغان ماشومانو څخه د ملاتړ او د پولیو ضد واکسین د تطبیق په موخه ۴۰ میلیونه یورو مرسته کوي. یونېسف ویلي، تېر کال د ۸۸سلنه کورنیو لږ تر لږه یوه کس په ډېرو سختو شرایطو کې له کور د باندې کار کاوه.
په کابل کې د علماوو د درې ورځنۍ غونډې په پای کې د یادې ناستې ګډونوالو د یوولس مادهییز پرېکړهلیک په لوستلو سره د اسلامي امارت له مشر هبتالله اخوندزاده څخه خپل ملاتړ اعلان کړ.
بېګاه شپه په ننګرهار کې یوې دیني مدرسې ته لاسي بم وراچول شوی چې له امله یې ۸ زدهکوونکي ټپیان شوي دي. دا په هېواد کې وروستۍ او تازه امنیتي پېښه ده چې په اړه یې راپور ورکول کېږي. د دې ترڅنګ پرون پر کابل څو راکېټونه ویشتل شوي چې ویل کېږي موخه یې د علماوو لویه غونډه وه.
د ملګروملتونو د بشري حقونو شورا افغانستان کې د بشري حقونو او د ښځو وضعیت په اړه بېړنۍ غونډه کړې او دغه هېواد کې یې د ښځو وضعیت د اندېښنې وړ بللی دی.
د افغانستان د ښځو حقونو او بشري چارو کې د امریکا ځانګړې استازې رینا امیري ویلي چې د اسلامي امارت او د امریکايي پلاویو ترمنځ په خبرو کې یې له ګډون ډډه کړې ده.
ایراني چارواکو ویلي چې سر له نن څخه به هغه کډوال له دغه هېواد څخه باسي چې په ناقانونه توګه ورغلي دي.
مجید میراحمدي همداراز ویلي، هغه کسان چې ناقانونه کډوال یې ایران کې پر کار ګومارلي، هغوی ته به له درېوو تر شپږو میاشتو زنداني کېږي او نغدي جریبه به هم ورکوي.
د بهرنیو چارو سرپرست وزیر امیر خان متقي په مشرۍ یوه پلاوي په دوحه کې مېشت د افغانستان لپاره تر لسو د زیاتو اروپايي هېوادونوله استازو او سفیرانو سره کتلي دي.
د اسلامي امارت مشر ملا هبتالله اخوندزاده نن د علماوو په ستره غونډه کې چې د سرپرست حکومت له خوا د لویې جرګې په خېمه کې جوړه شوې او درې ورځو لپاره دوام کوي ګډون او وینا وکړ. دا غونډه په غږیزه بڼه په دولتي رسنیو کې خپره شوه.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
