د سلام افغانستان رسنیزې موسسې (سلاموطندار راډیو) د اسلامي امارت له واکنمېدو وروسته کاري او د زدهکړو راتلونکې ته د زدهکړیالانو د درسي انګېزې او هیلهمندۍ کچې ارزونې په موخه د روان کال په غويي او غبرګولي میاشت کې یوه سروې ترسره کړې چې موخه یې هېواد کې د سیاسي تحولاتو وروسته په یادو شویو برخو کې د بدلون کچې معلومول دي.
د راپورونو له مخې، ټاکل شوې چې راتلونکې اوونۍ د امریکا کانګرېس د دغه هېواد دفاعي بودیجه تصویب کړي، خو د امریکا د استازیو جرګه به یوه داسې طرحه هم تایید کړي چې له مخې به یې، افغانستان سره د دغه هېواد د دفاع وزارت یا پنټاګون پر هر ډول مرستو بندیز ولګېږي.
له شاوخوا دوه اوونیو راپدېخوا د پکتیا مرکز ګردېز په ګډون په زرمت، احمدابا، سیدکرم او ځینې نورو ولسوالیو کې د سختو سېلابونو او ږلۍ له امله خلکو ته ګڼ ځاني او مالي زیانونه اوښتي دي.
په لغمان کې ولسي سرچينې وايي چې بېګاه شپه د دغه ولایت په قرغیو ولسوالي کې ناپېژنده وسلهوالو د يوې کورنۍ دوه غړي وژلي او دوه نور یې ټپیان کړي دي. په ورته مهال د لغمان محلي مسوولان هم تاییدوي چې دغه ولایت کې د یوه وسلهوال برید پرمهال د یوې ښځې په ګډون دوه کسان وژل شوي او یو بل ټپي دي.
پاکستاني رسنیو راپور ورکړی چې په کابل کې د دغه هېواد څلور زدهکړیالان له لوی اختر راپدېخوا نادرکه شوي دي.
په کندوز کې محلي او امنیتي سرچینې سلاموطندار ته وايي چې بېګاه شپه شاوخوا ۱۰ د ا.ا ځواکونو د دغه ولایت د امام صاحب ولسوالي په «قنجغه عربیه» سیمه کې د داعش پر پټنځای برید کړی دی.
د سرچینې په وینا، د دواړو لوریو ترمنځ نښته د سهار تر درېوو بجو روانه وه. سرچینې زیاته کړه چې په دغه نښته کې درنې او سپکې وسلې کارول شوي دي.
د نړیوال اقتصادي فورم د ۲۰۲۲ کال لپاره د جنسیتي نړیوال شاخص په اړه تازه رپوټ کې ویلي، د نارینهوو تر واک لاندې او محافظه کاره ټولنه کې د ښځو لپاره د مناسب فرصت نهشتون له امله افغانستان نړۍ کې د جنسیتي ناانډولۍ تر ټولو ټیټه کچه کې دی. ا.ا بیا ویلي، ښځې د ټولنې بېلابېلو برخو کې د پام وړ فعالیت لري.
ناپېژنده وسلهوالو بېګاه شپه په کابل ښار کې دیني عالم او د سلفي علماوو رییس سردار ولي ثاقب په خپل کور کې وژلی دی.
د مرکز پلعلم ښار اوسېدونکي وایي چې بېګاه شاوخوا ۸:۳۰ د پلعلم ښار د «ښاروال څلورلارې» کې ناپېژنده وسلهوال یوې نانوايي ته ننوتي او څلور کسان یې وژلي دي.
د پېښې یوه عیني شاهد محمدجاوید سلاموطندار ته ویلي چې په دغه پېښه کې درې وروڼه ځای پر ځای وژل شوي او د نانوايي یوه شاګرد روغتون په لاره ساه ورکړې ده.
یوشمېر کارپوهان د افغانستان په اوسني سرپرست حکومت کې د سایبري او د خلکو د اطلاعاتو امنیت په اړه اندېښمن دي.
د دوی په وینا، اوسنی سرپرست حکومت په انټرنټي سایټونو کې د اطلاعاتو او برښنايي سېټسمونو د امنیت خوندیتوب لپاره منظم او بنسټیزه تګلاره نه لري.
ازبکستان د افغانستان په اړه د یوې سترې نړیوالې ناستې له جوړېدو خبر ورکوي. د دغه هېواد د بهرنیو چارو وزارت په یوې خبرپاڼه کې ویلي، ټاکل شوې یاده ناسته د روان میلادي کال د جولای میاشتې په ۲۵ او ۲۶ نېټه جوړه شي چې د نړۍ ۲۰ هېوادونه به پهکې ګډون وکړي.
روزګان د هېواد یو له لرو پرتو ولایتونو څخه دی چې په وروستیو څو لسیزو کې ورته پام نه دی شوی او اوسېدونکي یې له لومړنیو اړینو خدمتونو بېبرخې دي.
د کونړ د اطلاعاتو او فرهنګ رياست د ګرځندوی امر حشمتالله ژمن سلاموطندار ته ویلي چې د اختر تر څلورمې ورځې پورې کونړ ته لس زره سيلانيان د چکر لپاره ورغلي دي.
اسیا پلوس خبري اژانس راپور ورکړی چې د تاجکستان د برښنا ملي شرکت رییس محمدعمر سوزاده په یوې خبري ناسته کې ویلي چې افغانستان تراوسه د وارداتي برښنا پور نه دی ورکړی.
نوموړي ویلي چې د افغانستان برښنا شرکت په تدریجي توګه خپل پورونه ورکوي. د تاجکستان د برښنا ملي شرکت رییس نه دي ویلي چې افغانستان د وارداتي برښنا له پلوه څومره پوروړی دی.
کندهار کې د شاتو مچیو یوشمېر روزونکي وايي، هېواد کې له وروستي سیاسي بدلون او د چارواکو د نهپام له امله دغه ولایت کې د شاتو مچیو ۵۰ سلنه فارمونه لهمنځه تللي او پاتې نور یې هم د لهمنځه تلو په حال کې دي.
په غور کې د نشهيي توکو د کښت ډېروالي د یاد ولایت اوسېدونکي او مدني فعالان اندېښمن کړي دي. دوی وايي چې د تېرو کلونو په پرتله سږکال د غور کروندګرو پر خپلو ځمکو په ډېره اندازه چرس او تریاک کرلي دي. د غور اوسېدونکي او مدني فعالان زیاتوي چې د دغه ولایت په دولتیار او د فیروز کوه ښار لویدیځو سیمو کې ډېر نشهيي توکي کښت شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
