پاکستاني رسنیو راپور ورکړی چې په کابل کې د دغه هېواد څلور زدهکړیالان له لوی اختر راپدېخوا لادرکه شوي دي.
د پاکستان جیو نیوز خبري رسنۍ پرون په یوه راپور کې ویلي چې یادو زدهکړیالانو د کابل په دوو بېلابېلو پوهنتونونو کې نوملیکنه کړې وه او د اختر له لومړۍ ورځې راپدېخوا ورک دي.
د سلاموطندار پښتو فېسبوکپاڼه وڅارئ
د رسنیو د راپورونو پربنسټ، پاکستاني چارواکو د دغه څلور زدهکړیالانو د موندنې لپاره له اسلامي امارت سره اړیکه نیولې ده.
پاکستاني چارواکو د اسلامي امارت د بهرنیو چارو وزارت ته د لادرکه زدهکړیالانو په تړاو خپله اندېښنه شریکه کړې او له دغه وزارت څخه یې غوښتنه کړې چې د لا درکه پاکستاني زدهکړیالانو له سلامتي ډاډ ورکړي.
سلاموطندار پر ټویټر هم وڅارئ
د اسلامي امارت چارواکو تراوسه په دې اړه څه نه دي ویلي. دا لومړی ځل دی چې کابل کې پاکستاني زدهکړیالان لادرکه کېږي.
