د تاجکستان ولسمشر امامعلي رحمان د چهارشنبې په ورځ د ملګرو ملتونو کلنۍ غونډې ته د وینا پر مهال ویلي، له افغانستانه د نشهیي توکو قاچاق په بېسارې توګه زیات شوی دی.
د نوموړي په وینا، د تاجکستان سرحدي ځواکونو په تېرو دوو کلونو کې له افغانستان سره پر پولې له لسو ټنو ډېر نشهیي توکي نیولي دي.
سلاموطندار په هېواد کې له میراث محرومو شویو ۱۷مېرمنو سره د مرکو په ترڅ کې موندلې چې دغه ښځې په ټولنه کې د شته دودونو او رواجونو له امله له میراث محرومې شوې دي.
د روغتیا نړیوال سازمان «who» افغانستان کې د غوره روغتیايي خدمتونو د وړاندې کولو په پار د روغتیا وزارت اړوند ۲۵ روغتونونو سره د طبي او نورو توکو مرسته ډېره کړې ده.
د بهرنیو چارو وزارت سیاسي مرستیال شېرمحمد عباس ستانکزي نن سهار (د وږي ۲۸مه، د سهشنبې ورځ) پنجشېر ته د سفر پر مهال د ا.ا پر ټولو سیاسي مخالفانو غږ وکړ چې بېرته دې وطن ته راوګرځي او په ویاړ دې ژوند وکړي.
د سرپرست حکومت مسوولان وايي چې د ملګروملتونو په کلنۍ غونډه کې د افغانستان په اړه کېدونکې هره پرېکړه او بحث به بېپایلې وي.
پاکستان کې د افغانستان سفارت مسوولان وايي چې د تېرو دوو اوونیو پر مهال دغه هېواد کې څه باندې ۷۰۰ افغان کډوال چې قانوني اسناد هم لري، د پولیسو له لوري نیول شوي دي.
له هغه وروسته چې افغانستان کې پخوانی اسلامي جمهوریت ړنګ او ا.ا واک ته ورسېد، چین د هغو ګوتو په شمېر هېوادونو له ډلې یو و چې له ا.ا سره یې اړیکه ټینګه او تر اوسه یې دوام ورکړی دی. که څه هم چین تر اوسه ا.ا په رسمیت نهدی پېژندلی، خو دواړو لوریو په تېرو دوو کلونو کې هڅې کړي، څو خپلې اړیکې نه یوازې وساتي، بلکې لا یې پراخې کړي.
د پاکستان د لنډمهالي حکومت لومړي وزیر انورالحق کاکړ تازه د امریکا غږ له اردو برخې سره په مرکه کې ویلي چې پاکستان به له اړتیا سره سم په مشخص وخت کې د ځان د دفاع لپاره په افغانستان کې نظامي عملیات وکړي. نوموړي ټینګار کړی چې دغه هېواد حق لري، څو د ځان او خپلو خلکو د دفاع لپاره په دې برخه کې لازم ګامونه اوچت کړي.
د ا.ا ویاند ذ.بېحالله م.جاهد له سلاموطندار سره مرکه کې که څه هم د پاکستان د لنډمهالي لومړي وزیر انورالحق کاکړ د هغو څرګندونو په اړه بېخبري ښيي چې ویلي دي، دغه هېواد به په مشخص وخت کې د ځان د دفاع لپاره په افغانستان کې نظامي عملیات وکړي، خو ټینګار کوي چې د افغانستان حکومت چمتو دی چې په داسې وضعیت کې خپله خاوره وساتي.
د بامیان محلي مسوولان وايي چې د محمد په نوم یوه کس د دغه ولایت د مرکز اړوند د پولادي سیمې په چپدره کلي کې خپل پلار په چاکو وهلی او وژلی دی.
د پکتیا د امنیې قومانداني د امنیت آمر قاري اسلم کرامت په دې غونډه کې وویل چې د تېر یوه کال پر مهال په دغه ولایت کې د وژنې ۷۳ پېښې شوي او په تړاو یې ۹۴ نارینه او درې مېرمنې نیول شوې هم دي. نوموړی وايي یادې پېښې د بېلابېلو لاملونو له کبله شوې دي.
د ا.ا ویاند ذبېحالله مجاهد د امریکا له لوري افغانستان کې د ټولهګډونه حکومت رامنځته کولو په اړه د دغه هېواد غوښتنې ته په غبرګون کې ویلي، د اوسني حکومت له لوري به دغه غوښتنه هېڅکله ونه منل شي.
د لوګر د امنیې قومنداني مسوولان وايي چې بېګاه شپه د محمداغې ولسوالي په «برګ» کلي کې ناپيژنده کسانو یو ښوونکی په ډزو وژلی دی.
سلاموطندار د سینما له ۱۸ ښځینه لوبغاړو سره د مرکو په ترڅ کې موندلې چې د تېرو دوو کلونو پر مهال دغه د سینما دغه لوبغاړې له ناوړه اقتصادي او رواني وضعیت سربېره امنیتي ګواښونو سره مخ دي.
د ا.ا مسوولان وايي چې دا مهال د هېواد د روزل شوي وسلهوال پوځ شمېر څه باندې ۱۰۰زره ځواکونو ته رسېږي او د زیاتېدو هڅې یې روانې دي.
که څه هم مسوولان د ځواکونو د ټاکل شوي شمېر په اړه څه نه وايي، خو ټينګار کوي چې د پوځ ټاکل شوی شمېر هدف ته باید ځان ورسوي.
د افغانستان په چارو کې د امریکا ځانګړي استازي دغه هېواد کې د داعش خراسان ډلې د کمزوري کولو برخه کې د اسلامي امارت د حکومت هڅې ستایلي دي.
