د بامیان محلي مسوولان وايي چې د محمد په نوم یوه کس د دغه ولایت د مرکز اړوند د پولادي سیمې په چپدره کلي کې خپل پلار په چاکو وهلی او وژلی دی.
د سلاموطندار پښتو فېسبوکپاڼه وڅارئ
د بامیان د والي ویاند عبدالصبور فرزان سیغاني وايي، دا پېښه د وږي په ۲۴مه، د شپې شاوخوا نهه بجې د کورني تاوتریخوالي له امله شوې ده.
نوموړی زیاتوي چې وژل شوی کس د خپل زوی له لوري په نس کې پر چاکو وهل شوی او خپل ژوند یې له لاسه ورکړی دی.
هغه وايي، امنیتي مسوولانو قاتل نیولی او پوښتنې ګروېګنې ترې روانې دي.
