د امریکا ولسمشر جو بایډن ایران کې د حکومت پر وړاندې د اعتراضونو په دوام ویلي چې ایران ازادېږي. بایډن دا خبرې د پنجشنبې ورځ د امریکا په کلیفورنیا ایالت کې یوې ټاکنیزې غونډې ته د وینا پر مهال کړې دي. ګڼشمېر معترضو ایرانیانو هم په دې غونډه کې ګډون کړی و.
د افغانستان په اړه د روسیې ځانګړي استازي ضمیر کابلوف د پنجشنبې په ورځ له ټاس خبري اژانس سره مرکه کې ویلي چې د اسلامي امارت استازي به د افغانستان په اړه د مسکو مشورتي ناسته کې ګډون ونه کړي. کابلوف ویلي: «د اسلامي امارت پلاوی به [په غونډه کې] ګډون ونه کړي. دا یوازې د مسکو فارمټ د غړیو لپاره ده.»
د فاریاب د امنیې قومانداني ویاند حمیدالله بتشکن وايي چې وژل شوې نجلۍ پروانه نومېږي او د خپل پلار د ټوپک په مرمۍ لګېدلې ده.
په ملګروملتونو کې د افغانستان د دایمي استازولي سرپرست نصیراحمد فایق پرون چهارشنبه د لړم یوولسمه د یاد سازمان په غونډه کې ویلي چې افغانستان کې بشري وضیعت د اندېښنې وړ دی.
د کندهار محلي مسوولان وايي چې د دغه ولایت په دامان ولسوالي کې یو ډلهییز قبر موندل شوی دی. د کندهار د والي وياند حاجې زيد نن پنجشنبه د لړم دولسمه سلاموطندار ته ویلي، دغه ډلهییز قبر چې د پنځو کسانو هډوکي پهکې پیدا شوي، د دامان ولسوالي د عليزو او بشر کلي کې د کېندنې پر مهال موندل شوی دی. خو د کندهار د والي ویاند ادعا کړې چې یاد کسان د مخکیني حکومت د نظامیانو لهخوا وژل شوي دي.
خوست کې ناپېژنده کسانو د دغه ولایت د اطلاعاتو او فرهنګ د رییس پنځه کلنه لمسۍ په مرموز ډول وژلې ده.
د خوست د اطلاعاتو او فرهنګ رییس شبیراحمد عثماني سلاموطندار ته تایید کړې چې لمسۍ یې درې ورځې وړاندې تښتول شوې وه او جسد یې بېګاه شپه موندل شوی دی.
د پېښې یوه عیني شاهد نذیر محمود د چاودنې په اړه سلاموطندار ته ویلي: «سهار پر یوه کاسټر چاودنه وشوه او چره یې زموږ پر ښیښه ولګېده. له کوټې دباندې وتښتېدو، ومو لیدل چې ډېر خلک ټپیان دي. په کاسټر کې شاوخوا ۲۵ تر ۳۰ کسانو پورې وو، څه باندې لس کسان خپله را ښکته شول، نور ټول خلکو را کوز کړل.»
نن د نوامبر دویمه د خبریالانو پر وړاندې د جرمونو د معافیت پای ته رسېدو له نړیوالې ورځې سره برابره ده. افغانستان کې د ملګروملتونو سیاسي استازولي یا «یوناما» اندېښنه ښودلې چې افغانستان کې رسنۍ له ګواښ سره مخ دي. یوناما د خبریالانو پر وړاندې د تاوتریخوالي د پای ته رسولو غوښتنه کړې او افغانستان کې یې له خبریالانو څخه پر دفاع ټینګار کړی دی.
د کابل د امنیې قومنداني ویاند خالد ځدراڼ سلاموطندار ته ویلي
چې نن چهارشنبه د لړم یوولسمه د کلیو او پراختیا وزارت د کارکوونکو پر موټر چاودنې د یاد وزارت اته کارکوونکي ټپیان کړي دي.
چاودنه نن سهار د کابل ښار د پنځمې امنیتي حوزې اړوند «کارته مامورین» سیمه کې رامنځته شوې ده.
افغانستان چې له څه باندې څلورو لسیزو راهیسې په کورنیو او له بهره پرې تپل شویو جګړو کې سوځي، میلیونونه وګړو ته یې په دغو جګړو کې مرګژوبله اوښتې یا هم پهکې معلول شوي دي. د جګړو ښکېلو لوریو ډېر جګړهيیز جنایتونه کړي، خو د سیاسي او نورو مصلحتونو له مخې یې عاملان د محکمې مېز ته نهدي را کش شوي.
د بهرنیو چارو وزارت سرپرست امیرخان متقي د دوشنبې ورځ په کابل کې د استخباراتو عمومي ریاست قطعاتو ته د یونیفورم وېشلو غونډه کې ویلي، هغه کسان چې له افغانستانه بهر سیاسي اېتلاف جوړوي، د غلامۍ زنځیر غاړه کې اچوي. متقي ویلي چې «د اسلامي امارت د نظام پیاوړتیا، د افغانستان ژغورنې یوازینۍ لاره ده.»
یوشمېر افغان ښځې نن دوشنبه د لړم نهمه د کابل ښار «شهرنو پارک» کې له دولتي ادارو او د کار بازار څخه د ښځو حذفولو په غبرګون کې اعتراض وکړ.
یادو معترضو مېرمنو چې د اعتراض پرمهال خپل تحصیلي سندونه نندارې اېښي وو، وویل چې له یوه کال راهیسې ورته د کار اجازه نه ده ورکړل شوې.
پاکستاني رسنیو نن دوشنبه د لړم نهمه راپور ورکړی چې د دغه هېواد په ګوجرانواله کې د صدف نعیم په نوم یوه خبریاله د لاریون پرمهال د عمرانخان د لارۍ موټر لاندې شوې او مړه شوې ده.
د افغانستان پر بیارغونې د امریکا د څار ځانګړې ادارې یا سیګار مشر ویلي، افغانستان کې د مسلکي پولیسو نه موجودیت لامل شوی چې له ښځو سره ناسم چلن وشي.
د دې ادارې رییس جان سوپکو ایټالیا کې یوې غونډې ته د وینا پر مهال، د اسلامي امارت غړي خپلسري بللي او هغوی یې له نجونو او ښځو سره پر نامسلکي چلن تورن کړي دي. بلهخوا یوشمېر افغانان هم شکایت کوي چې پولیس ورسره پر لویو لارو او ښار کې مسلکي چلن نه کوي.
د کابل په لوېدیځ د دشتبرچي سیمې یوشمېر اوسېدونکي وايي چې سرپرست حکومت دوی د خپلو کورونو د دروازو پر سر د امنیتي کمرو لګولو ته اړ کړي دي.
د دشتبرچي اوسېدونکی عبدالهادي امیني سلاموطندار ته وايي چې حکومت د یادې سیمې یوشمېر اوسېدونکي اړ کړي، څو د خپلو کورونو دروازو او ودانیو پر سر امنیتي کمرې فعالې کړي.
د اسلامي امارت سرپرست حکومت د ایران د شېراز شاهشجاع زیارت کې پر زیارت کوونکو د داعش ډلې برید په کلکو ټکو غندلی او هغه یې «وحشیانه» عمل بللی دی. نوموړي لیکلي: «متأسفانه چې تکفیري فتنه ګرو په افغانستان کې هم څو ځله بې ګناه خلک په نښه کړي، هغوی د اسلام او مسلمانانو دښمنان دي.»
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
