په تازهګۍ سره د ا.ا ویاند ذبېحالله مجاهد ویلي چې مشر یې هبتالله اخندزاده د قاضیانو په یوه غونډه کې هغوی ته سپارښتنه کړې چې ټولنه کې حد او قصاص جاري کړي. د اسلامي امارت د مشر له سپارښتنه وروسته د سترې محکمې مسوولانو وايي چې د دغه سپارښتنه بشپړ عمليکېدو ته چمتووالی لري.
د پروان مسوولان وايي چې د دغه ولایت د بګرام ولسوالي په اړوند سیمه کې یو کس وژل شوی دی.
د اسلامي امارت ویاند ذبېحالله مجاهد پر ټویټر لیکلي چې ځواکونو یې بېګاه د کابل ښار د پنځلسمې امنیتي حوزې اړوند په پنجصدفامیلیو کې د وسلهوالو یو پټنځای په نښه کړی و.
د کاپیسا امنیه قومانداني د دغه ولایت د کوهستان د دویمې برخې ولسوالي په اړوند سیمه کې د یوه ځوان د وژل کېدو خبر ورکوي.
د بهرنیو چارو وزارت د ویاند مرستیال ضیااحمد تکل پر خپله ټوېټرپاڼه لیکلي چې د بهرنیو چارو وزارت سرپرست امیرخان متقي کابل کې د پاکستان له سفیر عبیدالرحمن نظاماني سره کتلي دي.
امیرخان متقي په دې کتنه کې د پاکستان سفیر ته ویلي چې افغان کډوالو سره د دغه هېواد د پولیسو ناسم چلن د دواړو هېوادونو په زیان دی.
په همدې حال کې یوې بلې افغانې ماشومې هم په یوه ویډیو کې ویلي چې د پاکستاني پولیسو له لوري له کورنۍ سره یوځای بندي شوې او دوه میاشتې یې په بندخونه کې تېرې کړې دي. دا نجلۍ وايي چې پاکستاني پوځیانو لوټ کړي، جامې، پیسې او نور هرڅه یې ترې اخیستې دي.
کندوز کې محلي سرچینو سلاموطندار ته ویلي چې د محيالدین په نوم یوه ځوان په دغه ولایت کې ځان وژلی دی. دغه ځوان شل کلن و او جامې یې ګنډلې. د سرچینو په وینا، یاد ځوان نن د کندوز ښار د درېیمې امنیتي حوزې اړوند د «مال بازار څلورلارې» سره د جامو ګنډلو په دوکان کې یې ځان را ځړولی او وژلی دی.
بریټانیوي رسنیو راپور ورکړی چې افغانستان کې د دغه هېواد د ځوکونو د عملیاتو پر مهال ۶۴ افغان ماشومان وژل شوي دي.
د بيبيسي د انګلیسي څانګې د راپور پر بنسټ د بریټانیا حکومت افغانستان کې د وژل شویو ۶۴ ماشومانو کورنیو ته غرامت ورکړی، خو دغه هېواد د ۱۶ ماشومانو وژنه تایید کړې ده.
پخواني ولسمشر حامد کرزي پر خپلې فېسبوکپاڼې لیکلي چې افغانستان کې د ملګرو ملتونو د ځانګړې استازولې یا یوناما له مشرې روزا اوټونبایوا سره یې د پېژندګلوۍ لیدنه کړې ده.
د احصایې او معلوماتو ملي اداره وايي چې د بدخشان د واخان ولسوالي د پامیرونو سیمو اوسېدونکو ته یې د تابیعت پېژندپاڼې وېشلې دي.
د ریاستالوزرا اقتصادي معاونیت وايي چې افغانستان د روان ۱۴۰۱ کال په لومړیو اوو میاشتو کې د یو میلیارډ او ۸۵میلیونه ډالرو په ارزښت بهرنیو هېوادونو ته بېلابېل توکي صادر کړي دي.
د سرپُل محلي مسوولان وايي چې د دغه ولایت په مرکز کې ناپېژنده کسانو یوه ښځه وژلې ده. د سرپُل د امنیې قومنداني ویاند دینمحمد نظري سلاموطندار ته ویلي، دغه ښځه نن یکشنبه د لړم ۱۵مه د مرکز د ناحیهدشت اړوند خرابه کلي کې رامنځته شوې ده. نظري زیاته کړې، د یادې ۴۰کلنې مېرمنې جسد د جنايي جرمونو پر وړاندې د مبارزې مدیریت د پرسونل له لوري روغتون ته لېږدول شوی دی.
د سرپل د امنیې قومانداني ویاند دینمحمد نظري سلاموطندار ته ویلي چې ناپېژنده کسانو د صیاد ولسوالي د انګشکه سیمې اوسېدونکی محمدنعیم وژلی دی.
د تېرې پنجشنبې په ورځ داسې راپورونه خپاره شول چې د اسلامي امارت ځواکونو په کابل کې یوه معترضه ظریفه یعقوبي له څلور نورو هلکانو سره هغه مهال نیولې چې غوښتل یې په یوه خبري غونډه کې ګډون وکړي. سره له دې چې د هغوی له نیول کېدو درې ورځې تېرېږي، خو لا یې هم د وضعیت په اړه معلومات نشته.
د هرات امنیې قومانداني په یوه خبرپاڼه کې لیکلي چې په دغه ولایت کې یې د ښځو د پلور په تور دوه کسان نیولي دي.
د ایران ولسمشر سیدابراهیم رییس د امریکا د ولسمشر جو بایډن د ایران د ازادېدو په اړه خبرو پر وړاندې غبرګون ښودلی دی.
هغه نن جمعه په دغه هېواد کې د زدهکوونکي ورځې په مناسبت جوړې شوې غونډې ته د وینا پر مهال ویلي چې ایران ۴۳ کاله مخکې ازاد شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
