پخواني ولسمشر حامد کرزي پر خپلې فېسبوکپاڼې لیکلي چې افغانستان کې د ملګرو ملتونو د ځانګړې استازولې یا یوناما له مشرې روزا اوټونبایوا سره یې د پېژندګلوۍ لیدنه کړې ده.
هغه لیکلي چې په دې لیدنه کې یې افغانستان ته د هغې د راتګ له کبله نوموړې ته ښه راغلاست ویلی او په دې ستر مسوولیت کې یې د بریا هیله ورته کړې ده.
حامد کرزي زیاته کړې چې دواړو لوریو نه یوازې د افغانستان پر روان وضعیت خبرې کړي، بلکې د نجونو د منځنیو او لېسې دورې د ښوونځیو پرانېستل کېدو پر بېړنۍ اړتیا یې هم ټینګار کړی دی.
پخواني ولسمشر دغه راز ټینګار کړی چې ده او د یوناما مشرې افغانستان کې د تلپاتې سولې او ثبات راتلو لپاره په ملي کچه خبرې اترې اړینې بللې دي.
