کابل کې د یوه جومات ملا امام له مقتدي سره وژل شوی
د کابل د امنیې قومانداني ویاند خالد ځدران سلاموطندار ته تایید کړه چې ناپېژنده وسلهوالو د اتمې امنیتي حوزې اړوند په کارتهنو کې د حضرت ابوبکر صدیق جومات ملا امام قاري نجیبالله عزیزي وژلی دی.
د کابل د امنیې قومانداني ویاند خالد ځدران سلاموطندار ته تایید کړه چې ناپېژنده وسلهوالو د اتمې امنیتي حوزې اړوند په کارتهنو کې د حضرت ابوبکر صدیق جومات ملا امام قاري نجیبالله عزیزي وژلی دی.
د چارو ادارې په یوه ټویټ کې لیکلي چې د ا.ا رییسالوزرا محمدحسن اخوند پرون مازدیګر د ارګ په ګلخانې ماڼۍ کې د اسلامي همکاریو سازمان له پلاوي سره کتلي دي. نوموړي په دې لیدنه کې ویلي چې اسلامي امارت به د خپلې پالیسي له مخې، هېچا ته اجازه ور نهکړي چې له افغانستانه د نورو په چارو کې لاسوهنه وکړي یا یې هم له ګواښ سره مخامخ کړي.
د افغانستان اوسنیو ستونزو او ننګونو ته د حللارې موندلو په موخه د مسکو فارمټ غونډه نن د روسیې په پلازمېنې کې جوړه شوه. د راپورونو پر بنسټ، د روسیې، چین، پاکستان، ایران، هند، قرغېزستان، اوزبکستان، تاجکستان، قزاقستان او ترکمنستان استازو په دې غونډه کې ګډون کړی و او د قطر، متحده عربي اماراتو، سعودي عربستان او ترکیې استازي بیا د مېلمنو په توګه وربلل شوي وو.
فاریاب کې امنیتي سرچینې وايي چې په دغه ولایت کې یوه کس د ځمکې پر سر شخړه کې خپل پلار او کاکا وژلي او بل کاکا یې ټپي کړی دی.
د هرات استخباراتو د یوې خبرپاڼې په خپرولو سره ویلي چې د دغه ریاست ځواکونو یاد ولایت کې د عملیاتو پر مهال پنځه داعشیان وژلي دي.
د خپرې شوې خبرپاڼې له مخې، دغه عملیات بېګاه شپه د لړم ۲۴مه د هرات ښار په «ملاباباجي» سیمه کې د داعش ډلې د غړیو پر یوه پټنځای شوي دي.
د تخار اوسېدونکي وايي چې نن چهارشنبه د لړم ۲۵مه د دغه ولایت په مرکز تالقان ښار کې د اسلامي امارت د ځواکونو پر موټر ماین چاودنه شوې ده.
د پېښې عیني شاهدان وايي چې چاودنه د تالقان ښار د درېیم ګدام سرک سیمه کې د تخار د امنیې قومنداني د ځواکونو او د زندانیانو پر یوه موټر شوې.
په پکتیا کې یوه امنیتي سرچینه وايي، د اسلامي امارت ځواکونه او پاکستانۍ ملېشې نن مازدیګر شاوخوا څلورنیمې بجې د دغه ولایت په ډنډپټان ولسوالي کې د ډیورنډ فرضي کرښې په «خرلاڅي» دروازه کې سره نښتي دي.
له هغه وروسته چې د تېرې یکشنبې په ورځ کندهار کې د سپینبولدکـچمن پر دروازې د یوه ناڅرګنده وسلهوال کس له لوري پر پاکستاني ملېشو برید کې یو پاکستانی ووژل شو او څو نور ټپیان شول، د دواړو لوریو ترمنځ وسلهواله نښته هم وشوه او یاده لاره وتړل شوه.
د اسلامي امارت ځواکونو او پاکستانۍ ملېشو پرون غرمه د کندهار په سپینبولدک کې د ډیورنډ پر فرضي کرښې لګېدلې دروازې سره د لنډمهال لپاره جګړه وکړه.
د دې پېښې یوه عیني شاهد د نوم نه ښودلو په شرط سلاموطندار ته ویلي چې یوه کس د اسلامي امارت ځواکونو په جامه کې پر پاکستانۍ ملېشو برید وکړ.
په تازهګۍ سره د ا.ا ویاند ذبېحالله مجاهد ویلي چې مشر یې هبتالله اخندزاده د قاضیانو په یوه غونډه کې هغوی ته سپارښتنه کړې چې ټولنه کې حد او قصاص جاري کړي. د اسلامي امارت د مشر له سپارښتنه وروسته د سترې محکمې مسوولانو وايي چې د دغه سپارښتنه بشپړ عمليکېدو ته چمتووالی لري.
د پروان مسوولان وايي چې د دغه ولایت د بګرام ولسوالي په اړوند سیمه کې یو کس وژل شوی دی.
د اسلامي امارت ویاند ذبېحالله مجاهد پر ټویټر لیکلي چې ځواکونو یې بېګاه د کابل ښار د پنځلسمې امنیتي حوزې اړوند په پنجصدفامیلیو کې د وسلهوالو یو پټنځای په نښه کړی و.
د کاپیسا امنیه قومانداني د دغه ولایت د کوهستان د دویمې برخې ولسوالي په اړوند سیمه کې د یوه ځوان د وژل کېدو خبر ورکوي.
د بهرنیو چارو وزارت د ویاند مرستیال ضیااحمد تکل پر خپله ټوېټرپاڼه لیکلي چې د بهرنیو چارو وزارت سرپرست امیرخان متقي کابل کې د پاکستان له سفیر عبیدالرحمن نظاماني سره کتلي دي.
امیرخان متقي په دې کتنه کې د پاکستان سفیر ته ویلي چې افغان کډوالو سره د دغه هېواد د پولیسو ناسم چلن د دواړو هېوادونو په زیان دی.
په همدې حال کې یوې بلې افغانې ماشومې هم په یوه ویډیو کې ویلي چې د پاکستاني پولیسو له لوري له کورنۍ سره یوځای بندي شوې او دوه میاشتې یې په بندخونه کې تېرې کړې دي. دا نجلۍ وايي چې پاکستاني پوځیانو لوټ کړي، جامې، پیسې او نور هرڅه یې ترې اخیستې دي.
کندوز کې محلي سرچینو سلاموطندار ته ویلي چې د محيالدین په نوم یوه ځوان په دغه ولایت کې ځان وژلی دی. دغه ځوان شل کلن و او جامې یې ګنډلې. د سرچینو په وینا، یاد ځوان نن د کندوز ښار د درېیمې امنیتي حوزې اړوند د «مال بازار څلورلارې» سره د جامو ګنډلو په دوکان کې یې ځان را ځړولی او وژلی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون