د بهرنیو چارو وزارت د ویاند مرستیال ضیااحمد تکل پر خپله ټوېټرپاڼه لیکلي چې د بهرنیو چارو وزارت سرپرست امیرخان متقي کابل کې د پاکستان له سفیر عبیدالرحمن نظاماني سره کتلي دي.
امیرخان متقي په دې کتنه کې د پاکستان سفیر ته ویلي چې افغان کډوالو سره د دغه هېواد د پولیسو ناسم چلن د دواړو هېوادونو په زیان دی.
د یادونې وړ ده چې په دې وروستیو کې پر ټولنیزو رسنیو داسې ویډیوګانې خپرې شوې چې پهکې پاکستاني پولیس دغه هېواد کې افغان کډوالو سره ناسم چلن کوي.
سلاموطندار پر ټویټر هم وڅارئ
دغو ویډیوګانو د ګڼشمېر افغانانو او د بشر حقونو د ملاتړو بنسټونو پراخ غبرګونونه هم پارولي دي.
