د نیوزیلنډ او کوربه پاکستان د کرېکټ ملي لوبډلې نن پنجشنبه د اپرېل ۲۷مه د پنځو یو ورځنیو سیالیو لوبلړۍ پیلوي.
ټاکل شوې چې د پنځو یو ورځنیو سیالیو د لوبلړۍ لومړۍ یو ورځنۍ لوبه نن ۳:۰۰ بجې د پاکستان په راولپنډۍ لوبغالي کې پیل شي.
د بغلان امنیتي مسوولان وايي چې دغه ولایت کې یو کس د ناپېژنده وسلهوالو له لوري وژل شوی دی.
پېښه بېګاه شپه د دغه ولایت د تاله او برفک ولسوالي اړوند سیمه کې رامنځته شوې ده.
لغمان کې کروندګر وايي چې د نورو کلونو په پرتله یې سږ کال د «هوږې» په حاصلاتو کې د پام وړ زیاتوالی راغلی دی.
دغه کروندګر زیاتوي چې پخوا به یې په ډېره کمه اندازه هوږه کرله او د ګټېوټې تمه به یې ورڅخه نه وه، خو په وینا یې، سږکال یې د هوږې حاصلات له تېر سره په پرتله زیات شوي دي. یاد کروندګر له حکومت غوښتنه کوي چې د دوی محصولاتو ته مناسب بازار پیدا کړي.
د روسیې د بهرنیو چارو وزیر سرګي لاوروف په دوحه کې د افغانستان په اړه د ملګرو ملتونو د ځانګړې جوړېدونکې غونډې په اړه چې د اسلامي امارت د رسمیت پېژندلو په اړه به هم پهکې بحث وشي، د یوې خبري غونډې پر مهال وویل، تر هغه چې ټولګډونه حکومت نه وي جوړ شوی، روسیه به اسلامي امارت په رسمیت ونه پېژني.
د افغان–جاپان روغتون مسوولان په هېواد کې پر کورونا ناروغي د اخته کسانو د شمېر زیاتوالي خبر ورکوي او وايي، د کورونا روانه اتمه څپه د تېرو هغو په پرتله ګواښوونکې ده او پرې د اخته کسانو روغتیايي وضعیت هم د اندېښنې وړ دی. د مسوولانو په خبره، په دې څپه کې له نیمايي ډېر هغه کسان هم پر کورونا اخته شوي چې مخکې پرې اخته وو.
په فاریاب کې سرچینې وايي چې ناپېژنده وسلهوالو د سهشنبې په ماښام د دغه ولایت په مرکز میمنې ښار کې یو کس وژلی دی.
د بادغیس امنیتي مسوولان وايي، د هرات-میمنې پر لویه لاره د یوه لنډکروزر موټر د چپه کېدو پېښه کې د ماشومانو په ګډون، پنځه کسان مړه او نهه نور ټپیان شوي دي. صدیقي زیاتوي، یاد موټر هغه مهال له سړک نه اوښتی او چپه شوی چې له هرات نه د فاریب خوا ته روان و.
اسلامي امارت د ایران د بهرنیو چارو د وزیر حسین امیر عبداللهیان د هغو څرګندونو په غبرګون کې چې ویلي یې و، د هلمند سیند د ډېرو اوبو ترلاسه کولو لپاره له ټولو لاروچارو کار اخیستلی شو وايي، افغانستان د ۱۳۵۱ کال هوکړې ته ژمن دی، خو وروستیو وچکالیو دواړه لوري اغېزمن کړي دي.
د اطلاعاتو او کلتور وزارت ویاند عبدالمتین قانع وايي، د رسنیو په چارو کې د بېلابېلو حکومتي ادارو د لاسوهنې مخنیوي لپاره له امنیتي ادارو، د امر بالمعروف او نهې عنالمنکر او بهرنیو چارو وزارتونو سره هوکړهلیکونه لاسلیکوي. د هغه په خبره، ا.ا هېواد کې د رسنیز فعالیت ملاتړ ته ژمن دی او دغه وزارت د رسنیزو چارو د تنظیم یوازینی ادرس دی.
د روزګان زیاتره سیمې چې پسرلي کې په طبیعي ډول زرغونېږي، د دغه ولایت د اوسېدونکو لپاره د چکر مناسب ځایونه بلل کېږي.
خو د روزګان یوشمېر اوسېدونکي وايي، په دې وروستیو کې وچکالۍ د چکر او مېلو دغه طبیعي ځايونه په بشپړ ډول له منځه وړي دي. دوی غوښتنه کوي چې د چکر د یادو ځايونو د بیارغونې او زرغونتیا لپاره دې کوچني چېکډیمونه جوړ شي.
د غور د امنیې قومانداني د رسنیو څانګې په یوه خبرپاڼه کې ویلي چې یو اووه کلن ماشوم د دغه ولایت په مرکز کې د اوبو یوې ژورې څاه ته لوېدلی او مړ شوی دی.
د ا.ا یوشمېر مخالفې سیاسي څېرې د دویم ځل لپاره نن د اتریش ویانا کې ټول شوي او ټاکل شوې د افغانستان کورنیو مسایلو او د غونډې ګډونوالو ترمنځ د باور پیاوړي کولو پر سر بحث او خبرې وکړي.
دې غونډه کې چې د اتریش د یوه څېړنیز انستیتیوت له لوري جوړېږي، د مخکیني حکومت تر ۳۰ پورې مشران، سیاسي فعالان او دیپلوماتان ګډون کوي.
د کابل د اوومې او اتمې ناحیو اوسېدونکي دغه سیمه کې د کثافاتو له ډېروالي شکایت کوي او وايي چې کابل ښاروالي له یادو سیمو د کثافاتو لېږد او پاککارۍ برخه کې ناغېړي کوي.
د اوومې او اتمې ناحیو د اړوند سیمو اوسېدونکي سلاموطندار ته وايي چې کابل ښاروالي په میاشت کې یو ځل هم له یادې سیمې کثافت نه ټولي.
د اوسپنې ویلېکولو کارخونو د ټولنې مسوولان وايي چې کابل کې د ودانیزو چارو کمېدل لامل شوي چې د اوسپنې ویلېکولو کارخونې هېواد کې د فولادو د تولید کچه کمه کړي.
د اوسپنې ویلېکولو کارخونو د ټولنې اجرایي رییس عبدالنصیر رشتیا سلاموطندار ته وویل چې د فولادو کچې ټیټېدو سره به ګڼشمېر خلک خپلې دندې له لاسه ورکړي.
د هند کرېکټ غوره لیګ کې نن سنرایزر حیدراباد له ډیلي کپېټلز سره لوبه کوي. ټاکل شوې چې دغه سیالي نن ماښام ۶:۳۰ بجې د راجېف ګاندي نړیوال لوبغالي کې ترسره شي.
د پروان محلي مسوولان وايي چې د دغه ولایت په شیخ علي ولسوالي کې د یوې ټرافیکي پېښې له کبله شپږ کسان مړه شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
