د بهرنیو چارو وزارت په سوېډن کې د یوه جومات مخې ته د لوی اختر لمانځه پر مهال د یوه کس له لوري د «قران کریم» سوځول په کلکو ټکو غندلي دي.
د یاد وزارت ویاند عبدالقهار بلخي نن پنجشنبه د چنګاښ اتمه پر خپله ټوېټرپاڼه لیکلي چې دغه کړنه د اسلام دین او نږدې دوه میلیارډ مسلمانانو ته سپکاوی دی.
د فاریاب د مرکز میمنې ښاروالي وايي چې له یوې میاشتې راهیسې یې په دغه ښار کې د زړو او نامعیاري هټیو ورانولو او د ښاري نظم لپاره یې د بېرته رغولو چارې پیل کړې دي.
د کابل یوشمېر اوسېدونکي د اختر په درشل کې له امنیتي بنسټونو غواړي چې پلازمېنه کې د احتمالي امنیتي پېښو مخنیوي لپاره چمتووالي ډېر او د خلکو امنیت ټينګ کړي.
د کابل اوسېدونکی عبدالقدیر سلاموطندار ته وايي چې د اختر په شپو او ورځو کې ګڼشمېر خلک جوماتونو او تفریحي ځایونو ته ځي او په وینا یې، د چاودنې او غلاوو پېښو له امله وېره لري.
فاطمه چې خاوند یې مړ شوی او د خپلو شپږو یتیمو ماشومانو یوازینۍ سرپرسته ده، هره ورځ له سهار تر ماښامه د جوزجان مرکز شبرغان ښار په یوې څنډه کې د «پاپړو» په یوې کارخونه کې کار کوي.
د «۳۱۳ مرکزي» قولاردو مرستیال امینالله طیب سلاموطندار ته ویلي، د اختر شپو او ورځو کې د مرکزي زون په ځانګړې توګه د کابل امنیت خوندیتوب لپاره یې ۱۰زره سرتیري ګومارلي. د نوموړي په وینا، د کابل ښار په کچه «چکپواینټونه» ډېر شوي او د اختر پر مهال به ټول امنیتي منسوبین پر خپلو دندو حاضر وي.
د افغانستان د بندخونو چارو د تنظیم ادارې مسوولان وايي چې د داعشیانو په ګډون، هېڅ سیاسي بندي د دې ادارې په اړوندو بندخونو کې نشته.
د مسوولانو په خبره، واک ته د ا.ا له رسېدو وروسته په ټول هېواد کې له ۱۷ زره او ۶۰۰ ډېر بندیان لري چې شاوخوا ۵۵۰ هغه یې ښځې دي. مسوولان زیاتوي چې د ښځو ډېرې دوسیې د اخلاقي فساد او وژنو دي.
د صنعت او سوداګرۍ وزارت ویاند عبدالسلام جواد اخندزاده سلاموطندار ته وايي چې دغه طرحه به په لومړي پړاو کې د شپږو میاشتو لپاره په ازمایښتي توګه پلې او دې موده کې به یې د افغانستان پر کورني بازار د اغېزو تر ارزونې وروسته د دایمي پليکېدو په تړاو ګامونه واخیستل شي.
د لوی اختر په رارسېدو سره د کابل ښار یوشمېر اوسېدونکي وايي، د اقتصادي ستونزو له امله د جامو او د وچې مېوې پېرلو توان نهلري او د اختر ورځو لپاره یې هېڅ چمتوالی نه دی نیولی.
د کابل ښار د «قلعهفتح الله» اوسېدونکی صبور سلاموطندار ته وايي چې اقتصادي وضعیت یې کمزوری دی او له همدې امله راتلونکي لوی اختر لپاره د وچې مېوې اخیستو توان نهلري.
د غزني یوشمېر اوسېدونکي وايي، د دغه ولایت په روغتیايي مرکزونو کې د ښځینه ډاکټرانو او کارکوونکو کمښت له امله روغتیايي خدمتونو ته د ښځینه ناروغانو لاسرسی محدود شوی. د غزني د عامې روغتیا ریاست مسوولان وايي چې شمسالعارفین کلینیک د یاد ریاست تر څار لاندې نه دی او د افغاني سرې میاشتې ټولنې ریاست له لوري فعالیت کوي.
د بلخ د عامې روغتیا ریاست مسوولان وايي چې د دغه ولایت د دهدادي ولسوالي په «کود برق» سیمه کې یې یو ۵۰بستریز روغتون ګټې اخیستنې ته سپارلی دی.
د بلخ د عامې روغتیا رییس نجیبالله توانا وايي چې دغه روغتون د عامې روغتیا وزارت له لوري د ۱۰۹ میلیونه افغانیو په لګښت جوړ شوی دی.
د لوګر د ولایتي روغتون مسوولان وايي، د هوا په ګرمېدو سره دغه ولایت کې پر نسناستې ناروغي د اخته ناروغانو شمېر ډېر شوی دی.
دوی زیاتوي چې تېره یوه اوونۍ کې ولایتي روغتون ته ۲۰۰ ماشومان چې پر نسناستې ناروغي اخته وو، د درملنې لپاره یې مراجعه کړې ده.
د کابل یوشمېر اوسېدونکي او هټۍوال وايي چې له تېرو څو ورځو راهیسې په یوه شپه او ورځ کې څه باندې لس ساعته برښنا نهلري چې له امله یې له ګڼو ستونزو سره لاس او ګرېوان دي.
د عامي روغتيا وزارت مسوولان وايي چې د روان کال تر پایه به د هېواد په ۱۷ ولايتونو کې په وړیا توګه د سترګو ۴۲۰۰ عملیاتونه وکړي.
د یاد وزارت د سترګو درملنې د امريت امر اغامحمد توتاخېل دغه څرګندونې روزګان ته د سترګو درملنې يوه متخصص ټيم سره د سفر پر مهال کړي دي.
هېواد کې د یوشمېر رسنیو خبریالان او کارکوونکي وايي چې د دندو له لاسه ورکولو له امله اړ شوي چې د خپلې کورنۍ اړتیا پوره کولو لپاره درنو او نورو کارونو ته مخه کړي.
محمدحسن شېرزاد چې لس کاله یې په رسنیو کې کار کړی، وايي، د جمهوریت له پرځېدو او د دندې له لاسه ورکولو سره اړ شوی چې کابل ښار کې ټکسي وچلوي.
د ملګروملتونو د امنیت شورا غړیو هېوادونو پرون چهارشنبه د جون ۲۱مه د افغانستان وضعیت په اړه غونډه وکړه.
دې غونډه کې د افغانستان لپاره د ملګروملتونو د سرمنشي ځانګړې استازې روزا اوتنبايوا افغانستان کې د تېرو درېيو مياشتو پر مهال د يوناما موندنو په اړه راپور وړاندې کړ.
هرات کې د لوی اختر رانږدېکېدو په مناسبت د سوداګرو ښځو تولیداتو لپاره نن «پنجشنبه د سرطان لومړۍ» نندارتون پرانېستل شو چې د پنځو ورځو لپاره به دوام وکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
