د شهیدانو او معلولانو وزارت مرستیال عبدالحکیم حقاني وايي چې د هېواد په کچه یې د معلولانو او د شهیدانو کورنیو د غړیو د بایومټریک بهیربیا پیل کړی دی.
د شهیدانو او معلولانو په چارو کې د دولت وزارت مرستیال عبدالحکیم حقاني دغه څرګندونې نن چهارشنبه د غبرګولي ۲۴مه کابل کې یوې غونډې ته د وینا پرمهال وکړې.
د میدانوردګ د مرکز او یوشمېر ولسوالیو اوسېدونکو سلاموطندار ته وايي، له تېرو جګړو څخه پاتې خښ شوي ماینونه او ناچاوده توکي هره ورځ د دغه ولایت له اوسېدونکو په ځانګړې توګه له ماشومانو قرباني اخلي.
هلمند کې د «سباوون» ټلوېزیون مسوولان وايي چې له شاوخوا دوه کلن ځنډ وروسته یې خپل فعالیتونه بېرته پیل کړي دي.
د «سباوون» ټلوېزیون د نشراتو مسوول نبي اکمل وايي چې د اقتصادي ستونزو او جګړې له امله یې تېرو دوو کلونو کې خپل فعالیتونه ځنډولي وو.
د میدانوردګ ولایت مقام له لوري سلاموطندار ته په رالېږل شوې خبرپاڼه کې راغلي چې په دغه لیدنه کې چینایي پانګوالو ویلي چې د یاد ولایت په صنعتي پارک کې به د ۲۵۰زره امریکایي ډالرو په مالي لګښت د لوښو مېنځلو، سیمي جالیو او د ماشومانو لپاره د پمپرو تولید کارخونه جوړه کړي.
د افغاني سرې میاشتې ټولنې د عامه اړیکو رییس غلامحبیب حسن حسام نن سهشنبه د غبرګولي ۲۳مه کابل کې د یوې غونډې پرمهال وویل چې د ملک سلمان خیریه بنسټ افغانستان کې د البصر نړیوال بنسټ له لوري کابل او کندهار کې اړمنو ته د سترګو ناروغیو درملنې زمینه برابروي.
د خوړو او درملو ملي ادارې مسوولان وايي چې افغانان د خپلو ناروغیو د درملنې او درملو پېر لپاره هر کال یو میلیارډ ډالر مصرفوي.
د خوړو او درملو ملي ادارې مسوولانو دغه څرګندونې نن سهشنبه د غبرګولي ۲۳مه کابل کې د کورنیو درملو د تولیداتو نندارتون د پرانېستلو پر مهال کړي دي.
فاریاب کې یوشمېر کروندګر وايي چې د تېر ژمي پر مهال د ورښتونو کمښت له امله دغه ولایت کې وچکالي ډېره شوې او کښتونه یې د لهمنځه تلو ګواښ سره مخ دي.
د فاریاب یوه کروندګر حمیدالله سلاموطندار ته وايي چې ژوند یې پر کرنه او مالدارۍ ولاړ دی او سږکال یې د وچکالۍ په دلیل حاصلات سوځېدلي چې سخت یې اندېښمن کړي دي.
د هرات د کرنې، اوبو لګولو او مالدارۍ ریاست مسوولان وايي چې دغه ولایت کې وچکالۍ د للمي کښتونو پر حاصلاتو اغېز کړی دی.
د هرات د کرنې، اوبو لګولو او مالدارۍ ریاست سرپرست محمدنسیم سحر سلاموطندار ته ویلي چې روان کال د وچکالي له کبله دغه ولایت کې د للمي حاصلاتو کې ۸۰سلنه کموالی راغلی دی.
بلخ کې د کار نړیوال سازمان «ایاېلاو» له لوري نن د جون ۱۲مه د کارګرو ماشومانو د کار مخنیوي نړیواله ورځ ونمانځل شوه.
په یاده نمانځغونډه کې د کار نړیوال سازمان مسوولانو اندېښنه وښوده چې افغانستان کې تر یو میلیونه ماشومان پر درنو کارونو بوخت دي.
پاکستان او ایران کې یوشمېر افغان کډوال وايي چې د یادو هېوادونو د پولیسو له وېرې له خپلو کورونو نشي وتلی او له بېلابېلو اقتصادي ستونزو سره مخ دي.
دغه افغان کډوال شکایت کوي چې ورځنۍ چارې یې له دې امله ټکنۍ دي چې د پولیسو لهخوا د نیونې له وېرې له خپلو کورونو بهر نشي وتلی.
د پاکستان د بهرنیو چارو وزیر بلاول بوټو زرداري له الجزیرې ټلوېزیون سره مرکه کې ویلي چې په افغانستان کې د ا.ا د بیاواکمنېدو راهیسې پاکستان کې ترهګریز بریدونه زیات شوي دي.
که څه هم زرداري دغه هېواد کې د ترهګریزو بریدونو له ډېروالي اندېښنه څرګنده کړې، خو پر نړۍ یې غږ کړی چې سرپرست حکومت سره تعامل وکړي.
د خوست د کرنې، اوبو لګولو او مالدارۍ ریاست مسولان وايي چې، سږ کال د غنمو په حاصلاتو کې د تېر کال په پرتله ۲۰ سلنه زیاتوالی راغلی دی.
د یاد ریاست مسوولانو سلاموطندار ته ویلي، که څه هم سږ کال د مرکز ترڅنګ د یوشمېر ولسوالیو فصلونه د ږلۍ له کبله زیانمن شوي، خو بیا هم د غنمو حاصلات کې د پام وړ زیاتوالی راغلی دی.
د پاکستان د خېبر پښتونخوا ايالت اوسېدونکي وايي چې د تورخم له لارې له افغانستان څخه پاکستان ته د څارويو پر لېږد بنديز لګېدلی دی.
يوشمېر پاکستاني رسنيو نن يکشنبه د غبرګولي ۲۱مه راپور ورکړی چې د ګمرک چارواکو له څه مودې راهسې دغه هېواد ته له افغانستان څخه د لېږدېدونکو څارويو مخه نيولې او د لېږد اجازه نه ورکوي.
سحر رحیمي چې دوهویشت کلنه ده وايي، د اسلامي جمهوري نظام له سقوط مخکې یې د ملي راډيو ټلوېزیون په ګډون، په خاور او ستاره ټلوېزیونونو کې د خبريالې او د شهیدانو او معلولانو چارو وزارت کې هم د کارکوونکې په توګه کار کاوه او د کورنۍ لګښتونه به یې پرې پوره کول، خو وزګارتیا او بېوزلۍ اوس ژوند ور تریخ کړی دی.
د لوګر د کرنې اوبولګولو او مالدارۍ ریاست چارواکي وایي، د تېرې اوونۍ سېلابونو له امله په مرکز پلعلم کې ۶۰۰ جریبه کرنیز فصلونه لهمنځه تللي او کروندګرو ته ۵۳ میلیونه افغانۍ مالي زیان اوښتی دی.
د روغتیا نړیوال سازمان وايي چې افغانستان کې د پولیو ویروس د تشخیص په موخه د چاپېریال څارنې سېسټم پراخوي او دغه هېواد کې یې د یاد ویروس تشخیص لپاره ۳۷ مرکزونه جوړ کړي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
