د امریکا جګپوړو استخباراتي چارواکو پرون د دغه هېواد د سنا جرګې د وسلهوالو خدمتونو د کمېتې غونډې ته د افغانستان او اوکراین د حکومتونو د دوام په اړه خپل ناسم قضاوت تایید کړی دی.
دوی ویلي، باور یې درلود چې د امریکا ملاتړ څخه برخمن افغان حکومت کولای شي، د میاشتو لپاره د اسلامي امارت پر وړاندې مقاومت وکړي.
د لوګر د امنیه قومنداني مسوولانو نن پلعلم کې یوې خبري ناستې ته وویل، د اسلامي امارت امنیتي او کشفي ارګانونو د یاد ولایت پاسپورټ اداره کې د شوي فساد عاملان نیول شوي. د لوګر د والي مرستیال انعامالله صلاح الدین وویل چې د اسلامي امارت واک ته رسېدو سره سم په ټولو ادارو کې د فساد مخنیوي لپاره هڅې پیل شوي دي.
د پلټنې عالي ادارې چارواکو نن کابل کې د یوې خبري غونډې پرمهال په ۱۴۰۰مالي کال کې د خپلو فعالیتونو او لاستهراوړنو رپوټ له رسنیو سره شریک کړ.
کابل ښاریان د نړیوالو له لوري د مرستو د وېش پر څرنګوالي نیوکه کوي او وايي، دغه مرستې اړمنو کسانو ته نه رسېږي.
دوی وایي، بېوزلو سره کېدونکې مرستې واسطهلروونکو او خپله د امارت کارکونکو ته رسېږي.
کابل کې یوشمېر متقاعدین وایي، روان کال یې د تقاعد حقوق نهدي ورکړل شوي چې له امله یې ګڼو اقتصادي ستونزو سره مخ دي.
د بامیان ولایت د عدلیې ریاست یوشمېر کارکوونکي ادعا کوي چې د کوم دلیل پرته له دندو ګوښه کړای شوي دي او د هغوی پر
د جوزجان لسګونو دیني علماوو په هغه غونډه کې چې د دغه ولایت د علماوو شورا په ریاست کې د احتکار پر وړاندې د مبارزې لپاره جوړه شوې وه، وویل چې د احتکار مخه بايد ونيول شي. د هغوی په وینا، د دغه وضعیت د دوام او د لومړنیو توکو د پېر او پلور لپاره د ډالرو د راوړلو لامل مخه باید ونیول شي او هغه کسان چې له قوانینو څخه سرغړونه کوي باید مجازات شي.
یو شمېر بادغیسي ځوانان وايي، هغه بهرنۍ موسسې چې په دغه ولایت کې فعالیت کوي د ګومارنې په بهیر کې دوهګونی چلن کوي او د دغه ولایت د لوستو ځوانانو له وړتیاو څخه استفاده نه کوي.
د اسلامي امارت د چارو ادارې ویلي چې د بېګناه زندانیانو د خوشېکولو په اړه د اسلامي امارت د مشر هبتالله اخندزاده د فرمان پلي کولو په موخه د مرکز او ولایتونو ټولو بندخونو د څېړنې لپاره یو پلاوی ټاکل شوی دی.
۲۰۲۱میلادي کال ته د ډېرو افغانانو هیلې داوې چې د جمهوري نظام او اسلامي امارت ترمنځ به د سولې خبرې پایله ورکړي او په دې سره به ددواړو لورو ترمنځ جګړه پای ته ورسېږي او دیوې دایمې سولې لپاره به لاره هواره شي، خو دا هیله یوازې هیله پاتې شوه. تر ۱۸ میاشتو مذاکراتو وروسته افغان حکومت نه بلکې، امریکا د طالبانو سره یوې هوکړې ته ورسېدل.
د ژمي په پیل او هېواد کې د بېوزلۍ او لوږې پراختیا سره هممهاله، د بامیانو یوشمېر اوسېدونکي په دغه ولایت کې د خیریه موسسو د مرستو پر ناانډول وېش نیوکه کوي او په دغه بهیر کې له شته فساد څخه شکایت لري.
د مالیې وزارت اړوند د ګمرکونو او عوایدو معینیت مسوولانو نن د یوې خبري غوڼدې پر مهال وویل چې په تېرو ۷۸ ورځو کې یې د هېواد په کچه نږدې ۲۷ملیارده افغانۍ عواید راټول کړې دي. د ګمرکونو او عوایدو عمومی رییس ویلي، د اسلامي امارت د راتلو راهیسې یې په نږدې دوه نیمو میاشتو کې یې ۲۶ میلیارده او ۹۱۵ میلیونه افغانۍ راټولې کړې دي.
د افغانستان د اسلامي امارت د کورنیو چارو وزارت د یوې خبرپاڼې په خپرولو سره ویلي چې د پاسپورټ عمومي ریاست د کارکوونکو په ګډون د جعلي پاسپورټونو د جوړولو په تور یې ۶۰ کسان نیولي دي.
د افغانستان برښنا شرکت نن د هغو صنعتي شرکتونو، سوداګریز او ودانیزو ښارګوټو د برښنا پرېکولو بهیر پیل کړ چې له دغه شرکت څخه په میلیونونه افغانۍ پوروړي دي.
د پلټنې ادارې یوشمېر کارکوونکي وایي، د دغه بنسټ مشرتابه امر کړی چې د یادې ادارې ۵۹ کارکوونکي نورو خپلواکو دولتي ادارو ته تبدیل او د هغوی بستونه دې له منځه لاړ شي.
د هاګ نړیواله محکمه او د ملګرو ملتونو د بشر حقونو او د بیان ازادۍ رپوټر د افغانستان بانک او د طلوع نیوز خصوصي ټلویزیون د پخواني کارکوونکي یما سیاووش د وژنې قضیه څېړي. یما سیاووش د افغانستان بانک پخوانی کارکوونکی و چې تیرکال د یوه نښلونکي ماین چاودنې له امله چې د نوموړي په موټر کې ځای پر ځای کړای شوی و، ووژل شو.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
