د پلټنې عالي ادارې مسوولانو چې نن یې خپل کلنی راپور رسنیو ته وړاندې کاوه، وویل چې دغې ادارې د بېلابېلو سندونو، لکه د مالیې په ورکړه کې د ځنډ، ګمرکي محصولاتو، د مالیې لږ سنجول او بیو کې یې د توپیر په ارزولو سره ۲،۸ میلیارډه افغانۍ د دولت خزانې ته اچولي دي.
د شهیدانو او معلولانو چارو وزارت مالي او اداري رییس کلیمالله افغان نن کابل کې یوې خبري ناستې ته ویلي چې ګڼشمېر خیالي کورنیو د شهیدانو او معلولانو په نوم امتیاز ترلاسه کړي دي.
د روڼتیا نړیوال سازمان په خپور شوي تازه راپور کې افغانستان د نړۍ د ۱۸۰ هېوادونو له ډلې د نړۍ اووم فاسد هېواد بللی شوی دی.
د یاد سازمان په راپور کې ویل شوي چې افغانستان بشري حقونو څخه د ملاتړ، فساد سره د مبارزې او مدني ازادیو په برخه کې د ۱۶ امتیازونو په ترلاسه کولو سره په ۲۰۲۱ کال کې د نړۍ د فاسدو هېوادونو نوملړ کې ۷ ځای خپل کړی دی.
واک ته د اسلامي امارت تر بیارسېدو راپدېخوا هېواد کې د پاسپورټ د غوښتونکو کچه په بېمخینې توګه لوړه شوې، خو پاسپورټ ریاست کې د ظرفیت کمښت او د پاسپورټ د غوښتونکو لوړ شمېر، لامل شوی چې د پاسپورټ اخیستلو بهیر له خنډ سره مخ شي.
د پروان د ټولګټو ریاست مسوولان وايي چې د دغه ولایت په مرکز او شیخعلي ولسوالي کې د لوړ تُناژ تلو عواید ډېر شوي چې ډېری عواید یې د ډبرو سکرو د لېږد له لارې ترلاسه کېږي.
د بامیان محلي سرچینې سلام وطندار ته تاییدوي چې د دغه ولایت د پوهنې ریاست د تعلیمي څارنې غړی، بشر حیدري چې د دې ادارې د رییس اسلامالدین عثماني له خپلوانو څخه دی تېره شپه د دغه ولایت مرکز «دره سادات» سیمې اړوند «بام سرای» روغتیايي مرکز کې له یوې ځوانې جلۍ سره د زنا په تور بالفعل د اسلامي امارت د استخباراتو لهخوا نیول شوی دی.
په افغانستان کې د ملګرو ملتونو پراختیايي پروګرام د رسنیو برخې مسوولانو سلاموطندار ته ویلي چې یوه ډله خلک په ختیځو ولایتونو په ځانګړې توګه لغمان او کونړ کې د دغه بنسټ د یوې مخکینۍ پروژې له ټاپې/ مُهر څخه په استفادې خلک تېرباسي او پیسې ترې اخلي.
په روزګان کې د افغان نور موتکي شرکت د فعالیت په اړه د سلاموطندار د راپور له خپرېدو وروسته د دغه ولایت امنیتي چارواکو یاد شرکت وتاړه او مسوولان یې نیولې دي.
د روزګان ولایت یوشمېر ځوانان شکایت کوي او وایي چې په تېرو شلو کلونو کې په دغه ولایت کې هيڅ دولتي او خصوصي پوهنتون نه دیجوړ شوی.
د پاسپورټ یوشمېر غوښتونکو سلاموطندار ته ویلي چې د پاسپورټ اخیستلو لپاره تحویل کړې پیسې یې د بانک د مسوولانو شخصي جېبونو ته تللې دي.
وال سټریټ ژورنال ورځپاڼې په خپل تازه راپور کې ویلي چې یو شمېر پخواني افغان چارواکي په بهر کې د میلیونونه ډالرو په ارزښت کورونه جوړ کړي او له خپلو کورنیو سره یوځای ژوند کوي.
د پکتیا د مستوفیت مسوولان وایي چې د تېر کال په پرتله د دغه ولایت د مستوفیت عواید ۳۰ سلنه لوړ شوي چې یوازې په تېرو درېیو میاشتو کې یې شاوخوا ۳۰ میلیونه افغانۍ عواید راټول کړي دي.
په بامیان کې محلي سرچینو سلاموطندار ته وويل چې د دغه ولايت د پاسپورټ مدیر مولوي عتيقالله د اداري فساد او له دندې څخه د ناوړه استفادې په تور نيول شوى دى.
بامیان کې محلي سرچینې سلاموطندار ته وايي، د دغه ولایت د نشهيي توکو پر وړاندې د مبارزې رییس قاري عبدالفتاح تېره اوونۍ د بامیان د والي عبدالله سرحدي ساتونکو نیولی او له دندې ګوښه شوی دی. د بامیان د والي ویاند عبدالصبور فرزان سیغاني د یاد خبر د تایید ترڅنګ ویلي، عبدالفتاح په کاري چارو کې د سرغړونې په تور له دندې ګوښه کړل شوی دی.
د اداري اصلاحاتو او ملکي خدماتو ادارې نن د کډوالو او راستنیدوونکو، کار او ټولنیزو چارو او د لوړو زدهکړو وزارتونو او د تخنیکي او مسلکي ادارې سره د همکاریو پنځه هوکړهلیکونه لاسلیک کړل.
د غزني یوشمېر اوسېدونکي وایي چې د دغه ولایت په ځینو خصوصي روغتونونو او کلینیکونو کې د مسلکي ډاکټرانو پر ځای نامسلکي کسان په ډېر کم معاش کار کوي چې ډېری یې تراوسه د طبي پوهنتونونو او یا هم د انسټیټیونو زدهکړیالان دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
