د قزاقستان د صنعت او سوداګرۍ وزیر سلطانوف بخیت تورلیخانوویچ چې نن د یوه پلاوي په مشري کابل ته راغلي د یوې خبري غونډې پر مهال وویل چې دغه هېواد له افغانستان سره د صنعت، سوداګرۍ او زدهکړو په برخه کې همکارۍ ته لېواله دی.
د پلازمېنې اوسېدونکي په نړۍ کې د کورونا ویرووس د نوې خپرې شوې اومېکرون بڼې په اړه د اندېښنې په څرګندولو سره وايي، وېره شته چې دغه ویرووس به د کورونا د نورو خپرو شویو بڼو په څېر، له ګاونډیو هېوادونو افغانستان ته راولېږدول شي.
نورستان چې دوه کاله وړاندې د ملي پارک په نوم ونومول شو، مرکز پارون يې د ګوتو په شمېر هټۍ لري او اکثریت خلک یې درو او کلیو کې اوسېږي. له مرکز پارون ۴۰ کیلومتره لرې «کانتياو دره» کې چې د څارویو لپاره پراخ څړځایونه لري، ژوند په بشپړه توګه ساده او د خلکو لګښتونه له خپلې مالدارۍ دي.
کابل کې د پاسپورټ عمومي ریاست چارواکو نن ویلي چې دغه ریاست د مراجعینو پر مخ تړل شوی دی. د یاد ریاست د مطبوعاتو امر شفیعالله تسل خبریالانو ته ویلي چې تر بلې خبرتیا پورې دې د پاسپورټ اخیستونکي دغه ریاست ته نه ورځي او له ورتلو دې ډډه وکړي. د یاد ریاست د تړلکېدو لامل نه دی په ډاګه شوی.
د اسلامي امارت د بهرنیو چارو وزارت د مسلمانانو او د افغانستان د کنګل شویو زېرمو د ازادېدو په اړه د روسیې د ولسمشر ولادیمیر پوتین له وروستیو څرګندونو هرکلی کړی دی.
د اسلامي امارت د بهرنیو چارو وزارت ویاند عبدالقهار بلخي بېګاه شپه په خپل ټویټرپاڼه لیکلي چې اسلامي امارت د ولادیمیر پوتین د وروستیو څرګندونو درناوی او هرکلی کوي.
د افغانستان د اسلامي امارت د کورنیو چارو وزارت د پاسپورټ عمومي ریاست اعلان کړی چې د ګڼې ګوڼې او د خلکو د ستونزو د مخنیوي په خاطر له دې وروسته د پاسپورټونو د وېش لړۍ یوازې د انلاین فورمې له لارې ترسره کېږي.
ښایي کابل یوازینی پلازمېنه وي چې ترافیکي ګڼه ګوڼه پکې زیاته ده دغه راز، ترافیکي اشارو نهشتون، د کراچۍ او لاسپلورونکو بېنظمي هم د ښار زیاتره برخې یې ګډوډې کړي دي. کابل پر یو بېنظمه او بې قانونه ښار بدل شوی او دا بېنظمي او بېقانوني د پلازمېنې په واټونو کې په ښکاره توګه لېدل کېږي.
په وروستیو درېوو یعنې تلې، لړم او لیندۍ میاشتو کې د ځانوژنې د پښو په اړه د سلاموطندار موندنې ښيي چې د هېواد په ۹ولایتونو کې د ځانوژنې ۱۳ پېښې ثبت شوي دي. د یادو موندو پر بنسټ، دغه ځانوژنې د وزګارتیا، د روان ګونګ وضعیت او کورني تاوتریخوالي له امله شوي چې ډېری پکې ښځې دي.
والسټریټ ژورنال ورځپاڼې د راپور له مخې، ملګرو ملتونو د افغانستان د اقتصاد پر پښو درېدو لپاره ۸ میلیارده ډالر بودجه په پام کې نیولې ده. والسټریټ ژورنال دغه خبر د ملګرو ملتونو د سرمنشي ځانګړي استازي رامز الاکبروف او د افغانستان لپاره د بشري مرستو د همغږي کوونکي له قوله لیکلی دی.
د افغانستان د صنایعو او کانونو خونې رییس شېرباز کمینزاده نن په کابل کې یوې خبري ناستې ته وویل چې د اسلامي امارت له راتلو سره هممهاله تولیدي شرکتونه د خامو موادو له کمښت سره مخ دي.
د جوزجان امر بالمعروف او نهې عن المنکر رییس مولوي محمدياسين وقاص، پرون د دغه ولایت مرکز شبرغان ښار له هټیوالو او پلورنځیو څخه د لیدنې پر مهال وویل، د لوېدیځو هېوادونو د جامو پېر او پلور په هېواد کې د بهرني فرهنګونو د ترويج لامل کېږي او د اسلامي شريعت له ارزښتونو سره په ټکر کې دی.
د اسلامي امارت امنیتي چارواکي وايي چې نن غرمه یې د کابل پر پاسپورټ ریاست د برید مخه نیولې او برید کوونکی یې له موخې وړاندې وژلی دی.
د امریکا مالیې وزارت د سهشنبې پر ورځ په افغانستان کې له بېوزله او اړمنیو کسانو سره د لا ډېرو بشري مرستو د برابرولو په اړه درې عمومي جوازونه صادر کړل. د امریکا د مالیې وزارت د بهرنیو شتمنیو د کنټرول ادارې پرون د یوې ویناپاڼې په خپرولو سره ویلي چې پر افغانستان د اسلامي امارت له واکمنېدو وروسته، دغه هېواد له کړکېچ سره مخ شوی او اقتصاد یې سقوط کړی.
له بده مرغه، په دې وروستیو کې د دغې موسسې څلورو عادي او قراردادي کارکوونکو د ټولو قانوني او رسنیزو معیارونو خلاف او له موسسې بهر د یو څو شرغوښتونکو کسانو په هڅونې د یوې توطیې په طرحه کولو، د موسسې په دننه کې د نامسووله او نااړوندو کسانو په ښکېلولو، د وېرې او وحشت په جوړولو او د ځینو کسانو د ذهنونو په ګډوډولو سره غوښتل چې د موسسې ریاست او مشري ترلاسه کړي. دغو شرغوښتونکو کسانو له موسسې څخه بهر له مغرضو او دسیسهجوړوونکو کسانو سره په معاملې، په فېسبوک کې د بېبنسټه او دروغجنو تورونو په خپرولو سره د موسسې مشرتابه ته د سپکاوي او د دفتر د وسایلو یرغمل نیولو ته مخه کړه.
د افغانستان د کورنیو چارو وزارت د رویټرز خبري اژانس هغه راپور رد کړ چې ویلي و، ملګري ملتونه د افغانستان کورنیو چارو وزارت ته د دوی د تاسیساتو او کارکوونکو د امنیت ساتلو لپاره د ۶میلیونه ډالرو د ورکړې وړاندیز کړی دی.
د ملګرو ملتونو امنیت شورا د اسلامي امارت تر کنټرول لاندې، افغانستان ته د بشري مرستو رسولو د اسانتیا برابرولو لپاره یو پرېکړهلیک تصویب کړ. دا مرستې په افغانستان کې د لومړنیو بشري اړتیاوو د ملاتړ په موخه دي او د اسلامي امارت پر اړوندو بنسټونو د بندیزونو لرې کولو په معنی نه دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
