ټاکل شوې د پاکستان د ملي امنیت مشاور موید یوسف د یوه لوړپوړي پلاوي په مشري په یوه دوه ورځني سفر سبا «سهشنبه» کابل ته راشي. د پاکستان اکسپرېس ټربیون ورځپاڼې رپوټ ورکړی چې د دغه پلاوي د یاد سفر موخه په افغانستان کې د بشري وضعیت ارزونه او د افغانانو د اړتیاوو څېړنه ده.
د افغانستان د ژورنالیستانو ملي ټولنې نن په کابل کې د یوې خبري غونډې پر مهال اطلاعاتو ته د خبریالانو د لاسرسي وضعیت په اړه د خپلې تازه نظرپوښتنې موندنې له رسنیو سره شریکې کړې. د شوې نظرپوښتنې پربنسټ، تر ۹۰ سلنې زیات خبریالان اطلاعاتو ته لاسرسی نه لري.
د افغانستان بانک پرون په یوې خبرپاڼه کې ویلي وو چې د خصوصي بانکونو د صرافۍ خپلکاره یا «اېټياېم» ماشینونه فعال شوي او د بانکونو پېرېدونکي کولای شي چې له دغو چوپړتیاوو څخه ګټه واخلي، خو ځينو خصوصي بانکونو لا تراوسه دغه ماشینونه نه دي فعال کړي.
د کابل د بګرامیو ولسوالي اړوند سیمه کې نن له غرمې وړاندې د ماین چاودنې له امله یوه کوچنۍ نجلۍ وژل شوې او د اسلامي امارت څلور سرتیري پهکې ټپیان شوي دي. پېښه د بګرامیو ولسوالي اړوند ملالۍ څلور لارې ته څېرمه «شمشاد کوڅه» کې د اسلامي امارت د ځواکونو پر یوه رنجر موټر د سړک غاړې ماین له امله رامنځ ته شوې ده. عیني شاهدان بیا وايي، په دغه پېښه کې یوه کوچنۍ نجلۍ وژل شوې او یو بل کس ټپي شوی دی.
د اسلامي امارت د بهرنیو چارو وزارت چارسمبالي امیرخان متقي او ورسره مل پلاوي یې ترکمنستان ته د خپل سفر په ترڅ کې د دغه هېواد د لومړي وزیر له مرستیال او د بهرنیو چارو له وزیر رشید مرادوف او یوشمېر نورو لوړپوړو چارواکو سره لیدلي دي.
د اطلاعاتو او فرهنګ وزارت مرستیال او د اسلامي امارت ویاند ذبیحالله مجاهد ویلي چې پوهنې وزارت هڅه کوي، څو په نوي لمریز کال کې د نجونو ټول تړل شوي ښوونځي بېرته پرانیزي. نوموړي له اسوشیټډپرېس خبري اژانس سره په یوې مرکه کې ټينګار کړی چې اسلامي امارت هیلهمند دی، څو په نوي ښوونیز کال کې د نجونو ښوونځي بېرته پرانیزي.
په شمالي ولایتونو (سرپل، فاریاب، جوزجان او بلخ) کې د جګړې له امله یوشمېر بېځایه شوې کورنۍ چې په مزارشریف ښار کې په کمپ/یونټ کې ژوند کوي، سلاموطندار ته وایي چې د خوړو نهشتوالي، لوږې او بېوزلۍ او د بېلابېلو ناروغیو د خورېدو له امله اړ شوي چې خپل ماشومان او پښتورګي وپلوري، خو د ديني علماوو په منځګړیتوب او د يوې خيريه موسسې په مرسته یې مخه نیول شوې ده.
د هېواد پخواني ولسمشر حامد کرزي د عمران خان د وروستیو څرګندونو په غبرګون کې ویلي چې افغانستان په کافي اندازه مجرب او پر کار پوه داسې بشري ځواک لري چې په هېواد دننه او بهر یې په بېلابېلو برخو کې لوړې زدهکړې کړي، نو له همدې امله افغانستان هېڅ بهرني کاري ځواک ته اړتیا نه لري.
په پلخ ولایت کې د اسلامي امارت قوماندان مخدوم محمد عالم د نیولکېدو په تړاو د فاریاب ولایت د اوسېدونکو له دوه ورځني لاریون او اعتراض وروسته، د کرنې او مالدارۍ وزارت سرپرست، د هېواد په شمال کې د الفتح قول اردو د قوماندان او د جوزجان ولایت د والي او مسوولانو په ګډون د حکومت یو لوړپوړي پلاوي فاریاب ولایت ته سفر کړی چې په دغه ولایت کې رامنځته شوې ستونزې وڅېړي.
د اسلامي امارت د رییسالوزرا دویم مرستیال عبدالسلام حنفي نن په کابل کې د مالیې راټولولو اوونۍ څخه د نمانځنې په یوې غونډې کې وویل چې د راټولې شوې مالیې یوه افغانۍ به بېځایه نه لګول کېږي. نوموړي زیاته کړ چې مالیه باید په سیستماتیک ډول راټوله او ترې د هېواد په ابادۍ او د اړتیا پوره کولو په برخه کې ګټه واخیستل شي.
د پاکستان لومړي وزیر عمران خان د دغه هېواد چارواکو ته لارښوونه کړې چې په طبي، ټکنالوژۍ، حسابداري او مالي چارو کې روزل شوی کاري ځواک افغانستان ته واستوي. د پاکستان د لومړي وزیر دفتر د دغه کار موخه په افغانستان کې د بشري ناورین د پېښېدو مخنیوی بلل دی.
د افغانستان بانک اعلان کړی چې د بانکونو ټولنې او سوداګریزو بانکونو سره د خبرو پر دوام، ټاکل شوې چې د صرافۍ خپلکاره ماشینونه یا «اېټيام» له څو میاشتني ځنډ وروسته بیرته فعال شي.
د امریکا د بهرنیو چارو وزیر انتوني بلنکېن وايي، افغانستان ته د نړیوالو مرستو د لېږد په اړه پر داسې لارو چارو غور کوي چې له مخې یې، دغه مرستې په مستقیمه توګه افغانانو ته ورکړل شي او د اسلامي امارت تر مشري لاندې د حکومت لاس ته ونه لوېږي. نوموړي ویلي چې امریکا به له افغانانو سره خپلې مرستې جاري وساتي.
د پاکستان د کورنیو چارو وزیر شیخ رشید احمد وايي، د ډیورنډ کرښې په اوږدو کې به د اغزن تار غځولو پروژه د کابل په خوښه بشپړه شي. د پاکستان ډان ورځپاڼې ویلي چې د دغه هېواد د کورنیو چارو وزیر شېخ رشید احمد د جمعې په ورځ په یوه خبري غونډه کې افغانستان خپل ورور هېواد بللی او ویلي هیلهمندي ښودلی چې د اغزن تار غځولولو پروژه به د افغانستان په خوښه بشپړه ش
د بریټانيا پخواني لومړي وزير ګورډن براون د هغه هېواد له حکومت څخه غوښتي چې په افغانستان کې د “ژمې لوږې” د مخنيوي لپاره دې ځانګړې غونډه جوړه کړي.
د پاکستاني رسنیو د راپور له مخې، د هغه هېواد د روغتیا وزارت له افغانستان سره پر پوله د کورونا ویروس د نوي بڼې (اومیکرون) د خپرېدو د اندېښنې له امله روغتیايي تدابیر زیات کړي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
