د افغان دولت او طالبانو د مرکهچي پلاوو تماس ډلو له اوږد ځنډ وروسته پر اختلافي مواردو خبرې کړي. د افغان دولت د مرکهچي پلاوي غړي نادر نادري پر ټویټر ویلي، د تماس ډلو غونډه تېر ماښام شوې چې په کې پر اختلافي مواردو جدي خبرې شوي او هوکړه شوې چې دغه غونډې به دوام کوي.
د ولسمشر لومړی مرستیال امرالله صالح وايي، طالبانو ځکه پر خلکو خپل بریدونه ډېر کړي چې دغه ډله له روانو سیاسي او باندنیو تحولاتو خبر نه لري. صالح نن پر خپله فېسبوک پاڼه د یوه پیغام په خپرولو سره ویلي، طالبانو ملي اراده له پامه غورځولې او د سولې له پروسې د ناسم برداشت په لرلو سره یې خپل بریدونه ډېر کړي دي.
د الکټرونیکي تذکرو د انلاین فورمې د بهرنیو ژبو په لېست کې د فارسي ژبې ثبتولو نه وروسته د نیوکو په لړ کې، د احصايیې او معلوماتو ملي ادارې رييس جاوېد رسولي په دې اړه د سپیناوي ورکولو لپاره ولسي جرګې ته وغوښتل شو.
د کابل ښار اوسېدونکي ښار کې د ناامنیو او جنايي جرمونو له زیاتېدو اندېښنه ښيي او وايي، د وسلهوالو کسانو او غلو حضور لامل شوی، ترڅو دوی ونهشي کولی د ښار په کچه په ډاډه زړه تګ راتګ وکړي. د هغوی په وینا، کابل ښار کې د خلکو سر او مال خوندي نه دی.
ولسي جرګې نن دو شنبه د رایو په غوڅ اکثریت د هغو ادارو لغو کېدل تصویب کړل چې د ولسمشر د تقنیني فرمان له مخې جوړې شوې وې. دغه پرېکړه وروسته له هغه کېږي چې د ولسي جرګې یو شمېر غړیو د تېرې چهارشنبې ورځې په عمومي غونډه کې د ملي امنیت شورا او د چارو ادارې په څېر هغو ادارو د لغو کېدو غوښتنه وکړه چې وايي په ناقانونه ډول جوړې شوې دي.
په کابل کې سلګونو کسانو د پاکستان د ويزو ترلاسه کولو لپاره د دوی سفارت مخکې اعتراض وکړ او ويې غوښتل چې دوی ته ويزې ورکړي. معترضانو د پاکستان د ويزو د ورکړې چې په ځنډ سره ورکول کېږي شکايت وکړ او ويې ويل، ډېرې ورځې په تمه کېږي چې د پاکستان ويزه ترلاسه کړي؛ خو نه بريالي کېږي.
د پکتيا د مرکز ګردېز اړوند د تېرې په سيمه کې يو شمېر ځوانانو، مشرانو او د ښوونځيو زده کوونکيو د حکومت پر مرکزي او سيمهييزې ادارې اعتراض وکړ چې د ۱۰۳ ښوونځيو جوړېدو چارې چې تېر کال پيل شوې وې، په ټپه درېدلي او د جوړېدو بيا پيل لپاره يې هېڅ هم نه دي کړي.
دا پېښه نن سهار د کندوز ښار «شورابي» سيمه کې شوې ده. د يادې کورنۍ نږدې خپلوان سلاموطندار ته وايي، د يادې مرمۍ د لګېدو له کبله د ۲ ماشومانو، يوې مېرمن او يوه هلک په ګډون په کې ۴ کسان وژل شوي دي. د دوی په وينا، د هاوان ياده مرمۍ د امنيتي ځواکونو او طالبانو ترمنځ د نښتې له کبله پر يوه هستوګنيز کور لګېدلې ده.
د هلمند د والي ویاند عمر ځواک وايي، طالبانو د هلمند ـ کندهار «دوهلارې» سیمه کې د دواړو ولایتونو لپاره د برېښنا پر لوی سبسټېشن برید کړی چې تخنیکي توکي يې ځان سره وړي، ځینې يې تخریب کړي او د دې سبسټېشن د ساتونکيو ترڅنګ يې دوه انجینران هم ځان سره بيولي دي.
کندوز کې د فیصلپه نوم د وريجو د پروسس يوې فابريکې چې څو کاله وړاندې يې د جګړو له کبله فعاليت بند شوی و، يو ځل بيا خپل فعاليت پيل کړ. پر دې فابريکې ۵ ميليونه او ۷۰۰ زره امريکايي ډالره پانګهونه شوې ده.
سرچينې وايي، طالبانو د هلمندـکندهار پر لويه لاره د امنيتي ځواکونو پر يو شمېر پوستو بريدونه کړي او هغه يې نيولې دي. خو د هلمند د والي وياند عمر ځواک وايي، امنيتي ځواکونو له ځينو پوستو تکتيکي شاتګ کړی او د بېرته نيولو لپاره يې عمليات پيل شوي دي.
نوې ځواني د هر چا لپاره له ننګونو ډکه دوره ده خو دغه دوره د نجونو لپاره د هلکانو په پرتله له ستونزو ډېره ډکه وي، ځکه نجونې د هلکانو په پرتله ډېرې زیانمنېدای شي. سره له دې چې نجونې د تنکۍ ځوانۍ پرمهال د کورنیو او ټولنې ډېرې پاملرنې ته اړتیا لري؛ خو برعکس له تبعیض او تاوتریخوالي سره مخ کېږي.
د کندهار د کرنې، اوبو لګولو او مالدارۍ رييس حفیظ الله سیدي سلاموطندار ته وايي، دغه ولایت کې د کبانو د روزنې تر ۱۶۰۰زیات فارمونه دي چې هر کال کې ورنه ۸۰۰۰ مټریک ټنه غوښه ترلاسه کېږي. سیدي وویل، د کبانو دغه غوښه پر کندهار سربېره هلمند، زابل، روزګان، کابل او نورو ولایتونو ته هم لېږل کېږي.
د جوزجان ولایت د اقچې او مردیان ولسوالیو اوسېدونکي سلاموطندار سره خبرو کې شکایت کوي چې طالبانو د خپلې نفوذي ساحې په پراخولو سره د دغو ولسوالیو له خلکو جبري اخاذي کوي. د سیمې خلک وايي، وسلهوال طالبان له خلکو په زور نغدې پیسې اخلي او دغه کار لامل شوی چې د سیمې بېوزله خلکو ژوند نور هم تریخ شي.
د افغانستان د بشر د حقونو خپلواک کميسيون د يوه څېړنيز راپور په خپرولو سره د «نسايي اجباري معايناتو»
په اړه ويلي دي چې له ۱۲۹ مېرمنو چې دوی ترې پوښتنې کړي يوازې يوې يې ويلي چې د دې د بکارت معاينات د صلاحيت لرونکې محکمې د حکم پر بنسټ شوي دي. د دې څېړنې موندنې ښيي چې ۹۲.۳ سلنه معاينات د ښځې او صلاحيت لرونکې محکمې له حکم پرته تر سره شوي دي. ۹ نورو مېرمنو بيا ويلي چي د خپل رضايت له مخې په داوطلبانه توګه دغو معايناتو ته حاضرې شوې دي. دوی ويلي چې په داوطلبانه توګه د عدلي طب د منلو دليل يې له هغه تورونو خلاصون و چې په دوی باندې په ناروا توګه لګول شوي وو.
۲۵ کلن امیرداد چې د غور ولايت اوسېدونکی دی او یو کال وړاندې د فقر او بېکارۍ له کبله د خپلې کورنۍ دوو نورو غړيو سره ایران ته روان شوی؛ خو له دې بېخبره چې مرګ ورته په تمه دی.
امیرداد وايي، سره له دې چې د ډېرو ستونزو په زغملو یې څلور ځلې ایران ته نامنظمه کډوالي کړې؛ خو تېر کال د ایران سیستان بلوچستان ولایت کې خونړۍ ټرافیکي پېښې سره مخ شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
