د مالیې وزارت نن په یوه خبرپاڼه کې لیکلي چې د ۱۴۰۱ مالي کال په یوولس میاشتو کې یې له ګمرکونو ۱۰۰ میلیارډه افغانۍ عواید را ټول کړي دي.
د دغه وزارت په وینا، دا پیسې د افغانستان د ګمرکونو په تاریخ کې بېمخینه دي.
یوشمېر کابل ښاریان ګیله کوي چې بشري مرستې ورته نه رسېږي او پهکار ده چې د دغو مرستو پر ځای، دوی ته د کار اسانتیاوې برابرې شي. د کابل اوسېدونکی نثاراحمد سلاموطندار ته ویلي چې له دوو کلونو راهیسې له وزګارتیا کړېږي او بشري مرستې هم ورته نهدي رسېدلي.
بغلان کې یوې سوداګرې مېرمنې د دغه ولایت په مرکز پلخمري ښار کې هوټل جوړ کړی او له زدهکړو پاتې ۱۰ نجونو ته یې د کار اسانتیاوې برابرې کړې دي.
د مونیخ امنیتي غونډه چې د څلوېښتو هېوادونو ولسمشرانو او د بهرنیو چارو ۹۰ وزیرانو پهکې ګډون کړی، د افغانستان سیاسي وضعیت او د ښځو حقونه یې د بحث مهم موضوعات بلل کېږي. د دې غونډې د ګډونوالو له ډلې د ۱۰ هېوادونو د بهرنیو چارو وزیرانو پر افغان نجونو او ښځو د اسلامي امارت لګېدلي محدودیتونه غندلي دي.
د بادغیس محلي مسوولان وايي چې یوه ځوان د سلواغې په ۲۹مه، د شنبې په مازدیګر د دغه ولایت د قادس ولسوالي په «قادس خوردک» سیمه کې په تېروتنې ډز کړی او مور یې وژلې ده.
د لوګر ولایت د ملي المپيک ادارې چارواکي وایي، د دغه ولایت په مرکز پلعلم ښار کې د هېواد په کچه د اته ولایتونو ترمنځ د کبډي څلورورځنۍ سیالۍ وشوې.
د نوموړي په وینا، په دغو سیالیو کې د لوګر، پکتیا، خوست، میدان وردګ، هرات، غور او فراه ولایتونو د کبډي لوبغاړیو برخه اخیستې وه.
د کابل د امنیې قومانداني ویاند خالد ځدران وايي چې د ولسي جرګې پخوانۍ غړې مرسل نبيزاده او ساتونکی یې اسماعیل د هغې د بل ساتونکي له لوري وژل شوي دي.
بدخشان کې محلي سرچینو سلاموطندار ته ویلي چې بېګاه شاوخوا ۱۰:۴۷ دقیقې زلزلې د دغه ولایت مرکز فیضاباد ښار او یوشمېر ولسوالۍ لړزولې دي.
د افغانستان د ازادو رسنیو د ملاتړ ټولنې یا نی د سلواغې په ۲۷مه، د پنجشنبې ورځ په یوه خبرپاڼه کې لیکلي چې په وروستۍ یوه میاشت کې د خبریالانو د نیول کېدو او ځورونې پېښو زیاتوالي د دوی اندېښنې را پورته کړې دي.
فاریاب کې محلي سرچینې وايي چې دغه ولایت کې د یوې ټرافیکي پېښې له کبله درې ځوانان مړه شوي دي.
د سرچینو په وینا، دا پېښه د سلواغې په ۲۷مه، د پنجشنبې په ماښام د فاریاب-جوزجان پر لویې لارې شوې ده.
د ملګرو ملتونو د بشري مرستو د همغږۍ دفتر یا اوچا ویلي، شپږ میلیونه افغانان خوړو ته د نه لاسرسي له کبله سختې شپې او ورځې تېروي.
کابل کې یو کارګر وحیدالله وايي، بېوزلي او وزګارتیا یې لامل شوي چې خپلې کورنۍ ته د اړتیا وړ خوړو په موندلو کې پاتې راشي.
د سرپل د صیاد ولسوالي د امنیې قوماندان اسدالله عمري وايي چې د دې ولسوالي په «انګشکه عربیه» سیمه کې د ساجدې په نوم یوې ښځې ځان څاه ته غورځولی او وژلی دی. دا ښځه ۲۲ کلنه وه.
د سرپل د امنیې قومانداني ویاند دینمحمد نظري سلاموطندار ته ویلي چې د دغه ولایت د سوزمهکلا ولسوالي د جرمنکلا سیمې اوسېدونکي صدرالدین خپله کوژدنه او د هغې مور په چاکو وهلي او وژلي دي.
د نوموړي په وینا، دا پېښه د سرپل د سانچارک ولسوالي په فرشقان سیمه کې شوې ده.
نړیوالو رسنیو راپور ورکړی چې په ترکیه او سوریه کې د خونړۍ زلزلې له کبله د مړو شویو کسانو شمېر له ۴۱۰۰۰ نه اوښتی دی.
د ا.ا د استخباراتو عمومي ریاست پر ټویټر لیکلي چې کابل ښار کې یې درې داعشیان وژلي دي.
دغه ریاست لیکلي چې ځانګړو ځواکونو یې د سلواعې په ۲۴مه، د دوشنبې ماښام د کابل ښار د اتمې امنیتي حوزې اړوند په کارتهنو سیمه کې د داعش ډلې پر یوه پټنځای پېچلي عملیات وکړل.
د لوګر ولايت د امنیې قومانداني چارواکي وايي، تېره شپه د دغه ولایت په برهکي برک ولسوالي کې يوه ۲۵ کلنه مېرمن په مرموز ډول وژل شوې ده.
