فاریاب کې محلي سرچینې وايي چې دغه ولایت کې د یوې ټرافیکي پېښې له کبله درې ځوانان مړه شوي دي.
د سرچینو په وینا، دا پېښه د سلواغې په ۲۷مه، د پنجشنبې په ماښام د فاریاب-جوزجان پر لویې لارې شوې ده.
سرچینې وايي، د فاریاب شپږ اوسېدونکي چې ټول ځوانان وو، په یوه «رونیکس» موټر کې سپاره دي، خو موټر یې له سړک څخه اوښتی او چپه شوی دی.
سرچینې زیاتوي چې دې پېښه کې درې ځوانان مړه او درې نور ټپیان شوي دي.
د سلاموطندار پښتو فېسبوکپاڼه وڅارئ
د دې ټرافیکي پېښې لامل د موټرچلوونکي بېغوري او نه پام بلل شوی دی.
د فاریاب محلي مسوولانو تر اوسه په دې اړه څه نهدي ویلي.
