د ملي پراختیا شرکت او افغان ملي بانک د یکشنبې په ورځ له دوو کلونو ځنډ وروسته د کابل ښار په دهمزنګ کې د افغان ملي ماڼۍ د بیارغولو پاتې چارې پیل کړې.
د دې پروژې مسوولان وايي، د افغان ملي ماڼۍ د جوړولو پروژې ۳۷ سلنه چارې دوه کاله وړاندې بشپړې شوي او ټاکل شوې چې څه باندې ۶۰ سلنه چارې یې تر دې وروسته بشپړې شي.
د هلمند د امنیې قومانداني ویاند عزتالله حقا.ني سلاموطندار ته ویلي چې د امنیې قومانداني د نشهيي توکو پر وړاندې د مبارزې مدیریت امنیتي ځواکونو د دغه ولایت په مرکز او بېلابېلو ولسوالیو کې څه باندې ۶۲۶ زره کیلوګرامه نشهيي توکي نیولي وو او نن یې سوځولي دي.
د بادغیس محلي سرچینې وايي چې د دغه ولایت په ابکمري ولسوالي کې د سپرلۍ موټر یوې درې ته لوېدلی چې له کبله یې شپږ کسان مړه او اووه نور ټپیان شوي دي.
د زابل امنیتي مسوولان وايي چې د دغه ولایت په شهرصفا ولسوالي کې یو ۴۰۴ ډوله موټر چپه شوی او له کبله یې ۱۹ کسانو ته مرګژوبله اوښتې ده.
د مکسیکو چارواکو خبر ورکړی چې د دغه هېواد په یوه تفریحي سیمه کې د ویجاړوونکي توپان د قربانیانو شمېر ۳۹ کسانو ته رسېدلی دی.
رویټرز خبري اژانس نن (د اکټوبر ۲۹مه، د یکشنبې ورځ) خبر ورکړی چې د مکسیکو د اکاپولکو توپان په قربانیانو کې ۲۹ نارینه او ۱۰ ښځې شاملې دي.
د سوداګرۍ او صنایعو وزارت پر خپلې اېکسپاڼې لیکلي چې یو اوزبکستانی پلاوی نن سهار (د لړم اوومه، د یکشنبې ورځ) کابل ته راغلی دی. د خبرپاڼې پر بنسټ، د اوزبکستان د لومړي وزیر مرستیال جمشېد خواجهبوف د دغه پلاوي مشري کوي او د یاد هېواد د سوداګرۍ او کانونو او ټرانسپورټ وزارتونو وزیران، خپلواک رییسان او سوداګر په دغه شاوخوا ۴۵ کسیز پلاوي کې شامل دي.
د دایکندي د اشترلي ولسوالي د جنګان کلان سیمې اوسېدونکو د یوه ښوونځي د بنسټ ډبره چې دوهنیم میلیونه افغانۍ لګښت پرې راځي او لګښت یې هم خلک ورکوي، ايښې ده. د دایکندي د پوهنې رییس عنایتالله سهار په دې اړه خوښي ښودلې او ویلي یې دي چې په جوړېدو سره به یې ۶۳۵ زدهکوونکو ته اسانتیاوې برابرې شي.
د پنجشېر د کانونو او پټرولیم رییس محمدقاسم امیري سلاموطندار ته ویلي چې د لړم په دویمه، د سهشنبې ورځ یې «۳۳۳۱.۷۵» جعبې تازه را اېستل شوي زمرد د داوطلبۍ له لارې په ۸۲۷ زره او ۲۰۰ امریکايي ډالرو ملي سوداګرو ته ورکړي دي.
د ملګرو ملتونو سرمنشي انټونیو ګوټرېش د فلسطین او اسراییلو او همدارنګه د اوکراین او روسیې ترمنځ د سختو جګړو له دوام سره هممهاله د دغه سازمان د جوړېدو ۷۸یمې کلیزې په مناسبت پر خپلې اېکسپاڼې لیکلي چې د نړۍ هېوادونه دې سره یو موټی شي.
د افغانستان د کرېکټ ملي لوبډلې نن د نړیوال کپ په پنځوساوریزو لوبو کې پاکستان ته تاریخي ماته ورکړه.
په دې سیالي کې پاکستان پچه وګټله او لومړی یې د توپوهنې پرېکړه وکړه چې په ټاکلو پنځوس اورونو کې یې د اوو لوبغاړیو په سوځېدو سره ۲۸۲ منډې وکړې او افغانستان ته یې د ۲۸۳ منډو هدف وټاکه.
یوشمېر متقاعدان چې کابل کې د مالیې وزارت د متقاعدو د معاشونو ورکړې ریاست مخې ته راټول شوي وو، شکایت کاوه چې اسلامي امارت یې له تېرو دوو کلونو راهیسې د تقاعد حقوق نهدي ورکړي چې له کبله یې بېلابېلو ستونزو سره لاس او ګرېوان دي. د دوی په وینا، لسګونه کاله یې د بېلابېلو حکومتونو پر مهال په ملکي او نظامي برخو کې خدمت کړی، خو اوس پر کور کېنول شوي او اسلامي امارت یې هم د تقاعد حقوق نه ورکوي.
د هرات ګڼشمېر اوسېدونکي په دغه ولایت کې د پرلهپسې زلزلو له امله بېځایه شوي او په ناوړه وضعیت کې ژوند کوي. د خوړو نړیوال پروګرام مسوولان خبر ورکوي چې له دغو پرلهپسې زلزلو وروسته په افغانستان کې بشري وضعیت ډېر ترینګلی شوی دی.
د کورنیو چارو وزارت ویاند عبدالمتین قانع نن د یوې خبري غونډې پر مهال د دغه وزارت د امنیتي وضعیت او د امنیت ټینګ په برخه کې د مسوولانو د اجرااتو په اړه تازه جزیات له رسنیو سره شریک کړل.
د فلسطین او اسراییلو ترمنځ روانې جګړې د پنځلسو ورځو په پوره کېدو سره مصر (د تلې په ۲۹مه، د شنبې ورځ) «د قاهرې د سولې غونډې» په نوم د یوې نړیوالې غونډې چې ۳۱ هېوادونو او درېوو نړیوالو سازمانونو پهکې برخه اخیستې وه، کوربه و.
د ۲۰۲۱ کال د اګېسټ میاشتې په پنځلسمه نه یوازې په افغانستان کې سیاسي نظام ړنګ شو، بلکې اداري جوړښت او د حکومتولۍ ډول هم ورسره له منځه ولاړ.
له هغه وروسته چې د افغانستان اوسني سرپرست حکومت د واک واګې په لاس کې واخیستې، ځینې نوې ادارې یې جوړې، خو ځینې پخوانۍ هغه یې منحل کړې.
د هرات ډېری اوسېدونکی له دوو اوونیو راهیسې په دغه ولایت کې د پرلهپسې زلزلو له کبله وېرېدلي او د واټونو پر سر شپې او ورځې تېروي. دوی وايي، پر واټونو ازاده فضا کې ژوند کوي او ان لنډمهالې سرپناه ته هم لاسرسی نه لري.
