د جوزجان د طبیعي پېښو پر وړاندې د مبارزې رییس سراجالدین سراجي سلاموطندار ته ویلي چې د حبیبالله په نوم یو شپږکلن ماشوم د شبرغان ښار په سیند کې ډوب شوی دی.
د سلاموطندار پښتو فېسبوکپاڼه وڅارئ
هغه وايي، یاد ماشوم لومړی پر واورې ښویېدلی، بیا سیند ته غورځېدلی دی.
سراجي زیاتوي چې د امنیې قومانداني، اطفایې، د اطلاعاتو او کلتور ریاست، د افغان ګاز تصدي او د سیمې اوسېدونکو چې یو «سکواټور» هم ورسره و، له ډېرو هڅو سره سره نهدي توانېدلي چې یاد ماشوم وژغوري.
د نوموړي په وینا، نن هم د یاد ماشوم د موندنې او ژغورنې لپاره هڅې روانې دي او په دغه سیند د پرتو ځمکو ټولو کروندګرو ته دنده سپارل شوې چې د دغه ماشوم په موندلو کې همکاري وکړي.
