Asset 1SWN

تخار کې طالبانو ښوونځي ته د نجونو د تګ مخه نیولې

images-3-p3m7o9cdgjbzsnf9blsp2dp96pxmavo7uhw1w9bdt8

د تخار د پوهنې ریاست مسوولانو سلام‌وطندار ته ویلي چې طالبانو په دغه ولایت کې ښوونځي ته د نجونو د تګ مخه نیولې ده. د دوی په وینا، د طالب ډلې وسله‌والو د تخار په «قلبرس» او «چایله» سیمو کې نجونو ته د ښوونځي د تګ اجازه نه ورکوي.

د تخار د پوهنې ریاست د مسوولانو په خبره، که څه هم یادې ډلې نن سهار د سیمې د خلکو په منځګړتوب د تالقان ښار په «قلبرس» سیمه کې اجازه ورکړې چې نجونې ښوونځي ته ولاړې شي، خو دا ستونزه د بهارک ولسوالي په «چایله» سیمه کې لا پر خپل ځای ده.

د راپورونو له مخې، طالبان په هغو سیمو کې چې د دوی تر واک لاندې دي، نجونو ته له شپږم نه په لوړو ټولګیو کې د زده‌کړو اجازه نه ورکوي.

طالب ډلې تر اوسه په دې اړه څه نه دي ویلي.

دا په داسې حال کې ده چې اوس له اوږده ځنډ وروسته چې د کورونا له کبله د ښوونځیو په زده‌کړو او ازموینو کې راغلی و، د زده‌کوونکو ازموینې پیل شوې دي.

مرتبط با این خبر:

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام