په لغمان کې ولسي سرچينې وايي چې بېګاه شپه د دغه ولایت په قرغیو ولسوالي کې ناپېژنده وسلهوالو د يوې کورنۍ دوه غړي وژلي او دوه نور یې ټپیان کړي دي.
د سرچینې په وینا، په وژل شویو کې یوه مېرمن هم شاملې ده.
د سلاموطندار پښتو فېسبوکپاڼه وڅارئ
په ورته مهال د لغمان محلي مسوولان هم تاییدوي چې دغه ولایت کې د یوه وسلهوال برید پرمهال د یوې ښځې په ګډون دوه کسان وژل شوي او یو بل ټپي دي.
د لغمان د والي ویاند صلاحالدین ذاهد سلاموطندار ته ویلي چې برید د ناپېژنده وسلهوالو له لوري شوی او تراوسه یې انګېزه نه ده معلومه.
صلاحالدین ذاهد زیاته کړه چې امنیتي ادارو د یادې پېښې په اړه خپلې پلټنې پیل کړي دي.
دا په داسې مهال ده چې په دې وروستیو کې د هېواد په یوشمېر نورو ولایتونو کې هم ورته پېښې شوي چې تر ډېره یې عاملان نه دي نیول شوي.
