د ننګرهار ولایت اړوند په لعلپورې ولسوالي کې د ناچاودې مرمۍ د چاودنې له امله اته ماشومان وژل شوي او ۳ نور ټپیان دي.
د سیمې اوسېدونکي وایي چې دغه پېښه نن سهار شاوخوا لس بجې د دې ولسوالي په دیګانانو سیمه کې د ناچاوده مرمۍ د چاودنې له امله رامنځ ته شوې ده.
د سلاموطندار پښتو فېسبوکپاڼه وڅارئ
سرچینې وایي، پېښه د ورسک ابتدایه ښوونځي مخې ته د پولیو خرڅولو په یوه لاس کاډي کې شوې چې په وینا یې، پولۍ پلرونکي هم په کې خپل ژوند له لاسه ورکړی دی.
خو د سیمې یو بل اوسېدونکی رومان مومند بیا د مرګژوبلې شمېر لوړ ښایي او وایي چې په دغه پېښه کې نهه ماشومان وژل شوي او پنځه نور ټپیان دي.
تر اوسه د ننګرهار ځایي چارواکو د دې پېښې د څرنګوالي او په کې د اوښتې مرګژوبلې په اړه رسنیو سره معلومات نه دي شریک کړي.
د یادونې وړ ده چې تر دې وړاندې هم د یوشمېر نا چاوده توکو د چاودنې له کبله په ورته پېښو کې کوچنیانو ته مرګ ژوبله اوښتې ده.
