د هلمند ولایت محلي مسوولان وايي چې په دغه ولایت کې د ټرافيکي پېښې له امله د دوو ښځو په ګډون درې کسان مړه شوي دي.
د هلمند د اطلاعاتو او فرهنګ رییس حافظ راشد هلمندي سلاموطندار ته ویلي چې پېښه د مارجې او نادعلي ولسوالیو پر غځېدلي سرک د جمپ پوستې ته نږدې شوې ده.
د سلاموطندار پښتو فېسبوکپاڼه وڅارئ
نوموړي زیاته کړې چې دغه ټرافیکي پېښه د یوه ټونس موټر او موټرسایکل ترمنځ رامنځته شوې چې له امله یې پر موټر سایکل سپاره درې کسان مړه شوي دي.
په ورته مهال هلمندي ویلي چې د موټر چلوونکی نیول شوی او اوس د ټرافیکو مدیریت کې تر څېړنو لاندې دی.
دا په داسې مهال ده چې له دې وړاندې هم په هلمند ولایت کې د موټر چلوونکو د بېاحتیاطۍ له امله ټرافيکي پېښې رامنځته شوي چې پرمهال یې یوشمېر کسانو خپل ژوند بایللی او نور بیا ټپیان شوي دي.
