په روزګان ولایت کې د دوو کورنیو ترمنځ د شخصي دښمنۍ له امله درې کسان وژل شوي دي.
د روزګان د امنیې قومنداني مسوولان وايي چې د دغه ولايت د چهارچينو ولسوالي په تګاب سيمه کې د شخصي دښمنۍ له امله ۳ کسان وژل شوي دي.
د سلاموطندار پښتو فېسبوکپاڼه وڅارئ
د امنيه قومنداني وياند اغاولي قریشي سلاموطندار ته ویلی چې پېښه د دوو کورنیو د شخصي دښمنۍ له امله رامنځته شوې ده.
نوموړي زیاته کړه چې څو ورځې وړاندې یوې کورنۍ د بلې کورنۍ درې کسان له ځان سره بیولي وو چې د اسلامي امارت ځواکونو پرون د دوی جسدونه موندلي دي.
د اغاولي قریشي په وینا، په دغه پېښه کې ښکېل ۱۵ کسان د اسلامي امارت د ځواکونو له لوري نیول شوي دي.
سلاموطندار پر ټویټر هم وڅارئ
دا په داسې مهال ده چې په دې وروستيو کې د هېواد په بېلابېلو ولايتونو کې د شخصي دښمنۍ، غچ اخیستنې او د ځمکې پر سر د شخړو له امله نښتې زیاتې شوې چې پرمهال یې یوشمېر کسان وژل شوي او ټپیان شوي هم دي.
