د لوګر د ولایتی شورا رئیس حسیب الله ستانګزی سلاموطندار ته وویل چې نن غرمه شاوخوا یوه بجه د خوست د ولایتي شورا او د ملي مصالحې عالي شورا غړې زهره جلال او یو ساتوونکی یې وسله والو طالبانو له موټره ښکته کړي او نامعلوم ځای ته یې بیولي دي.
ستانکزي زیاته کړه چې د خوست د ولایتي شورا غړې زهره جلال غوښتل له پکتیا څخه کابل ته ولاړه شي چې مرکز پل علم ته څېرمه وسلهوالو طالبان له موټره ښکته کړې ده.
د سلاموطندار پښتو فېسبوکپاڼه وڅارئ
بلخوا د لوګر ولایت د امنیه قوماندانۍ ویاند ګلحیدر احمدي سلاموطندار ته ویلي چې په دې اړه د لوګر ولایت د پولیسو پلټنې پیل شوي دي.
د مرکز پل علم ښار اړوند د کلنګار د سیمې اوسیدونکي هم دا تاییدوي چې نن غرمه مهال وسلهوالو طالبانو د کابل-ګردیز په لویه لاره د تلاشۍ پر مهال د خوست د ولایتی شورا غړې له خپل یوه ساتوونکي سره له موټره ښکته کړې او نامعلوم ځای ته یې بیولې ده.
- لوګر کې د هدفي وژنو او وسلهوالو غلاوو ډېروالی
- طالبانو لوګر کې له جګړې پرته د امنیتي ځواکونو یوه پوسته نیولې
- طالبانو په لوګر کې د ملي دسترخوان پروګرام درولی
وسله والو طالبانو تراوسه په دې اړه رسنیو ته څه ندي ویلي.
دا په داسې حال کې ده چې د کابل-لوګر لویه لار تر ډیره وسلهوالو طالبانو لاس ته پریوتې او په رڼا ورځ په دغه لویه لار د پلټنې چک پاینټونه جوړوي او هدفي کسان له موټرو ښکته کوي.
