د جګړې د قربانیانو ملي کمېټې نن په یوه خبري غونډه کې د هېواد روان امنیتي وضعیت د اندېښنې وړ وباله او له طالبانو یې وغوښتل چې په لوی اختر کې اوربند وکړي.

د جګړې د قربانیانو ملي کمېټې مرستیال حبیب‌الرحمان بخشي وايي، په هېواد کې وروستیو جګړو د ملکیانو او نظامیانو د مرګ‌ژوبلې کچه لوړه کړې او د طالبانو له لوري د تاوتریخوالي ډېروالی به د وضعیت لا خرابوالي لامل شي.

د سلام‌وطندار پښتو فېسبوک‌پاڼه وڅارئ

دغه کمېټه داسې مهال د طالبانو له لوري د تاوتریخوالي ډېروالي په اړه اندېښنه ښيي چې د جګړې د قربانیانو کورنۍ هم د طالب ډلې پالیسۍ خلاف دي. دا کورنۍ وايي، دولت او طالبان باید د وضعیت ښه‌والي لپاره خپل اختلافونو د خبرواترو له لارې حل کړي.



یلدا چې د تاوتریخوالي قرباني شوې، په هېواد کې سوله غواړي. هغه لس کاله عمر لري او ۴۰ ورځې وړاندې یې په یوه ټونس ډوله موټر کې د چاودنې له کبله مور له لاسه ورکړې او خپله هم ټپي شوې ده.

د یاد چسپکي ماین په چاودنه کې د یلدا ۹۰ سلنه وجود سوځېدلی و او د څلوېښت ورځو په تېرېدو سره یې لا هم پر وجود د سوځېدو نښې نښانې ښکاري.

یلدا چې د تاوتریخوالي قرباني ده، په هېواد کې سوله غواړي. نوموړې زیاتوي: «زما خوښېږي چې په هېواد کې مو سوله او ارامي راشي او هېڅکله نه غواړم چې جګړه وي.»

سلام‌وطندار پر ټویټر وڅارئ

په همدې حال کې نوراحمد نوراني چې د کورنۍ اووه غړي یې په وروستیو نښتو کې له لاسه ورکړي وايي، ښکېل لوري باید د سولې خبرواترو مېز راوګرځي او تاوتریخوالی پای ته ورسوي.

هغه وايي: «تلپاتې او باعزته سوله غواړو او د افغانانو غږ دې واورېدل شي. که هېواد کې له ولسواک نظام سره چې خلک یې غواړي، تلپاتې او باعزته سوله راشي، موږ به هغوی وبښو.»

د یادونې ده چې نن په کابل کې د جګړې ټپونو لومړنۍ ادبي-هنري جشنواره هم جوړه شوه. د دې جشنوارې جوړوونکو هم په هېواد کې د روانې جګړې د پای ته رسولو غوښتنه وکړه.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام