د پکتیا امنیتي مسوولان وايي چې نن یکشنبه د کب ۱۴مه د دغه ولایت د څمکنیو ولسوالي اړوند یوه کور کې د چاودنې له امله د یوې کورنۍ دوه غړي وژل شوي او درې نور ټپیان دي.
د پکتیا د اطلاعاتو او فرهنګ رییس ثواب جان اسلامیار سلاموطندار ته وايي، چاودنه نن سهار اووه بجې د څمکنیو ولسوالي په سلیمانخېلو بټ کې رامنځته شوې ده.
د پکتیا په مرکز ګردېز ښار کې د «هوا» په نوم یوې خصوصي راډیو فعالیت پیل کړی دی.
هېواد کې د بېوزلۍ او وزګارتیا کچې لوړېدو سره هممهاله، پکتیا کې سلګونه ماشومانو د اقتصادي ستونزو له امله خپلې زدهکړې پرېښي او درنو کارونو ته یې مخه کړې ده.
د پکتیا د اریوب ځاځي ولسوالي اوسېدونکي وايي چې لومړنیو روغتیايي خدمتونو ته لاسرسی نه لري او دې برخه کې له ګڼو ستونزو سره مخ دي.
د پکتیا له بېلابېلو ولسوالیو څخه سلګونه کسانو نن په ډنډپټان ولسوالي کې د پاکستان پر ضد لاریون کړی چې لا هم روان دی. دغه لاریون په یاده ولسوالي کې د پاکستاني ملېشو له لوري د ملکیانو پر کورونو د بریدونو په غبرګون کې شوی دی. لاریون کوونکو پر افغان خاوره د پاکستان بریدونه غندلي او له دغه هېواد یې غوښتي چې له خپل تیري لاس واخلي.
د پکتیا د حوزوي روغتون رییس ډاکټر نصیراحمد رحماني سلاموطندار ته ویلي چې د ډنډپټان ولسوالي اړوند د ډیورنډ پر فرضي کرښې له شوې جګړې یو جسد او یو ټپي دغه روغتون ته ور وړل شوي دي.
د پکتیا د ډنډپټان ولسوالي اړوند د ډیورنډ فرضي کرښې په اوږدو کې یو ځل بیا د اسلامي امارت د ځواکونو او پاکستانۍ ملېشو ترمنځ نښته شوې ده.
یوې دولتي سرچینې د نوم نه ښودلو په شرط سلاموطندار ته وویل چې د ا.ا ځواکونو او پاکستانۍ ملېشو ترمنځ د نن ماسپښین له شاوخوا یوېنیمې بجې راهیسې جګړه روانه ده.
د پکتیا امنیتي مسوولان وايي، د دغه ولایت په ګردې څېړۍ ولسوالي کې یوه ځوان ځانوژنه کړې ده. د پکتیا د امنیې قومنداني ویاند عبدالباري منیب سلاموطندار ته ویلي، دغه ځوان «حلیمالله» نومېږي او پرون شنبه یې د ګردې څېړۍ په سروخېلو کلي کې د ټوپک په وسیله ځان وېشتلی او ژوند ته یې د پای ټکی ايښی دی. د امنیې قومنداني ویاند زیاته کړې چې یاد ځوان ۲۸ کاله عمر درلود، خو په وینا یې، تراوسه یې د وژنې لامل نه دی معلوم.
په پکتیا کې یوه امنیتي سرچینه وايي، د اسلامي امارت ځواکونه او پاکستانۍ ملېشې نن مازدیګر شاوخوا څلورنیمې بجې د دغه ولایت په ډنډپټان ولسوالي کې د ډیورنډ فرضي کرښې په «خرلاڅي» دروازه کې سره نښتي دي.
د پکتیا محلي مسوولان وايي چې د دغه ولایت په مرکز ګردېز ښار کې یوه مېرمن د خپلې کورنۍ لهخوا وژل شوې ده.
د پکتیا د امنیې قومنداني ویاند عبدالباري منیب سلاموطندار ته ویلي چې پرون شنبه د لړم ۲۰مه د مرکز ګردېز ښار د درېیمې امنیتي حوزه په «ملا قدرت درې» کلي کې یوه مېرمن د خپلې کورنۍ د غړیو له لوري په مرموز ډول وژل شوې ده.
د پکتیا ګڼشمېر کروندګر وايي، سږ کال په دې ولایت کې د طبیعي پېښو له امله يې ډېر کښتونه لهمنځه تللي دي. د یاد ولایت کروندګر زیاتوي چې د کال په پیل کې یې فصلونه د وچکالۍ او وروسته د سختو اورښتونو له امله یې کښتونه لهمنځه تللي.
پکتیا کې یوشمېر معلولان نیوکه کوي چې مالي حقوق یې پر خپل وخت نه ورکول کېږي چې له امله یې له ګڼو اقتصادي ستونزو سره مخ دي.
دوی نن مرکز ګردېز ښار کې یوې غونډې ته ویلي، د تېر حکومت پر مهال ورته ټاکل شوي حقوق چې هر کال به معلولانو ترلاسه کول، اوس په بېلابېلو پلمو ځنډېږي او دوی یې سختو ستونزو سره مخ کړي دي.
پکتیا کې د تېرو جګړو او د سږکال اورښتونو له امله د مرکز ګردېز په ګډون بېلابېلو سیمو ته شاوخوا ۳۰۰۰ کورنۍ بېځایه شوي چې د ژمي په رارسېدو سره له ګڼو ستونزو سره مخ دي.
د پکتیا محلي مسوولان وايي چې د دغه ولایت په ځاځياریوب ولسوالي کې د هاوان مرمۍ د چاودنې له کبله دوه ماشومان وژل شوي او دوه نور ټپیان دي.
جانيخېل د پکتیا تر ټولو لرې پرته غرنیزه ولسوالي ده چې اوسېدونکي یې له لومړنیو خدمتونو بېبرخې دي. اوسېدونکو یې سلاموطندار ته وايي، د ولسوالي د لویې لارې خرابوالی او د منظم روغتون نشتون، هغه څه دي چې خلک یې ګڼو ستونزو سره مخ کړي. د دوی په وینا، مخکیني حکومت د یادې ولسوالي د لویې لارې د جوړېدو هڅې وکړې، خو تراوسه هم نهده جوړه شوې.
د پکتیا امنیې قومنداني ویاند عمر بدري وايي، پرون مازدیګر د دغه ولایت په څمکنیو ولسوالي کې د ځمکې پر سر د شخړې له امله یو کس وژل شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
