د جوزجان-بلخ پر لویه لاره د ټرافیکي پېښې له کبله یوه کس خپل ژوند له لاسه ورکړی او درې نور کسان ټپیان شوي دي.
د جوزجان د فیضاباد ولسوالي د امنیې قومندان کفایتالله متوکل سلاموطندار ته ویلي چې پېښه د کرولا ډوله او پلنګکوچ موټرو ترمنځ د ټکر له امله رامنځته شوې ده.
د بامیان او پروان محلي مسوولان وايي چې دغو ولایتونو کې دوه کسان د ناپېژنده وسلهوالو له لوري وژل شوي دي.
د پروان د امنیې قومنداني د جنايي جرمونو د څېړنې امر فیضالرحمن حامد نن چهارشنبه د سلواغې ۱۹مه سلاموطندار ته ویلي چې بېګاه شاوخوا ۸:۳۰ بجې د چاریکارو ښار اړوند «پُل بابا حاجي» سیمه کې ناپېژنده کسانو یو ځوان وژلی دی.
د پروان امنیتي مسوولان تاییدوي چې د سالنګ په تونل کې د اورلګېدنې له کبله ۴۷ کسانو ته مرګژوبله اوښتې ده. مسوولانو ویلي چې بېګاه د سالنګ په تونل کې دننه یوه ټانکر اور اخیستی او اورلګېدنه رامنځته شوې ده. په ورته وخت کې د عزیزالله عمر زیاتوي چې د تېلو ټانکر د چاودنې له کبله د سالنګ تونل د چت یوه برخه هم نړېدلې ده.
پروان ولایت ته له پنجشېر نه د جګړو له کبله سلګونه بېځایه شوې کورنۍ شکایت کوي چې د ژمي په را رسېدو سره سره ورسره هېڅ ډول مرسته نهده شوې.
دوی له اسلامي امارت او مرستندویه ادارو څخه د لومړنیو مرستو غوښتونکي دي.
د پروان محلي مسوولان وايي چې دغه ولایت کې یوه کس په ښکاري ټوپک خپل ورور ویشتلی او وژلی یې دی.
د پروان محلي مسوولان وايي چې د مرکز چاریکار ښار اړوند ۱۱مه حوزه کې د ۴۰۰زره امریکايي ډالرو په ارزښت د یوه ښوونځي د رغېدو ډبره کېښودل شوه. د پروان د والي ویاند عبیدالله امینزاده سلاموطندار ته وايي، د دغه ښوونځي د رغولو چارې د کډوالو په چارو کې د ملګروملتونو د عالي کمېشنرۍ له لوري پرون پیل شوې.
د پروان مسوولان وايي چې د دغه ولایت د بګرام ولسوالي په اړوند سیمه کې یو کس وژل شوی دی.
د پروان د امنیې قومانداني مسوولان وايي چې د دغه ولایت د جبلالسراج ولسوالي په مرکز کې یوې پنځلس کلنې نجلۍ ځان را ځړولی او وژلی دی.
پروان کې سرچینې وايي چې په مخکیني حکومت کې د دغه ولایت د ولایتي شورا مرستیال شمسالحق شیخاني د اسلامي امارت له لوري نیول شوی دی.
د پروان ولایت د سیاهګرد ولسوالي مسوولان په دې ولسوالي کې د خاوند له لوري د یوې مېرمنې د وژل کېدو خبر ورکوي.
د پروان امنیتي مسوولان وايي چې دغه ولایت کې د اسلامي امارت ځواکونو په تېروتنه پر یو بل ډزې کړي چې په پایله کې یې د جبلالسراج ولسوالي جنايي امر د خپل یوه همکار سره وژل شوی دی. د پروان امنیې قومندان همداراز ویلي چې دې نښته کې د اسلامي امارت دوه سرتیري تپیان شوي هم دي.
پروان کې یوشمېر معلولان او د شهیدانو د کورنۍ غړي شکایت کوي چې سږ کال یې خپل حقونه نهدي ورکړل شوي.
د دوی له ډلې یو معلول عبدالسلام چې د جبلسراج ولسوالي اوسېدونکی دی وايي، د شهیدانو او معالولانو ریاست لهخوا ورته ویل شوي چې دې اداره کې د معلولیت امتیازاتو پر شرایطو برابر نه دی.
د پروان د والي ویاند سیدحکمتالله شمیم سلاموطندار سره په مرکه کې ویلي، پروان کې د ښځو له لوري د بندو دروازو تر شا د احمدشاه مسعود د وژل کېدو تلین د نمانځنې په اړه خپور شوی خبر ناسم دی.
د اسلامي امارت له واکمنېدو راهیسې په پروان کې د جبلسراج شاهي ارګ په یوه پوځي مرکز بدل شوی دی. د سیاحت دغه تاریخي ځای کې د اسلامي امارت د ځواکونو حضور د پروان فرهنګپال اندېښمن کړي دي. پروان کې شاعر عبدالواحد عایل شبروز سلاموطندار ته وايي چې فرهنګي او توریستي ځایونه باید د سیلانیانو لپاره وي، نه دا چې په پوځي مرکز بدل شي.
د پروان محلي مسوولان وايي چې دغه ولایت کې وسلهوالو غلو یو پلار او د هغه زوی چې درې ورځې مخکې یې واده کړی و، وژلي دي.
د پروان امنیتي مسوولان وايي چې د دغه ولایت د سیاهګرد ولسوالي اړوند سیمه کې یوه کس خپل ورور وژلی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
