د پاکستان د خېبرپښتونخوا ایالت په میرلي سیمه کې د ځانمرګي برید له کبله درې کسان وژل شوي او ۲۲ نور ټپیان دي.
پاکستاني رسنیو نن یکشنبه د سلواغې ۲۳مه راپور ورکړی چې ځانمرګي بریدګر خپل زرنج موټرسایکل د امنیتي ځواکونو له موټرو سره جنګولی چې له امله یې یاده مرګژوبله رامنځته شوې ده.
د بامیان او پروان محلي مسوولان وايي چې دغو ولایتونو کې دوه کسان د ناپېژنده وسلهوالو له لوري وژل شوي دي.
د پروان د امنیې قومنداني د جنايي جرمونو د څېړنې امر فیضالرحمن حامد نن چهارشنبه د سلواغې ۱۹مه سلاموطندار ته ویلي چې بېګاه شاوخوا ۸:۳۰ بجې د چاریکارو ښار اړوند «پُل بابا حاجي» سیمه کې ناپېژنده کسانو یو ځوان وژلی دی.
د کندهار محلي مسوولان وايي چې د دغه ولایت په سپینبولدک ولسوالي کې د دوو بېلابېلو پېښو پر مهال د یوې نجلۍ په ګډون دوه کسان وژل شوي دي.
د اسلامي امارت ویاند ذبېحالله مجاهد پر خپله ټوېټرپاڼه لیکلي چې د اسلامي امارت ځواکونو کابل کې د داعش ډلې پر یوه پټنځای عملیات کړي دي. د نوموړي په وینا، دغه عملیات بېګاه ناوخته چهارشنبه د مرغومې څوارلسمه د کابل اتمې حوزې اړوند د قلعهچې او شهدای صالحین سیمو کې شوی دی.
د پاکستان د خېبرپښتونخوا ایالت په لکي مروت سیمه کې د ناپېژنده وسلهوالو د برید له امله درې پاکستاني پولیس وژل شوي او څلور نور ټپیان دي.
بلخ کې سرچینې سلاموطندار ته وايي چې نن سهار شاوخوا ۷:۱۵ دقیقې د مزارشریف ښار اړوند سیمه کې چاودنه شوې ده.
سرچینې ویلي، چاودنه د مزارشریف په سیداباد څلور لارې کې پر «۵۸۰» ډوله موټر د ځای پر ځای شوي ماین له کبله رامنځته شوې ده. خو مزارشریف کې د ابو علي سینا بلخي روغتون مسوولان وايي چې د چاودنې له ځایه دغه روغتون ته اته جسدونه او لس ټپیان وروړل شوي دي.
د پاکستان په بلوچستان ایالت کې د یوه ځانمرګي برید له امله د پولیسو د یوه افسر په ګډون درې کسان وژل شوي او ۲۳ نور ټپیان دي.
پاکستاني رسنیو نن راپور ورکړی چې د دغه هېواد د خېبرپښتونخوا په لکي مروت سیمه کې له وسلهوالو سره په نښته کې دوه پاکستاني سرتیري وژل شوي او د یوه افسر په ګډون دوه نور ټپیان دي.
د کابل امنیتي مسوولان وايي، د نهمې امنیتي حوزې اړوند د خواجهرواش سیمې په یوه جومات کې یوه کس د یوې کورنۍ پنځه غړي وژلي او یو بل کس یې ټپي کړی دی.
د کابل د امنیې قومنداني ویاند خالد ځدراڼ نن چهارشنبه د لیندۍ دویمه سلاموطندار ته ویلي، د لومړنیو معلوماتو له مخې، یاده پېښه د شخصي دښمنۍ له امله رامنځته شوې ده.
د هرات استخباراتو د یوې خبرپاڼې په خپرولو سره ویلي چې د دغه ریاست ځواکونو یاد ولایت کې د عملیاتو پر مهال پنځه داعشیان وژلي دي.
د خپرې شوې خبرپاڼې له مخې، دغه عملیات بېګاه شپه د لړم ۲۴مه د هرات ښار په «ملاباباجي» سیمه کې د داعش ډلې د غړیو پر یوه پټنځای شوي دي.
د فاریاب امنیتي مسوولان وايي چې د دغه ولایت په دولتاباد ولسوالي کې ناپېژنده کسانو د «مالګې» د یوه کان درې کارکوونکي په مرموز ډول وژلي دي.
د سوېلي کوریا ولسمشر یونسوک یوول وروسته له هغې دغه هېواد کې ملي ماتم اعلان کړ چې د یاد هېواد په پلازمېنه سېول کې د هالووین جشن پر مهال د ګڼې ګوڼې له امله ۱۵۱ کسان ووژل شول او ۸۲ نور ټپیان شول.
د پکتیا محلي مسوولان وايي چې د دغه ولایت په ځاځياریوب ولسوالي کې د هاوان مرمۍ د چاودنې له کبله دوه ماشومان وژل شوي او دوه نور ټپیان دي.
د کندوز محلي مسوولان وايي چې نن سهار امنیتي ځواکونو د کندوز ښار اړوند سیمه کې د داعش ډلې پر یوه پټنځای برید کړی او پنځه داعشیان یې وژلي دي.
د کندوز د امنیې قومنداني ویاند عبیدالله عابدي سلاموطندار ته ویلي، د کشفي معلوماتو پربنسټ یې د داعش پر دغه پټنځای عملیات کړي او دې ډلې پورې اړوند پنځه کسان یې وژلي دي.
د لغمان امنیتي مسوولان وايي چې دغه ولایت کې د ا.ا د سرتېرو پر رنجر موټر چاودنه شوې چې له امله یې دوه سرتیري وژل شوي دي.
پېښه نن سهشنبه د تلې ۱۹مه د لغمان اړوند الینګار ولسوالي کې رامنځته شوې ده.
حمیده چې ۱۹ کاله عمر لري، پر کاج ښوونیز مرکز د تېرې جمعې ورځې له بریده ژوندۍ راوتلې ده. هغه د ترور له لور راحیلې او کوچني ورور سره د کانکور ازمایښتي ازموینه کې د ګډون په موخه دغه مرکز ته ورغلي وو.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
