د پاکستان په بلوچستان ایالت کې د یوه ځانمرګي برید له امله د پولیسو د یوه افسر په ګډون درې کسان وژل شوي او ۲۳ نور ټپیان دي.
د پاکستان رسنیو نن چهارشنبه د لیندۍ نهمه سیمه کې د پولیسو چارواکو له قوله راپور ورکړی چې دغه ځانمرګی برید د بلوچستان بالیلي سیمه کې د پولیسو پر یوه موټر شوی او له امله یې یاده مرګژوبله رامنځته شوې ده.
رسنیو ویلي چې دغه برید ګې دوه ملکیان او یو پولیس افسر وژل شوی او د درېوو ملکیانو په ګډون ۲۳ پولیس ټپیان شوي دي.
په ورته مهال په بالیلي سیمه کې پولیس چارواکو رسنیو ته ویلي، د «پولیسو ټرک» موټر سیمه کې د واکسیناتورانو د امنیت خوندیتوب لپاره پر لاره و چې ځانمرګی برید پرې شوی دی.
برید کې ټپي شوي کسان د درملنې لپاره د کوټې روغتون ته لېږدول شوي دي. په وژل شویو کې یوه ښځه او یو ماشوم هم شامل دي.
سلاموطندار پر ټوېټرپاڼه هم وڅارئ
ټيټيپي (پاکستاني طالبانو تحریک) د دغه ځانمرګي برید مسوولیت منلی دی. دغه برید یوه ورځ وروسته له هغې کېږي چې پرون ټيټيپي د پاکستان له حکومت سره کړی اوربند مات کړ او د بریدونو خبرداری یې ورکړ.
